Библийысе тӱҥ туныктымаш-влакым ончен лекмаш тыланда, очыни, Иеговам чотрак йӧраташ полшен. Йӧратымаш кушшо манын, эре вийым пыштыман (1 Петрын 2:2). Умбакыжат Юмо нерген шинчымашым налаш да тудын Мутшым шымлаш тӱҥалыда гын, курымеш илен кертыда. (Иоаннын 17:3; Иудан 21 лудын лекса.)

Юмо нерген шукырак шинчымашым налыда гын, ӱшанымашда пеҥгыдырак лиеш. Ӱшанымаш тыланда Юмылан йӧрышӧ лияш полша (Еврей-влаклан 11:1, 6). Ӱшанымаш тендам чын огыл ыштымылан ӧкынаш да илышыштыда кӱлешан вашталтышым ышташ тарата. (Апост. пашашт 3:19 лудын лекса.)

Сай уверым каласкалаш кажнылан келша, сандене пален налмым весе-влаклан каласкалаш тенданат кумылда лектеш. Юмо нерген шинчымашым умбакыжат налын, те умылен налыда, кузе ӱшанымашда нерген каласкалыме годым Библийым кучылташ лиеш. (Римлян-влаклан 10:13—15 лудын лекса.)

Уло мо тендан кумылда поро увер нерген йолташ ден родо-влаклан каласкалаш? Тыматле да поро лияш тыршыза, нунын шижмашыштым шотыш налза. Нунын религийышт чын огыл манын ойлымо олмеш, нунылан Юмын сӧрымашыже-влак нерген каласкалыза. А эше шарныза: шукыж годым мемнан каласымына огыл, а поро пашана айдемын чонешыже логалеш. (2 Тимофейлан 2:24, 25 лудын лекса.)

Юмын Мутшым шымлымаш Юмо деке лишемаш полша. Жап эртымеке, тендан Иегова дене ойыртемалтше кыл кучымашда лиеш. Тудо тыланда Ача лиеш, а тендам тудо ешыжлан шотлаш тӱҥалеш. (2 Коринфян-влаклан 6:18 лудын лекса.)

Юмо деке умбакыжат лишемаш кумылда уло гын, Библийым шымлымым ида чарне (Еврей-влаклан 5:13, 14). Иегован Таныкше-влакым «Библийын туныктымашыже могай?» манме книга почеш Библий шымлымашым тендан дене эртараш йодса. Юмын Мутшо гыч шукырак шинчымашым налын да нуным илышыш пуртен, те пиаланрак лийыда. (Псалом 1:1—3; Иаковын 1:25 лудын лекса.)

Поро увер пиалан Иегова Юмо деч лектеш. Юмын калыкше дек ушнеда гын, Юмо дене лишылрак лийын кертыда (Еврей-влаклан 10:24, 25). Иеговам поро пашада дене куандарен, те чын илышыш — курымашлык илышыш шуыда. Юмо дене кыл кучымашым пеҥгыдемдыза. Тидын деч шергакан нимо уке! (1 Тимофейлан 1:11; 6:19 лудын лекса.)