ഭാഗം 4
പണം കൈകാര്യം ചെയ്യേണ്ട വിധം
“ഉദ്ദേശങ്ങൾ ആലോചനകൊണ്ടു സാധിക്കുന്നു.”—സദൃശവാക്യങ്ങൾ 20:18
കുടുംബത്തിന്റെ ആവശ്യങ്ങൾ നിറവേറ്റാൻ പണമില്ലാതെ പറ്റില്ല. (സദൃശവാക്യങ്ങൾ 30:8) ‘ദ്രവ്യം ഒരു ശരണം’ എന്നു ബൈബിൾ പറയുന്നുമുണ്ട്‌. (സഭാപ്രസംഗി 7:12) ചില ദമ്പതികൾക്ക്‌ പണപരമായ കാര്യങ്ങൾ ചർച്ച ചെയ്യുന്നത്‌ ഒരു ബുദ്ധിമുട്ടായിരുന്നേക്കാം. എന്നാൽ നിങ്ങളുടെ ദാമ്പത്യത്തിൽ പണം ഒരു പ്രശ്‌നകാരണമാകരുത്‌. (എഫെസ്യർ 4:32) പണം ചെലവാക്കുന്നതു സംബന്ധിച്ചുള്ള തീരുമാനങ്ങൾ നിങ്ങൾ ഒരുമിച്ചെടുക്കണം, അത്‌ പരസ്‌പരവിശ്വാസത്തോടെയും ആയിരിക്കണം.
1 ശ്രദ്ധയോടെയുള്ള ആസൂത്രണം
ബൈബിൾ പറയുന്നത്‌: “നിങ്ങളിൽ ഒരുവൻ ഒരു ഗോപുരം പണിയാൻ ആഗ്രഹിക്കുന്നുവെന്നിരിക്കട്ടെ. അതു തീർക്കാനുള്ള വകയുണ്ടോ എന്നറിയാൻ അവൻ ആദ്യം ഇരുന്ന്‌ ചെലവു കണക്കുകൂട്ടുകയില്ലയോ?” (ലൂക്കോസ്‌ 14:28) പണം എങ്ങനെ വിനിയോഗിക്കണമെന്ന്‌ ഒരുമിച്ചിരുന്ന്‌ ആസൂത്രണം ചെയ്യുക. (ആമോസ്‌ 3:3) എന്താണ്‌ നിങ്ങൾക്കു വാങ്ങേണ്ടത്‌, അതിന്‌ എത്രമാത്രം തുക ചെലവഴിക്കാൻ നിങ്ങൾക്കു ശേഷിയുണ്ട്‌ എന്നൊക്കെ ആലോചിച്ചു തീരുമാനിക്കുക. (സദൃശവാക്യങ്ങൾ 31:16) കൈയിൽ പണമുണ്ട്‌ എന്ന ഒറ്റക്കാരണത്താൽ നിങ്ങൾ ഒരു സാധനം വാങ്ങേണ്ടതില്ല! കടം വരാതെ നോക്കുക. നിങ്ങൾക്ക്‌ എത്രയുണ്ടോ അതിനനുസരിച്ചു മാത്രം ചെലവാക്കുക.—സദൃശവാക്യങ്ങൾ 21:5; 22:7.
ഇങ്ങനെ ചെയ്‌തുനോക്കൂ:
-
മാസാവസാനം പണം മിച്ചമുണ്ടെങ്കിൽ അതുകൊണ്ട്‌ എന്താണു ചെയ്യേണ്ടതെന്ന്‌ ഒരുമിച്ചിരുന്നു തീരുമാനിക്കുക
-
ഇനി, പണം തികയാതെവന്നതായി കാണുന്നെങ്കിൽ ചെലവു ചുരുക്കാൻവേണ്ട വ്യക്തമായ പ്ലാൻ തയ്യാറാക്കുക. ഉദാഹരണത്തിന്‌, ഭക്ഷണം പുറത്തുനിന്നു കഴിക്കുന്നതിനു പകരം വീട്ടിൽത്തന്നെ തയ്യാറാക്കിനോക്കൂ
2 നിജസ്ഥിതി അറിയുക, തുറന്ന്‌ സംസാരിക്കുക
ബൈബിൾ പറയുന്നത്‌: ‘യഹോവയുടെ മുമ്പാകെ മാത്രമല്ല, മനുഷ്യരുടെ മുമ്പാകെയും സത്യസന്ധമായി വർത്തിക്കുക.’ (2 കൊരിന്ത്യർ 8:21) നിങ്ങളുടെ വരവ്‌ എത്രയെന്നും ചെലവ്‌ എത്രയെന്നും സത്യസന്ധമായി ഇണയെ അറിയിക്കുക.
നിങ്ങളുടെ സാമ്പത്തികനിലയെ ബാധിക്കുന്ന വലിയ തീരുമാനങ്ങളെടുക്കുമ്പോൾ എല്ലായ്‌പോഴും ഇണയോട്‌ ആലോചിക്കുക. (സദൃശവാക്യങ്ങൾ 13:10) പണപരമായ കാര്യങ്ങൾ തുറന്ന്‌ സംസാരിക്കുന്നത്‌ നിങ്ങളുടെ ദാമ്പത്യത്തിൽ സമാധാനം നിലനിറുത്താൻ സഹായകമാകും. നിങ്ങളുടെ വരുമാനം നിങ്ങളുടെ സ്വന്തം പണമായിട്ടല്ല കുടുംബത്തിന്റെ പണമായി കാണുക.—1 തിമൊഥെയൊസ്‌ 5:8.
ഇങ്ങനെ ചെയ്‌തുനോക്കൂ:
-
ഇണയോട്‌ ആലോചിക്കാതെ ഇരുവർക്കും എത്ര തുകവരെ സ്വതന്ത്രമായി ചെലവഴിക്കാമെന്ന്‌ തീരുമാനിക്കുക
-
പണപരമായ കാര്യങ്ങൾ സംസാരിക്കുന്ന ഒരു ശീലം വളർത്തുക; ഒരു പ്രശ്‌നമുണ്ടായിട്ട്‌ സംസാരിക്കാമെന്നു വെക്കരുത്‌
ഇതും ഇഷ്ടപ്പെട്ടേക്കാം
ബൈബിൾചോദ്യങ്ങൾക്കുള്ള ഉത്തരങ്ങൾ
സാമ്പത്തിക പ്രശ്‌നങ്ങളും കടബാധ്യതകളും—ബൈബിളിനു സഹായിക്കാനാകുമോ?
പണംകൊണ്ട് സന്തോഷം നേടാനാകില്ല. എന്നാൽ സാമ്പത്തിക കാര്യങ്ങളോടു ബന്ധപ്പെട്ട നാലു ബൈബിൾതത്ത്വങ്ങൾ നമുക്ക്‌ സഹായം നൽകുന്നു.
ഉണരുക!
ചെലവു നിയന്ത്രിക്കാൻ എങ്ങനെ സാധിക്കും?
നിങ്ങൾ പണം ചെലവാക്കുന്ന ശീലത്തെക്കുറിച്ചു ചിന്തിക്കാൻ പണമെല്ലാം തീരുവോളം കാത്തിരിക്കരുത്. കാര്യങ്ങൾ കൈവിട്ടുപോകുന്നതിനു മുമ്പ് ചെലവ്‌ എങ്ങനെ നിയന്ത്രിക്കാം എന്നു പഠിക്കുക.
