Dapre enn sondaz, 80 poursan bann adolesan dan Lamerik priye, me zis lamwatie ladan ki priye toulezour. Kitfwa sertin demann zotmem: ‘Eski lapriyer se zis enn kitsoz ki fer mwa santi mwa bien? Ouswa eski li enn kitsoz ki bien pli inportan?’

•  Ki ete lapriyer?

•  Eski Bondie ekout bann lapriyer?

•  Pou ki kitsoz mo kapav priye?

•  Seki bann zenn panse

 Lapriyer se enn fason pou kominik avek Kreater tou kitsoz. Zis reflesi enn kout seki savedir! Zeova bien pli siperyer ki bann dimounn dan ninport ki domenn, pourtan “li pa lwin ar sakenn parmi nou.” (Zistwar Bann Apot 17:27, NTKM) Get linvitasion extraordiner ki ena dan Labib: “Apros zot ar Bondie e li pou vinn pros ar zot.”​—Zak 4:8, NTKM.

 Kouma to kapav vinn pros ar Bondie?

•   Se kan to koz avek Li, setadir kan to priye Li.

•   Enn lot fason se kan to etidie Labib, se koumsa ki Bondie “koz” avek twa.

 Priye ek etidie Labib pou ed twa pou ena enn lamitie bien solid avek Bondie.

 “Koz avek Zeova, sa Kikenn ki pli inportan la, se enn parmi bann pli gran privilez ki bann dimounn kapav ena.”​—Jeremy.

 “Partaz mo bann santiman bien profon avek Zeova dan lapriyer, permet mwa vinn pli pros avek Li.”​—Miranda.

 Mem si to krwar dan Bondie, ek mem si to priye Li, kitfwa li difisil pou aksepte lide ki Li pe vremem ekout to bann lapriyer. Me Labib dir ki Zeova “ekout lapriyer.” (Psom 65:2) Li mem invit twa pou ‘met tou to traka lor li.’ Kifer? ‘Parski Li trakase pou twa.’​—1 Pier 5:7.

 Reflesi lor la: Eski to pran letan pou koz regilierman avek to bann kamarad? To kapav fer mem kitsoz avek Bondie. Koz ar Li regilierman dan lapriyer, ek servi so nom, Zeova. (Psom 86:5-7; 88:9) Avredir, Labib invit twa pou “priye toultan.”​—1 Tesalonisien 5:17, NTKM.

 “Lapriyer se enn konversasion ant mwa ek mo Papa ki dan lesiel, enn konversasion kot mo devid mo leker.”​—Moises.

 “Kan mo koz avek Zeova mo rakont Li tou ti detay, parey kouma mo ti pou fer avek mo mama ouswa enn kamarad bien pros.”​—Karen.

 Labib dir: “Dan ninport ki sitiasion, avek enn leker rekonesan, ofer zot lapriyer ek siplikasion Bondie.”​—Filipien 4:6, NTKM.

 Eski savedir ki nou kapav priye pou nou bann problem? Wi! Avredir, Labib dir: “Depoz to fardo lor LESEGNER e li pou rekonfort twa.”​—Psom 55:22, PKM.

 Biensir, kan to priye Bondie, fode pa ki to koz zis lor to bann problem. Get seki enn zennfi ki apel Chantelle, dir: “Si mo koz avek Zeova zis pou demann Li so led, mo pa pou ena enn bon lamitie avek Li. Mo panse ki premie kitsoz ki mo bizin fer kan mo priye Zeova se remersie Li, ek mo kapav remersie Li pou enn kantite kitsoz.”

 Reflesi lor la: Pou ki kitsoz to kapav remersie Zeova? Eski to kapav remersie Zeova pou omwin trwa kitsoz ki’nn ariv twa zordi?

 “Nou kapav mem remersie Zeova pou bann ti kitsoz, kouma par exanp enn zoli fler.”​—Anita.

 “Medit lor enn kitsoz ki to’nn apresie dan kreasion ouswa lor enn verse Labib ki’nn vremem tous twa, ek lerla remersie Zeova pou sa.”​—Brian.