Johova gna yeu boudoum ne bouda chi. Djisse djia djissou. Ngue gna tai, Adam ba Eve, ya chigai beu kele louandle boud gouaw—Gna boueigne tai o engless tsiguele gouaw. (Job 38:4, 7) Gna djile moud a chouchouogou Adam djong paradis ba de djaw ne ngadane a Eden. (Metedele 2:15-17) Johova gna kaague gne ne mpouong bouane bey djong tsig kou ne me chinai wa chi.​—Longue O Sam 37:29; 115:16.

Metedele de, ndji ngadane a Eden o gna beu paradis. Adam ba Eve ba djalane louandle chi ne bouane bang. Neme nda mi mbou mia ngue tsong, ba djalane ngue kouamble chi gniez ne I beug paradis. (Metedele 1:28) Chi ya beulai boualai djimb. Djisse djia me moud kou ne jougue.​—Longue O Sam 104:5.

Adam ba Eve ba sa Zembe me louo, gouo Johova gna wingue bouo paradis de. Beu mou djimbale tsig paradis de, kou ne moud nkoul gningue kouamble paradis wongue. Bible me tsi ne: “Chi ya beu kinja mbouo me mbeuwoulou moud de.”​—Job 9:24.​—Longue Metedele 3:23, 24.

Ye Johova gna choual miasse teiguia ye chou mpouong boud? Mbo! Gne o a nkoul gniez. A tsougai ne nkoul kou. (Izai 45:18) Gne gnigue wa boud tai gna tsiel ne beu beug metedele de.​—Longue O Sam 37:11, 34.

Chi I ba gningue beu Paradis wala Yessous gne nwa djia a ndjou a Idjou I Zembe. Domb beu djaw ne Armaguedon, Yessous ne o engless bey kouassele mi jijing mi Zembe. Fade Satane mi mbougue de tang mi mbou 1 000. O mbougla o  Zembe beu ba tsigue ne tsie Yessous me ba kiey ne bagle bouo. Beu ba beu ne tsig a melou mez Paradis de wa chi.​—Longue Mi Ndeiguia mi Jan 20:1-3; 21:3, 4.

Djayai dja Zembe gne yile baw wa chi de? Yessous gna yeu “ndeum” I ba louo ne me chinai me chi me mousse kounekoune. Bawbaw I sa ya tsig a melou me ga I louo ne seu mousse “me chinai me I sa ya chi ga.”​—Longue Mathieu 24:3, 7-14, 21, 22.

Dja Yessous gne ngue djou ke djie mi mbou 1 000, a ba chinale mi ndjougou miez. (Izai 9:6, 7; 11:9) Gna beulai beu ndji Ndjou boud, a ba neme beu Mama Fada me ba yile mi seum mi boud bez beu tsiel Zembe wa. Ndo, jii me Yessous de’o, Zembe gne yile me bouasse, itsoul, ne chouiy.​—Longue Izai 25:8; 33:24.

Boud besse ne me gouag ne Zembe o beu ba tsigue Paradis de. (Jan 1 2:17) Yessous gna keund o mpouine bey ne beu songue bongue besse ne idjouad I gnoul djiglile bouo vale beu nkoul sa ne Zembe tsielgue bouo. Mousse, Johova ngue kouamsa mi nteud mi o togchine o boud chou tsiguele Paradis zag wa chi de. (Sophonie 2:3) Me mpanze me Idjou ma o Ngaa o Johova de, boud beu djigli beule djong o ngoume ne o songue ngue djong bouda ne o gnongue. O biol ne bouane beu loug Zembe synguia ne djigli mpoule vale bez beu nkoul nwa nfi ne djong mekeul ma Bible.​—Longue Michee 4:1-4.