Nou ador Zeova kan nou ansam ar nou bann frer ek ser pandan bann renion ek bann lasanble, me nou osi ador Zeova ansam ar nou fami ek kan nou tousel. Anou get sertin kitsoz ki to kapav fer pandan to letid personel ek to ladorasion an fami:

• Prepar to bann renion. Dan to preparasion, to kapav osi sant bann kantik ek ed to fami pou prepar zot repons.

• Lir enn zistwar ki ena dan Labib. Apre sa, to kapav desinn enn levennman ki’nn arive dan sa zistwar-la ouswa ekrir bann leson ki to’nn aprann.

• Examinn enn lapriyer ki ena dan Labib, ek reflesi kouma sa kapav ed twa pou amelior to bann lapriyer.

• Get enn video lor jw.org. Apre sa, examinn ansam ar lezot seki zot inn aprann, ouswa ekrir enn rezime lor la.

• Prepar twa pou predikasion. Par exanp, enn kikenn dan to fami kapav amenn rol enn dimounn ki to’nn zwenn dan predikasion. Lerla twa to pres ar li.

• Reflesi lor kreasion ek examinn ar lezot seki sa finn aprann twa lor Zeova. a