AL 3
Kwõj Kaperan im Kõkajoor Kõm
(Jabõn Kõnnaan 14:26)
-
1. O Jeova, el̦ap am̦ em̦m̦ool
kõn kõjatdikdik in,
Juon kõjatdikdik eo em̦ool
ñan aolep ioon lal̦ in.
Ak jet iien kõm lukkuun ebbeer
im jino bar m̦õjn̦o̦l̦o̦k,
Im kõjatdikdik eo ippem
ej jino jakol̦o̦k.
(KO̦RÕJ)
Kwe eo wõt, kwõj unin
am lukkuun peran.
Kwõj jipañ im kõkajoor kõm.
Ñe kõmij kwal̦o̦k naan,
kõm lukkuun peran
itok wõt jãn am lõke eok.
-
2. O Jeova, jouj im jipañ kõm
ñan reiwaj wõt ñan kwe,
Bwe aolep ’ien kwõj jipañ kõm
ilo ’ien am eñtaan.
Ilo am keememej wõt men in
ej bar kõkajoorl̦o̦k kõm,
Bwe kõmin maroñ peranl̦o̦k
ñan kwal̦o̦k kõn etam̦.
(KO̦RÕJ)
Kwe eo wõt, kwõj unin
am lukkuun peran.
Kwõj jipañ im kõkajoor kõm.
Ñe kõmij kwal̦o̦k naan,
kõm lukkuun peran
itok wõt jãn am lõke eok.
(Bar lale Sam 72:13, 14; JK. 3:5, 6, 26; Jer. 17:7.)
