Ne Biblia dya mama ke ra matjꞹji yo santo. Ngextrjo e Diosi ra matr’ꞹji kja o trju̱u̱ e Jesús. “Ri dyøtkeji akjanꞹ —e Jesús o xipji k’o discípulo—: in tatatsʼꞹgøjme kʼꞹ i bʼꞹbʼꞹ a jensʼe, ra tʼekjañomꞹji texe yo ntee in chju̱ge.” (Mateo 6:9, Biblia de América [BA].) E Jesús dya go mama ke ro øtʼꞹji yo santo, o yo anxe, ngextrjo e Yose ro øtʼꞹji.

 E Jesucristo xo go mama: “Ngezgø ne ñʼiji, ñe kʼꞹ na kjuana, ngextrjozgø ri kjakꞹji xi ri bʼꞹbʼꞹji. Ngextrjozgø søø ra pjøxkʼꞹji, ma jiyo dya søø ri zⱥtrʼⱥji kja in tatagø” (Juan 14:6, BA). Ngextrjo e Jesús søø ra mbøxkꞹji ra chɇzhiji a jmii e Diosi, dya kjo søø ra tsjayo (Hebreos 7:25).

¿Søø ra xørpꞹji yo santo ñe e Mizhokjimi?

 Kja yo diez mandamiento Mizhokjimi bo mama: “Ngezgø in Kjimitsʼꞹgeji, ngextrjozꞹgø ri dyⱥtkⱥji” (Éxodo 20:5, BA). ¿Pjenga “ngextrjo” angeze ra xørpꞹji? Nu nota kja ne Biblia de América ju̱sʼꞹ kʼo nee ra mama ne versículo: “Ngextrjo angeze nge Mizhokjimi, ni ri na santo ra jñꞹmbꞹ [...] kʼo nge nu tsjaja”. Mizhokjimi nee ke ngextrjo angeze ra xørpꞹji, ñe ke ngextrjo angeze ra øtꞹji texe yo paa (Isaías 48:11).

 Ma kjo ra øtꞹji ke dya nge Mizhokjimi, nzakja na santo o na anxe, ra kjapꞹji me ra ꞹʼꞹ o mꞹbʼꞹ. Kja ne libro Apocalipsis mama ke ne apóstol Juan o nrrꞹñijomꞹ angua na anxe, nakʼua kʼe anxe o xipji: “Dya ri ndꞹñijomꞹ kja in jmigø; dya xo ri matkʼꞹ. Nutsʼkʼe ñe ko in kjuarma xo ri mbɇpjitjoji e Mizhokjimi. Ngextrjonu ri xørpꞹji” (Apocalipsis 19:10, BA).