Uyo nkhorooyo, phaaviriya urwennyaka nipuro nowaarya nontempulu. Toko cinhimyaaya Ibiibiliya Tradução do Novo Mundo da Bíblia Sagrada ikumiheriye uhinaphiya mwaakha wo 2023, “yaatapuwelwaaya uyo nkhorooyo waanalikana niisiri yonupeeyo: ikoovatu 20. Ni irekamelwaaya yaari ikoovatu 120.” (2 Ikor. 3:4) Cowantikhiya cikhwaawe ciicammo cineera wiira nkhorooyo waarina “irekamelo ikoovatu 120” awula, irekamelo imeeturu 53!

Masi Ibiibiliya Tradução do Novo Mundo yo 2023 yuulumaka nkhora wo itempulu yaatekilyaawe Salomau ineera co: “Irekamelwaaya yaarina ikoovatu 20,” awula imeeturu 9. a Moone itthu yiirihile upankiya ayo marukunuswaayo.

Irekamelo yonkhora khunuulumiya nhina 1 Mamwene 6:3. Ila iveeruswiila, Jeremiya nooluma yaatapuwelo ni yuunuwelo yonkhora, masi khanooluma irekamelo. Vano, ikapiitulu ikhwaawe, uyo nawuuluma sana-saana attonkacaka miphantte cikhwaawe co itempulu, ahelaka nhina, ipasiya yoyuuma yuulupale yowiitthiya, ikarinyu 10, ni mapotto moolupale owiitthiya yaaphwanyannya vate waya nkhora wo itempulu. (1 Mam. 7:15-37) Wakhala wiira nkhorooyo waarina imeeturu 50 ni muulupale upwaha miphantte cikhwaawe co itempulu, atthunaka Jeremiya uuluma aacaka uyo nkhorooyo. Anahantisi akhwaawe ayuuta, myaakha cinci uttuli, yahantikha wiira nkhorooyo, khawaari woorekama upwaha miphantte cikhwaawe co itempulu ya Salomau.

Anamasomasoma khaanaamini wiira isiri co itempulu wanhala woorannya ukhala nkhora wo ikoovatu 120. Khalayi, Inupa coorekama caatekiyaka nimaluku ni ipulooku coopahiya, toko mikhora co itempulu co Wiciipitu, wahaana itampaaya yuulupale ni yowoottottela irwaaka nculu. Masi nkhora wo Itempulu yaatekilyaawe Salomau, waari woovirikana. Anamasomasoma, anuupuwela wiira isiri co itempulu khacaapwaha ikoovatu 6, awula imeeturu 2,7 wiittivala waya. Nahantisi mmoca neehaniya Theodor Busink heera: “Yiittivalelo yo isiri nipuro naakeleliyaaya ntempulu, nkhorooyo khawaalamuliya ukhalana ikoovatu 120.”

Ilivuru ya 2 Ikoronika 3:4 atthunaka khayooneliye saana. Hataa ukhalaka wiira cowantikhaciya cokhalayi cineera ikoovatu “120” nhina ila iveeruswiila, ilivuru cikhwaawe cookhuluvelya cineera “ikoovatu 20.” Toko Codex Alexandrinus (irina myaakha 1.500) ni Codex Ambrosianus (irina myaakha 1.400), Vano, kontha isiyani namantikha aahalaawe uvonyaniha ni wantikha ikoovatu “120”? Ni iheperewu “120” unantikhiya “sem ni vinti” ni “ikoovatu 20” unantikhiya “ikoovatu vinti”. Phimaana, khawaarika namantikha uvonyaniha ayo moolumwaayo, wantikha “sem”nipuro naahala ukhala “ikoovatu.”Atthunaka phimaana cowantikhiya cikhwaawe cinkhumela “sem ni vinti” awula “120”.

Masi, hataa ukhala wiira ninaamananiha wiiweeha sana-saana ni wuuluma nimananna owiiwannya itempulu ya Salomau, itthu impheeleehu ukhanle ucuwela itthu yaataphulelaaya ile itempulwiile—Itempulu yuulupale yomminepani. Ni hi ninansukhuru cinene Yehova, waalattula wawe aswalyaawe otheene wiira yanswalele ntempuluni wawe!—Mabere. 9:11-14; Apoka. 3:12; 7:9-17