TANY SY MPONINA
Fitsidihana An’i Kambôdza
INONA no ho hitanao raha tonga any Kambôdza ianao? Trano be dia be eny ambony rano, sy tsena feno olona misomebiseby. Ao koa ireo môtô mpitatitra entana isan-karazany, na akoho izany na frizidera. Vao santionany fotsiny anefa ireo!
Malaza ho sariaka sy tsara fanahy ary miray hina ny olona any Kambôdza. Na tsy mifankahalala akory aza izy ireo, dia matetika no mifampiantso hoe zoky, zandry, dadatoa, nenitoa, dadabe, na bebe.
Misy olona mipetraka amin’ny tranosambo, na trano misy tongo-kazo, na koa trano ambony hazo fisaka natambatambatra fotsiny. Indraindray aza eny ambony rano koa ny sekoly, hopitaly, tsena, ary fivarotan-dasantsy
Voankazo be mpitia any ny raketa mena
Tena tia mihinam-bary ny Kambôdzianina. Ankafizin’izy ireo koa ny trondro. Misy karazany telo na efatra ny sakafo indray aroso, ka anisan’izany matetika ny lasopy. Samy arosony eo ny mamy, ny masira, ary koa ny marikivy.
Roa arivo taona lasa teo ho eo izay, dia nisy Karàna mpivaro-mandeha nandalo ny morontsirak’i Kambôdza, isaky ny hankany Chine. Nitondra landy sy metaly izy ireo, mba hatakalo zavamanitra, hazo mani-pofona, ivoara, ary volamena. Lasa nanaraka ny fanao avy any Inde sy Chine ny Kambôdzianina rehefa nandeha ny fotoana, ka nihamaro ireo nanaraka ny Hindoisma sy Bodisma. Maherin’ny 90 isan-jaton’ny mponina any izao no Bodista.
Miresaka hafatra manome fanantenana avy ao amin’ny Baiboly ny Vavolombelon’i Jehovah any. Maro no efa nampian’izy ireo, tamin’ny alalan’ilay boky hoe Inona Marina no Ampianarin’ny Baiboly? Misy amin’ny fiteny 250 izy io, anisan’izany ny kambôdzianina.
Olona 1 500 mahery no mianatra Baiboly amin’ny Vavolombelon’i Jehovah, ka mahita ny valin’ny fanontaniana toy ny hoe “Aiza no misy ny maty?” sy hoe “Inona no fikasan’Andriamanitra momba ny tany?”
Misy amin’ny teny kambôdzianina (jereo ny sary) ny boky Inona Marina no Ampianarin’ny Baiboly?, navoakan’ny Vavolombelon’i Jehovah.
Mety ho Tianao Koa
MIFOHAZA!
Fitsidihana An’i Nouvelle-Zélande
Mahatratra telo tapitrisa isan-taona ny mpizaha tany any, na dia mitokana aza ilay firenena. Fa inona no mahaliana azy ireo any?
MIFOHAZA!
Fitsidihana An’i Kazakhstan
Mpifindrafindra monina ny Kazakh fahiny, ary nipetraka tao anaty tranolay yourte. Mbola hita amin’ny fomba fiainan’ny olona any ny fomba amam-panaon’ny razambeny.
MIFOHAZA!
Fitsidihana An’i Espaina
Misy faritra samihafa sy olona isan-karazany any Espaina. Misy karazan-tsakafo iray koa tena mampiavaka azy, satria izy no firenena mpamokatra azy io eran-tany.
MIFOHAZA!
Fitsidihana An’i Kirghizistan
Malaza ho tia mandray vahiny sy manaja olona ny mponina any Kirghizistan. Ho hitanao ato ny fombafomban’izy ireo.
MIFOHAZA!
Fitsidihana An’i Liechtenstein
Inona no itiavan’ny mpizaha tany mankany amin’io firenena kely io, na fahavaratra na ririnina?
MIFOHAZA!
Fitsidihana An’i Ouzbékistan
Fantaro bebe kokoa ny momba an’i Ouzbékistan. Anisan’izany ny hoe niovaova foana ny abidy nampiasaina tany.
