Salamo 28:1-9
-
Nohenoina ny vavak’ilay mpanao salamo
-
“I Jehovah no heriko sy ampingako” (7)
-
Nataon’i Davida.
28 Ianao foana no antsoiko, Jehovah ô, ry Vatolampiko!+Aza manampin-tsofina tsy hihaino ahy.
Raha mangina tsy mamaly ahy ianao,Dia ho lasa tahaka an’ireo midina any an-davaka* aho.+
2 Henoy ny fitalahoako rehefa miantso vonjy aminao aho,Ka mivavaka* manandrify ny efitra anatiny indrindra amin’ny toeranao masina.+
3 Aza taritaritina miaraka amin’ny ratsy fanahy aho, miaraka amin’ireo zatra manao ratsy,+Dia ireo miresaka fihavanana amin’ny namany nefa ratsy ny ao am-pony.+
4 Valio araka izay nataony izy ireny,+Araka ny ratsy fanaony.
Valio araka ny asan’ny tanany izy ireny,Araka izay nataony.+
5 Fa tsy raharahian’izy ireny izay ataon’i Jehovah+Sy ny asan’ny tanany.+
Hopotehin’Andriamanitra ny fiainan’izy ireny ary hataony tsy tafarina intsony izy ireny.*
6 Hoderaina anie i JehovahFa nohenoiny ny fitalahoako fanampiana!
7 I Jehovah no heriko+ sy ampingako;+Izy no itokian’ny foko.+
Nanampy ahy izy, ka faly ny foko.Hidera azy amin’ny hirako àry aho.
8 I Jehovah no herin’ny vahoakany;Izy no manda fiarovana, izay mitondra famonjena lehibe ho an’ny voahosotra notendreny.+
9 Vonjeo ny vahoakanao, ary tahio ny lovanao.+
Aoka ianao ho mpiandry azy ireo ka hitondra azy eny an-tsandrinao mandrakizay.+
Fanamarihana
^ Na: “am-pasana.”
^ Abt: “manandratra ny tanako.”
^ Abt: “Horavan’Andriamanitra izy ireny fa tsy haoriny.”
