© 2014 Watch Tower Bible and Tract Society of Pennsylvania, Inc. All rights reserved.

Gĩtuo gĩkĩ gĩcabĩtwe na gĩkamenyeerwa nĩ Watchtower Bible and Tract Society of New York, Inc. Tiga gũkethĩrwa kwonanĩtue ũngĩ, maandĩko jonthe na mantũ jangĩ jarĩa jarĩ kĩrĩ webusaĩti ĩjĩ, nĩ into bia ũtea bwa Watch Tower Bible and Tract Society of Pennsylvania.

Mawaatho jaja ja ũtumĩri, nĩjo jagũtongeeragia gũtumĩra webusaĩti ĩjĩ. Rĩrĩa ũgũtumĩra webusaĩti ĩjĩ, nũgwĩtĩkania buru na Mawaatho jaja ja Ũtumĩri. Kethĩra ũtĩgwĩtĩkania na Mawaatho jaja ja Ũtumĩri kana bũmwe bwa mawaatho jaja, ũtĩbwĩrĩte gũtumĩra webusaĩti ĩjĩ.

Ũtumĩri bũbwega nĩ bũrĩkũ? Woomba gũtega, kũrita, na gũcaba mbica irĩa icoori, mauku ja kĩelektronĩki, ndwĩmbo, mbica, maandĩko, vidio (“Into”) kuuma kĩrĩ webusaĩti ĩjĩ nĩũntũ bwa ũtumĩri bwaku wengwa na tĩ bwa biacara, o ta ũrĩa mĩanka ĩkĩri aja nthĩgũrũ o na kinya kũngĩ kĩrĩ Mawaatho jaja ja Ũtumĩri. Kwou, ũtĩbwĩrĩte:

• Gwĩkĩra mantũ ja webusaĩti ĩjĩ kĩrĩ Intaneti (webusaĩti ingĩ, gũtambia faero kĩrĩ webusaĩti ingĩ, kana kĩrĩ ngwatanĩro cia ũcoore Intanetine ‘social network’);

• Kũritithia into kaĩrĩ kuuma kĩrĩ webusaĩti ĩjĩ birĩ gĩcuncĩ kĩa programu ya kompiuta kana birĩ amwe na programu ya kompiuta;

• Kũrita kaĩrĩ, gũkoobia, kana gũtumĩra bũthũũku into birĩa bĩrĩ kĩrĩ webusaĩti ĩjĩ, birĩ bia biacara kana woona mbeca (kinya kethĩra ũtĩkwona mpongeeri), kinya gũtambia programu cia kompiuta irĩa igwatene kana igwatithenue (static kana dynamic) na webusaĩti ĩjĩ;

• Gũtumĩra webusaĩti ĩjĩ na mworoto jwa kũthithia na gũtambia kondi (source code), into, kana njĩra cia gũtongeeria mantũ jabangi kana programu ĩgũciĩtithia yongwa kũũthũrania mantũ (data) (amwe na, without limitation scraping, data mining, data extraction, na data harvesting) kĩrĩ kana ĩgwatanĩrĩte na webusaĩti ĩjĩ;

• Gũtũmĩra bũthũũku webusaĩti kana ũriti ngũgĩ bwayo, ta kwangaratania kana gũtonyeera webusaĩti kana ũriti ngũgĩ bwayo na njĩra ingĩ irĩa itĩonanĩtue;

• Gũtumĩra webusaĩti ĩjĩ na njĩra o na ĩrĩkũ ĩgũtũma, kana yũũmba kũthũũkia webusaĩti kana ĩremwa nĩ kũrita ngũgĩ kana gũkinyĩrĩka; kana na njĩra ĩngĩ kinya ĩrĩkũ ĩtĩ ya kĩwaatho, ya waayia, kana ya kũthũũkia kana ĩkũgwatanĩra na njĩra ingĩ itĩ cia kĩwaatho, cia waayia, irĩ na mworoto jwa kũthũũkia;

• Gũtumĩra webusaĩti ĩjĩ na mworoto kinya jũrĩkũ jwa biacara.

Gũtĩ kũmeneeria mawaatho jangĩ ja Watchtower jarĩa jarĩ rungu rwa Mawaatho jaja ja Ũtumĩri, kethĩra ũkauna Mawaatho jaja ja Ũtumĩri na njĩra kinya ĩrĩkũ, Watchtower yoomba gũkũjũkĩria ĩtagaaria rĩrĩa ĩkwona rĩagĩrĩte rĩa uuni waatho bũu, amwe na gũkũrũngĩka ũtĩgatumĩre webusaĩti kwa kagiita, gũkũrigĩĩria ũtĩgatumĩre webusaĩtĩ, kwinga kompiuta na njĩra ya gũtumĩra adireci yaku ya IP ũtĩgatumĩre webusaĩti, Kwaranĩria na barĩa bakwejaga Intaneti kũbaromba bainga ũtumĩri bwaku bwa webusaĩti na/kana bakũjũkĩrie ĩtagaaria rĩa kĩwaatho.

Watchtower yoomba kũgarũra Mawaatho jaja ja Ũtumĩri ĩgiita kwa ĩgiita. Mawaatho ja Ũtumĩri jarĩa jagarũrĩtwe jagatumĩka kĩrĩ ũtumĩri bwa webusaĩti kuuma ĩgiita rĩa gũcabwa kwajo. Itũ bu, tega Mawaatho jaja ja Ũtumĩri ĩgiita kwa ĩgiita nĩkenda ũjamenya jarĩa jekĩri rua.

Mawaatho jaja ja Ũtumĩri jarũngamĩĩrĩtwe, na nĩjataũri kũringana na Mawaatho ja State of New York, U.S.A., gũtĩna gwaatania kĩrĩ mawaatho. Ĩtagaaria o rĩonthe rĩa kĩwaatho rĩĩgiĩ Mawaatho jaja ja Ũtumĩri rĩgaikua kĩrĩ ‘state’ kana ‘federal court’ ĩrĩa ĩrĩ na mainya ndeene ya State of New York, U.S.A.

Kethĩra bũmwe bwa Mawaatho jaja ja Ũtũmĩri bũkoonanua nĩ koti ĩrĩ na mainya atĩ bũtĩbui na bũtĩagĩrĩte, na bũtĩtumĩka, kana tĩ bwa kĩwaatho, mawaatho jangĩ jageta na mbere gũtumĩka. Kũremwa kwa Watchtower gũtũma waatho kinya bũmwe bwa Mawaatho jaja ja Ũtumĩri bũthingatĩĩrwa, bũtĩtaũrwa atĩ nĩ kũrekeeria waatho kana ta kaanya ga kwinyĩĩria ĩtagaaria rĩu rĩjũkua.

Mawaatho jaja ja Ũtumĩri nĩ metĩkanĩĩria jonthe gatĩgatĩ gaku na Watchtower kĩrĩ ũtumĩrĩ bwaku bwa webusaĩti ĩjĩ, na nĩ jajũkĩtie kaanya ka metĩkanĩĩria jonthe ja au mbere jegiĩ ũtumĩri bwaku bwa webusaĩti ĩjĩ.