ആവശ്യ​മി​ല്ലാ​തെ വേവലാ​തി​പ്പെ​ടു​ന്നതു നിങ്ങളെ മാനസി​ക​മാ​യും ശാരീ​രി​ക​മാ​യും തളർത്തും. ഇപ്പോൾ നിങ്ങൾ നേരി​ടുന്ന പ്രശ്‌ന​ത്തെ​ക്കാൾ വലിയ പ്രശ്‌ന​ങ്ങ​ളി​ലേക്ക്‌ അതു കൊണ്ടു​ചെ​ന്നെ​ത്തി​ക്കും.

•  മനസ്സിനെ മടുപ്പി​ക്കുന്ന വാർത്തകൾ കേൾക്കു​ന്നതു കുറയ്‌ക്കുക. ഒരു വാർത്ത കേൾക്കു​മ്പോൾ അതിന്റെ മുക്കും​മൂ​ല​യും അരിച്ചു​പെ​റു​ക്കേണ്ട ആവശ്യ​മി​ല്ലാ​യി​രി​ക്കും. ദുരന്ത​വാർത്ത​ക​ളെ​ക്കു​റിച്ച്‌ നിങ്ങൾ എത്ര കൂടുതൽ അറിയു​ന്നു​വോ അതിന​നു​സ​രിച്ച്‌ നിങ്ങളു​ടെ പേടി​യും അസ്വസ്ഥ​ത​യും ഒക്കെ കൂടും.

   ബൈബിൾത​ത്ത്വം: “തകർന്ന മനസ്സു ശക്തി ചോർത്തി​ക്ക​ള​യു​ന്നു.”—സുഭാ​ഷി​തങ്ങൾ 17:22.

   “ഞെട്ടി​ക്കുന്ന വാർത്തകൾ കേൾക്കു​മ്പോൾ അതെക്കു​റിച്ച്‌ കൂടുതൽ വിവരങ്ങൾ തപ്പി​ക്കൊ​ണ്ടി​രി​ക്കാൻ നമുക്കു തോന്നും. പക്ഷേ അതൊരു നല്ല ശീലമല്ല. ഞാൻ ഇപ്പോൾ അത്തരം വാർത്ത​ക​ളൊ​ക്കെ കാണു​ന്നതു കുറച്ചു. അതു​കൊണ്ട്‌ എനിക്ക്‌ ഇപ്പോൾ സമാധാ​ന​മുണ്ട്‌.”—ജോൺ.

   ചിന്തി​ക്കാ​നാ​യി: ‘ഓരോ വാർത്ത​യു​ടെ​യും പുതിയ വിവരങ്ങൾ അറിയാൻ ഞാൻ എത്ര കൂടെ​ക്കൂ​ടെ അതു നോക്കു​ന്നുണ്ട്‌?’

•  ചിട്ടയുള്ള ഒരു ജീവി​ത​മു​ണ്ടാ​യി​രി​ക്കുക. എഴു​ന്നേൽക്കാ​നും ഭക്ഷണം കഴിക്കാ​നും വീട്ടു​ജോ​ലി​കൾ ചെയ്യാ​നും ഉറങ്ങാ​നും ഒരു കൃത്യ​സ​മയം വെക്കുക. അങ്ങനെ ചിട്ട​യോ​ടെ കാര്യങ്ങൾ ചെയ്യു​മ്പോൾ നിങ്ങൾക്കു സന്തോഷം തോന്നും.

   ബൈബിൾത​ത്ത്വം: “പരി​ശ്ര​മ​ശാ​ലി​യു​ടെ പദ്ധതികൾ വിജയി​ക്കും.”—സുഭാ​ഷി​തങ്ങൾ 21:5.

   “നേരത്തേ എല്ലാത്തി​നും നല്ല അടുക്കും​ചി​ട്ട​യും ഉണ്ടായി​രു​ന്നു. എന്നാൽ കോവിഡ്‌-19 തുടങ്ങി​യ​പ്പോൾമു​തൽ അതെല്ലാം താളം​തെറ്റി. ഒരു പ്രയോ​ജ​ന​വു​മി​ല്ലാത്ത കാര്യ​ങ്ങ​ളൊ​ക്കെ ചെയ്‌ത്‌ വെറുതെ സമയം കളഞ്ഞു. അതു​കൊണ്ട്‌ എല്ലാം നന്നായി ചെയ്യാൻ ഞാൻ ഇപ്പോൾ ഒരു ഷെഡ്യൂൾ ഉണ്ടാക്കി.”—ജോസഫ്‌.

   ചിന്തി​ക്കാ​നാ​യി: “ഓരോ ദിവസം അവസാ​നി​ക്കു​മ്പോ​ഴും, ‘വിചാ​രി​ച്ച​തു​പോ​ലെ​യൊ​ക്കെ കാര്യങ്ങൾ ചെയ്യാൻ പറ്റി’ എന്നു പറയാൻ കഴിയുന്ന ഒരു ദിനചര്യ എനിക്കു​ണ്ടോ?”

•  ജീവിതത്തിലെ നല്ല കാര്യ​ങ്ങ​ളെ​ക്കു​റിച്ച്‌ ചിന്തി​ക്കുക. ‘അന്ന്‌ ഇങ്ങനെ ചെയ്‌താൽ മതിയാ​യി​രു​ന്നു,’ ‘ഭാവി​യിൽ കാര്യങ്ങൾ കൂടുതൽ മോശ​മാ​കു​മോ’ എന്നൊക്കെ ചിന്തി​ച്ചു​കൊ​ണ്ടി​രു​ന്നാൽ നിങ്ങൾ കൂടുതൽ വിഷമി​ക്കാൻ ഇടയുണ്ട്‌. പകരം ജീവി​ത​ത്തിൽ നിങ്ങൾക്കു സന്തോഷം തരുന്ന ചില കാര്യ​ങ്ങ​ളെ​ക്കു​റിച്ച്‌ ചിന്തി​ക്കുക.

   ബൈബിൾത​ത്ത്വം: ‘നിങ്ങൾ നന്ദിയു​ള്ള​വ​രാ​ണെന്നു കാണി​ക്കുക.’—കൊ​ലോ​സ്യർ 3:15.

   “ബൈബിൾ വായി​ക്കു​ന്ന​തു​കൊണ്ട്‌ മനസ്സിനെ വിഷമി​പ്പി​ക്കുന്ന മോശം വാർത്ത​ക​ളു​ടെ പുറകെ പോകാ​തെ നല്ല കാര്യ​ങ്ങ​ളെ​ക്കു​റിച്ച്‌ ചിന്തി​ക്കാൻ എനിക്കു കഴിയു​ന്നു. ഇത്‌ എപ്പോ​ഴും പറഞ്ഞു​കേൾക്കു​ന്ന​തല്ലേ എന്നു ചില​പ്പോൾ തോന്നി​യേ​ക്കാം. പക്ഷേ അതു ശരിക്കും പ്രയോ​ജനം ചെയ്യും.”—ലിസ.

   ചിന്തി​ക്കാ​നാ​യി: ‘ഞാൻ എന്റെ ജീവി​ത​ത്തി​ലെ നല്ല കാര്യ​ങ്ങ​ളൊ​ക്കെ മാറ്റി​വെ​ച്ചിട്ട്‌ മോശം കാര്യ​ങ്ങ​ളെ​ക്കു​റിച്ച്‌ മാത്ര​മാ​ണോ ചിന്തി​ക്കു​ന്നത്‌?’

•  മറ്റുള്ളവരെക്കുറിച്ച്‌ ചിന്തയു​ള്ള​വ​രാ​യി​രി​ക്കുക. മനസ്സ്‌ അസ്വസ്ഥ​മാ​യി​രി​ക്കു​മ്പോൾ നമുക്ക്‌ ഒറ്റയ്‌ക്കി​രി​ക്കാ​നാ​യി​രി​ക്കും തോന്നുക. എന്നാൽ അതിനു പകരം മറ്റുള്ള​വരെ എങ്ങനെ സഹായി​ക്കാ​മെന്നു ചിന്തി​ക്കാ​നാ​കു​മോ?

   ബൈബിൾത​ത്ത്വം: “നിങ്ങൾ സ്വന്തം താത്‌പ​ര്യം മാത്രം നോക്കാ​തെ മറ്റുള്ള​വ​രു​ടെ താത്‌പ​ര്യ​വും​കൂ​ടെ നോക്കണം.”—ഫിലി​പ്പി​യർ 2:4.

   “മറ്റുള്ള​വർക്കു​വേണ്ടി എന്തെങ്കി​ലു​മൊ​ക്കെ ചെയ്യു​മ്പോൾ ശരിക്കും സന്തോഷം തോന്നും, അവരെ​യും നമ്മൾ സന്തോ​ഷി​പ്പി​ക്കു​വാ​ണ​ല്ലോ. എന്റെ വിഷമ​ങ്ങ​ളൊ​ക്കെ കുറയ്‌ക്കാൻ അത്‌ എന്നെ സഹായി​ക്കു​ന്നു. സത്യം പറഞ്ഞാൽ, ഇങ്ങനെ​യൊ​ക്കെ ചെയ്യു​മ്പോൾ വിഷമി​ച്ചി​രി​ക്കാൻ സമയം കിട്ടുന്നേ ഇല്ല.”—മരിയ.

   ചിന്തി​ക്കാ​നാ​യി: ‘സഹായം ആവശ്യ​മുള്ള ആരെ​യൊ​ക്കെ എനിക്ക്‌ അറിയാം? എനിക്ക്‌ അവരെ എങ്ങനെ സഹായി​ക്കാ​നാ​കും?’

•  ആരോഗ്യം നോക്കുക. ആവശ്യ​ത്തിന്‌ വ്യായാ​മം ചെയ്യുക, വേണ്ടത്ര വിശ്ര​മി​ക്കുക, പോഷ​കാ​ഹാ​രം കഴിക്കുക. നല്ല ആരോ​ഗ്യ​മു​ണ്ടെ​ങ്കിൽ ജീവി​ത​ത്തെ​ക്കു​റി​ച്ചുള്ള നിങ്ങളു​ടെ കാഴ്‌ച​പ്പാ​ടു​തന്നെ മാറും. അനാവ​ശ്യ​മായ ചിന്തകൾ ഒഴിവാ​ക്കാ​നും അതു സഹായി​ക്കും.

   ബൈബിൾത​ത്ത്വം: “വ്യായാ​മം അൽപ്പ​പ്ര​യോ​ജ​ന​മു​ള്ള​താണ്‌.”—1 തിമൊ​ഥെ​യൊസ്‌ 4:8, അടിക്കു​റിപ്പ്‌.

   “പുറത്തു​പോ​യി എക്‌സെർ​സൈസ്‌ ചെയ്യാ​നാണ്‌ എനിക്കും മോനും ഇഷ്ടം, പക്ഷേ അതിനു പറ്റാറില്ല. അതു​കൊണ്ട്‌ വീട്ടിൽത്തന്നെ ചെയ്യും. എന്നും എക്‌സെർ​സൈസ്‌ ചെയ്യു​ന്ന​തു​കൊണ്ട്‌ ഞങ്ങളുടെ മനസ്സിനു നല്ല സന്തോ​ഷ​മുണ്ട്‌. ഞങ്ങൾക്കു പരസ്‌പരം നല്ല രീതി​യിൽ ഇടപെ​ടാ​നും പറ്റുന്നു.”—ക്യാത​റിൻ.

   ചിന്തി​ക്കാ​നാ​യി: ‘ആരോ​ഗ്യം മെച്ച​പ്പെ​ടു​ത്താൻ ഭക്ഷണത്തി​ന്റെ​യും വ്യായാ​മ​ത്തി​ന്റെ​യും കാര്യ​ത്തിൽ ഞാൻ എന്തെങ്കി​ലും മാറ്റം വരുത്ത​ണോ?’

 മനസ്സിനെ മടുപ്പി​ക്കുന്ന ചിന്തകൾ കുറയ്‌ക്കാൻ ഈ കാര്യങ്ങൾ മാത്രല്ല ഭാവി​യെ​ക്കു​റി​ച്ചുള്ള ബൈബി​ളി​ന്റെ വാഗ്‌ദാ​ന​ങ്ങ​ളെ​ക്കു​റിച്ച്‌ പഠിക്കു​ന്ന​തും ചിലരെ സഹായി​ച്ചി​ട്ടുണ്ട്‌. “ദൈവ​രാ​ജ്യത്തിന്റെ നേട്ടങ്ങൾ” എന്ന ലേഖനം കാണുക.