Nou laktivite dan lemond antie li soutenir sirtou par bann donasion ki bann Temwin Zeova zotmem inn fer. a Dan nou bann lasal, ena bann bwat kontribision,ek ena bann lezot mwayin pou fer donasion lor paz Faire un don. Ena bann diferan opsion pou fer bann donasion pou bann lasanble lokal ouswa lezot depans.

 Nou pa demann bann Temwin pou donn ladim ouswa pou vers enn montan spesifik ouswa enn poursantaz zot lapey. (2 Korintien 9:7) Tou nou bann renion gratis. Ek bann ki a la tet zot pa fer peye pou pran batem, pou fer bann lanterman, bann maryaz, ouswa lezot kitsoz. Nou pa organiz bann kolekt larzan atraver lavant bann gato, bann lavant sarite, karnaval, bann dine, ni nou rod donasion. Nou pa pibliye ouswa partaz bann linformasion lor bann ki fer donasion. (Matie 6:2-4) Nou sit Internet osi pena okenn piblisite ki amenn kas.

 Sak mwa tou bann lasanble bann Temwin Zeova pibliye enn rapor finansie ki piblik. Pou sak lasanble, ena bann check ki fer pou asire ki pe bien servi sa bann donasion-la.

•   Bwat kontribision: Ou kapav fer bann donasion kan ou donn kas ouswa kan ou fer enn sek ki ou met dan bann bwat kontribision ki ena dan bann lasanble lokal, bann lasal lasanble ouswa bann lezot plas kot fer renion.

•   Donasion par Internet: Dan boukou pei, atraver paz Donasion, ou kapav fer bann don avek bann kart kredi, bann debit card, transfer par labank, ouswa bann lezot virman elektronik. b Sertin Temwin Zeova swazir pou gard enn ti kontribision sak mwa ek zot fer sa donasion-la par sa bann mwayin-la.​—1 Korintien 16:2.

•   Donasion planifie: Ena sertin donasion, kot bizin fer bann demars avan, ouswa rod bann konsey legal. Sa bann planifikasion-la dan sertin pei kapav dan ou lavantaz letan ou bizin pei tax. Boukou dimounn inn profite kan zot inn ransegn zot lor seki zot bizin fer kan enn dimounn vivan ouswa lor seki pou arive letan enn dimounn mor. Si ou anvi fer enn bann don ki ena anba, nou invit ou pou kontakte biro nasional pou gagn plis ransegnman:

  •   kont labank

  •   lasirans ek bann plan vieyes

  •   bann proprieter

  •   bann aksion ek bann obligasion

  •   testaman ek afidavit

 Pou plis linformasion lor bann metod donasion ki disponib dan ou landrwa, get paz Donasion.