Belengini Yelemiya 38:​1-13 pakuti musambilile pali vino kasesema Yelemiya na Ebedimeleki mutungwi yali asipe.

Sambililini pali vino vyacitikanga pa nsita iya. U mulandu ci uno Yelemiya walondekwanga ukuya umusipe pakuti asimikile ilyasi lino Yeova wamunenyile? (Yele. 27:​12-14; 28:​15-17; 37:​6-10) I vyani vino antu yacisile lino wayasimikile?—Yele. 37:​15, 16.

Londelezyini na vyuze. I vyani vino antu yalondanga ukuti Yelemiya acite? (jr mafwa 26-27 mapa. 20-22) Lolini ivisima vino yaomvyanga pa nsita iya na vino vyalolekanga. (it-1 ifwa 471) Uzye mukwelenganya ukuti Yelemiya uvwile uli lino yamusumbiile umu cisima umwali matipa? I vyani limwi ivyalenzile ukuti Ebedimeleki auvwe intete?—w12 5/1 ifwa 31 mapa. 2-3.

Lolini vino mungasambililako ukwi lyasi lii. Muyuzye mweineco muti:

• ‘Uzye ilyasi lii likunsambilizya vyani pali vino Yeova akacingilila aomvi yakwe acisinka?’ (Masa. 97:10; Yele. 39:​15-18)

• ‘A muli vyani muno ningalondekwa ukuya umusipe?’

• ‘Ningalanga uli ukuti nasipa lino nkucita icisuma nanti cakuti yauze yakunkanya?’ (w11 3/1 ifwa 30) a