HIRA 54
“Ity no Lalana”
-
1. Hafa tokoa
io lalan’ny fiadanana io.
Voalazan’ny Baiboly izy io
ka tadidio.
Io lalana io,
natoron’i Kristy fahiny,
Dia ’lay asainy
izorantsika ankehitriny.
(FIVERENANA)
Io lalana io, io ihany no ifantohy.
Jehovah izao miteny fa henoy:
‘Ity no lalana ka izory,
Dia aza miala, aza mivily akory!’
-
2. Tsara tokoa
io lalan’ny fitiavana io.
Jehovah anie no miantso anao
ka mba valio.
Hanampy anao
sy mba ho namanao no tiany.
Izay lazainy araho,
raha tianao ny hotahiny.
(FIVERENANA)
Io lalana io, io ihany no ifantohy.
Jehovah izao miteny fa henoy:
‘Ity no lalana ka izory,
Dia aza miala, aza mivily akory!’
-
3. Iray tokoa
io lalan’ny fiainana io,
’Lay fomba fiaina
tsara indrindra sy madio.
Io lalan-tokana io
no hany tsisy tsiny.
Aza ialana mihitsy àry
iny lalana iny!
(FIVERENANA)
Io lalana io, io ihany no ifantohy.
Jehovah izao miteny fa henoy:
‘Ity no lalana ka izory,
Dia aza miala, aza mivily akory!’
(Jereo koa ny Sal. 32:8; 139:24; Ohab. 6:23.)
