AKORANGA 7
He Aha te Kīngitanga o te Atua?
1. He aha te Kīngitanga o te Atua?
He aha a Ihu ka tino pai ai hei Kīngi?—MĀKA 1:40-42.
He kāwanatanga i te rangi te Kīngitanga o te Atua. Ka whakakapi i ērā atu kāwanatanga katoa, ka mea i tā te Atua i pai ai ki te rangi me te whenua. He pai tonu taua rongo mō te Kīngitanga o te Atua. Poto ake nei mā te Kīngitanga o te Atua ka tutukitia te hiahia o te tangata ki te kāwanatanga pai. Māna e whakakotahi i ngā tāngata katoa e ora ana ki te whenua.—Pānuitia Rāniera 2:44; Matiu 6:9, 10; 24:14.
He kīngi tō te kīngitanga. Kua whakatūria e Ihowa tāna Tama, a Ihu Karaiti, hei Kīngi o tōna Kīngitanga.—Pānuitia Whakakitenga 11:15.
2. He aha a Ihu ka tino pai ai hei Kīngi?
Ko te tama a te Atua te Kīngi tino pai, he atawhai ia, he tangata ū ki te pai. (Hoani 1:14) Otirā, he kaha tōna hei āwhina i ngā tāngata katoa, nō te mea ka kīngi ki te whenua mai i te rangi. I muri i tōna aranga, i kake ia ki te rangi, ka tatari i te ringa matau o Ihowa. (Hīperu 10:12, 13) Nā wai ā, ka tukua ki a ia te mana kīngi e te Atua.—Pānuitia Rāniera 7:13, 14.
3. Ko wai mā ka kīngi tahi me Ihu?
Ka kīngi tahi me Ihu i te rangi he rōpū ka huaina ko “te hunga tapu”. (Rāniera 7:27) Ko te hunga tapu tuatahi i whiriwhiri, ko ngā āpōtoro pono a Ihu. Kua whiriwhiri tonu a Ihowa i ngā tāne me ngā wāhine o te hunga tapu tae noa ki ēnei rā. Pērā i a Ihu, ka whakaarahia ake rātou hei wairua.—Pānuitia Hoani 14:1-3; 1 Koriniti 15:42-44.
Tokohia rātou e kake nei ki te rangi? I huaina rātou e Ihu he “kāhui nohinohi.” (Ruka 12:32) Hei te mutunga, ka 144,000 rātou. Ka kīngi tahi rātou me Ihu ki runga ki te whenua.—Pānuitia Whakakitenga 14:1.
4. I te tīmatatanga o te kīngitanga o Ihu i tūpono he aha?
I tīmata te kīngitanga o Ihu i te tau 1914. * Ko tāna mahi tuatahi, ko te maka i a Hātana me āna anahera ki te whenua. Ka riri a Hātana, ka tīmata ki te whakararuraru i te ao katoa. (Whakakitenga 12:7-10, 12) Mai i tērā wā, kua kino kē atu ngā auētanga o te tangata. Ko ngā pakanga, pō matekai, mate urutā, rūwhenua hoki, kei roto katoa ēnei i te “tohu”, kāore e roa ka kāwana te Kīngitanga puta noa i te ao.—Pānuitia Ruka 21:7, 10, 11, 31.
5. Ka taea e te Kīngitanga o te Atua he aha?
Mā te kauwhautanga puta noa, e whakakotahi kē ana te Kīngitanga o te Atua i te mano tini tāngata nō ngā tauiwi katoa. He nui te hunga māhaki e whakapono ana ki te Kingitanga o Ihu. Ka tiakina rātou e te Kīngitanga o te Atua ina hātepea atu tēnei ao kino. Nā, ko te hunga e whiwhi painga i te Kīngitanga o te Atua, me ako rātou ki te whakarongo ki a Ihu.—Pānuitia Whakakitenga 7:9, 14, 16, 17.
I roto i ngā tau 1,000, mā te Kīngitanga e taea ai te whakaaro tuatahi o te Atua mō te tangata. Ka pararaiha te whenua puta noa. Hei te mutunga, ka whakahokia e Ihu te Kīngitanga ki tōna Matua. (1 Koriniti 15:24-26) E mōhio ana koe ki tētahi e pai ai koe te kōrero mō te Kīngitanga o te Atua?—Pānuitia Ngā Waiata 37:10, 11, 29.
^ para. 6 Mō ētahi kōrero anō he pēhea i poropititia ai e te Paipera te tau 1914, tirohia ngā whārangi 215-218 o te pukapuka What Does the Bible Really Teach?
