Ukraine ai e varamu tuarina dainai, tomadiho igunalaina taudia momo ese taunimanima e hagoadadiamu tuari ai bae vareai. Mani tomadiho igunalaina taudia haida ese una tuari e sapotiamu dalana aita itaia:

•   “Emai tuari taudia iboudiai a hanamodiamu bona a tenkiu henidiamu badina edia tano Ukraine na inaidia amo e gimaiamu . . . Umui daimuiai a ḡuriḡurimu, a lalomuimu, bona hanaihanai baia durumui.”​—Metropolitan Epiphanius I of Kyiv, The Jerusalem Post, March 16, 2022 ai e gwauraia.

•   “Russia Orthodox Dubuna edia hegunalai tauna na Sunday ai Russia soldia iboudiai daidiai hebou badana ta e boilaia, bona una hebou ai e hamaorodia Moscow tuari oreana na Ukraine ai e tuarimu lalonai umui ‘Russia taumui sibomui’ ese emui tano ba gimaia.”​—Reuters, April 3, 2022.

 Kristen taudia bae tuari be namo, a? Baibul be dahaka e gwaumu?

 Baibul ese e hahedinaraiamu Iesu Keriso murinai e rakamu taudia na basie tuari.

•   “Emu dare na gabuna ai ba toia vareai lou; badina be dare e abi taudia iboudiai na dare amo do bae mase.”​—Mataio 26:52.

   Tuari karadia e abi daemu eiava e tuarimu tauna be Iesu ena hereva e badinaia momokanimu eiava?

•   “Haheḡani matamatana name henimui: ba helalokau heheni. Lau ese na lalokau henimuimu heḡereḡerena umui danu ba helalokau heheni. Unu amo taunimanima iboudiai bae diba umui na lauegu hahediba: ba helalokau heheni dainai.”​—Ioane 13:34, 35.

   Tuari karadia e duruamu tauna be Iesu ese ia murinai e rakamu taudia e hamaorodia lalokauna e hahedinaraiamu, a?

 Diba ma haida totona, atikol ladana “Is War Compatible With Christianity?” ba duahia.

 Kristen taudia bae tuari be maoro, a? Lasi. Baibul na e peroveta iseda nega eiava “dina gabedia” ai bese idauidau taudia na Iesu ena hahediba heḡereḡerena “tuari daladia basie hahedibalai lou.”​—Isaia 2:2, 4.

•   Diba ma haida bavabi totona, The Watchtower atikol ladana “How Does God View War?” ba duahia.

 Kahirakahira Iehova, a “Maino Diravana,” ese ena guba gavamanina baine ḡaukaralaia taunimanima na “daḡedaḡe bona ala-ala amo” baine hamauridia.​—Filipi 4:9; Salamo 72:14.

•   Be varamu dalana ba dibaia totona, vidio ladana Dirava Ena Basileia be Dahaka? ba itaia.