ആരെങ്കി​ലും നിങ്ങളെ നോക്കി ഒന്നു പുഞ്ചി​രി​ച്ചാൽ നിങ്ങൾ എന്തു ചെയ്യും? സാധ്യ​ത​യ​നു​സ​രിച്ച്‌ നിങ്ങൾ തിരി​ച്ചും ഒന്നു പുഞ്ചി​രി​ക്കും. നിങ്ങൾക്ക്‌ അപ്പോൾ സന്തോഷം തോന്നി​ക്കാ​ണു​മെന്ന്‌ പറയേ​ണ്ട​തി​ല്ല​ല്ലോ? അതെ, ആത്മാർഥ​മായ ഒരു പുഞ്ചിരി—സുഹൃ​ത്തു​ക്ക​ളിൽനി​ന്നോ അപരി​ചി​ത​രിൽനി​ന്നോ ആകട്ടെ—മറ്റുള്ള​വ​രി​ലേക്കു പടരുന്ന ഒന്നാണ്‌. അവ നമുക്ക്‌ പുത്തൻ ഉണർവ്‌ നൽകുന്നു. മരിച്ചു​പോയ തന്റെ ഭർത്താ​വി​നെ​ക്കു​റിച്ച്‌ മഗ്‌ദെ​ലെന എന്ന ഒരു സ്‌ത്രീ ഇങ്ങനെ അഭി​പ്രാ​യ​പ്പെട്ടു: “അദ്ദേഹ​ത്തിന്‌ എപ്പോ​ഴും ഒരു നിറപു​ഞ്ചി​രി​യാ​ണു​ണ്ടാ​യി​രു​ന്നത്‌. അദ്ദേഹ​ത്തി​ന്റെ കണ്ണുക​ളി​ലേക്ക്‌ ആദ്യമാ​യി നോക്കിയ നിമിഷം ഞാൻ ഇപ്പോ​ഴും ഓർക്കു​ന്നു. അദ്ദേഹ​ത്തി​ന്റെ മൃദു​മ​ന്ദ​ഹാ​സം ഞാൻ സുരക്ഷി​ത​യാ​ണെന്ന ഉറപ്പാണ്‌ എനിക്കു തന്നത്‌. എന്റെ പിരി​മു​റു​ക്ക​മെ​ല്ലാം പോയ്‌മ​റഞ്ഞു.”

ആത്മാർഥ​മാ​യ ഒരു പുഞ്ചി​രിക്ക്‌ പ്രസന്നത, സന്തോഷം, ആനന്ദം, തമാശ, രസം തുടങ്ങി​യ​വയെ സൂചി​പ്പി​ക്കാ​നാ​കും. “മനുഷ്യ​പ്ര​കൃ​ത​ത്തി​ന്റെ ഒരു അവിഭാ​ജ്യ​ഘ​ട​ക​മാണ്‌ . . . ചിരി​യെന്ന്‌ തോന്നു​ന്നു” എന്ന്‌ മനഃശാ​സ്‌ത്ര സമിതി​യു​ടെ ഒരു ഓൺലൈൻ പത്രി​ക​യായ നിരീ​ക്ഷകൻ (ഇംഗ്ലീഷ്‌) അഭി​പ്രാ​യ​പ്പെട്ടു. ഒരു നവജാ​ത​ശി​ശു​വി​നു​പോ​ലും “മറ്റൊ​രാ​ളു​ടെ മുഖഭാ​വം എന്താണ്‌ സൂചി​പ്പി​ക്കു​ന്ന​തെന്ന്‌ അതീവ​കൃ​ത്യ​ത​യോ​ടെ മനസ്സി​ലാ​ക്കാൻ കഴിയും” എന്ന്‌ ആ പത്രിക പറയുന്നു. “ഉപകാ​ര​പ്ര​ദ​മായ വിവരങ്ങൾ ഒരാളു​ടെ ചിരി​യിൽനിന്ന്‌ മനസ്സി​ലാ​ക്കി​യെ​ടു​ക്കാൻ മാത്രമല്ല അതിന്റെ അടിസ്ഥാ​ന​ത്തിൽ തങ്ങൾ എങ്ങനെ പെരു​മാ​റ​ണ​മെന്ന്‌ ആളുകൾക്ക്‌ തീരു​മാ​നി​ക്കാ​നും കഴിയു​ന്നു” എന്നും ആ പത്രിക കൂട്ടി​ച്ചേർക്കു​ന്നു. a

ഡോക്‌ടർമാ​രു​ടെ മുഖഭാ​വ​ത്തി​ലെ മാറ്റം അവർ ചികി​ത്സി​ക്കുന്ന, പ്രായം​ചെന്ന രോഗി​ക​ളിൽ ഉണ്ടാക്കുന്ന ഫലം എന്താണ്‌ എന്നതി​നെ​ക്കു​റിച്ച്‌ ഐക്യ​നാ​ടു​ക​ളി​ലെ ഹാർവാഡ്‌ യൂണി​വേ​ഴ്‌സി​റ്റി​യി​ലെ ഗവേഷകർ ഒരു പഠനം നടത്തി​യി​രു​ന്നു. ഊഷ്‌മ​ള​ത​യും കരുത​ലും വ്യക്തി​പ​ര​മായ താത്‌പ​ര്യ​വും സഹാനു​ഭൂ​തി​യും പ്രകടി​പ്പി​ച്ചു​കൊ​ണ്ടുള്ള ഒരു മുഖഭാ​വം ഡോക്‌ടർമാർക്കു​ണ്ടാ​യി​രു​ന്ന​പ്പോൾ  രോഗി​കൾ കൂടുതൽ സംതൃ​പ്‌ത​രാ​യ​താ​യും അവരുടെ ശാരീ​രി​ക​വും മാനസി​ക​വും ആയ ആരോ​ഗ്യം മെച്ച​പ്പെ​ട്ട​താ​യും ഗവേഷകർ അഭി​പ്രാ​യ​പ്പെട്ടു. എന്നാൽ രോഗി​ക​ളോ​ടു സംസാ​രി​ക്കാൻപോ​ലും കൂട്ടാ​ക്കാ​തെ​യുള്ള ഡോക്‌ടർമാ​രു​ടെ പെരു​മാ​റ്റം അവരെ രോഗി​ക​ളിൽനിന്ന്‌ അകറ്റു​ക​യാ​ണു​ണ്ടാ​യത്‌.

നിങ്ങൾ ചിരി​ക്കു​മ്പോൾ അതു നിങ്ങൾക്കും ഗുണം ചെയ്യും. വർധിച്ച ആത്മവി​ശ്വാ​സ​വും സന്തോ​ഷ​വും തോന്നും, പിരി​മു​റു​ക്കം കുറയും. നേരെ​മ​റിച്ച്‌ ഗൗരവ​മുള്ള മുഖം വിപരീ​ത​ഫ​ലമേ ഉണ്ടാക്കൂ.

മുമ്പ്‌ പരാമർശിച്ച മഗ്‌ദെ​ലെന യഹോ​വ​യു​ടെ സാക്ഷി​ക​ളിൽ ഒരാളാ​യി​രു​ന്നു. രണ്ടാം ലോക​മ​ഹാ​യു​ദ്ധ​ത്തി​ന്റെ സമയത്ത്‌ നാസി​ക​ളു​ടെ പ്രത്യ​യ​ശാ​സ്‌ത്രം അംഗീ​ക​രി​ക്കാ​ത്ത​തി​നെ തുടർന്ന്‌ അവരെ​യും കുടും​ബ​ത്തെ​യും ജർമനി​യി​ലെ റാവൻസ്‌ബ്രൂ​ക്കി​ലുള്ള നാസി തടങ്കൽപ്പാ​ള​യ​ത്തി​ലേക്ക്‌ അയച്ചു. മഗ്‌ദെ​ലെന പറയുന്നു: “ചില സമയങ്ങ​ളിൽ സഹതട​വു​കാ​രോട്‌ സംസാ​രി​ക്കാൻപോ​ലും കാവൽക്കാർ അനുവ​ദി​ച്ചി​രു​ന്നില്ല. എന്നാൽ അവർക്ക്‌ ഞങ്ങളുടെ മുഖഭാ​വ​ങ്ങളെ നിയ​ന്ത്രി​ക്കാൻ കഴിയി​ല്ല​ല്ലോ. എന്റെ അമ്മയു​ടെ​യും അനുജ​ത്തി​യു​ടെ​യും പുഞ്ചിരി ഒന്നു കാണു​ന്ന​തു​തന്നെ എന്റെ ആത്മവി​ശ്വാ​സ​വും സഹിച്ചു​നിൽക്കാ​നുള്ള നിശ്ചയ​ദാർഢ്യ​വും ശക്തി​പ്പെ​ടു​ത്തി.”

ജീവി​ത​ത്തിൽ ഉത്‌ക​ണ്‌ഠകൾ വരു​മ്പോൾ ചിരി​ക്കാൻ ഒരു കാരണ​വു​മി​ല്ലെന്ന്‌ നിങ്ങൾക്ക്‌ തോന്നി​യേ​ക്കാം. എന്നാൽ ഓർക്കുക: ചിന്തക​ളിൽനി​ന്നാണ്‌ വികാ​ര​ങ്ങ​ളു​ണ്ടാ​കു​ന്നത്‌. (സുഭാ​ഷി​തങ്ങൾ 15:15; ഫിലി​പ്പി​യർ 4:8, 9) അതു​കൊണ്ട്‌ സാധ്യ​മാ​കു​മ്പോ​ഴെ​ല്ലാം നല്ലതും സന്തോഷം തരുന്ന​തും ആയ കാര്യ​ങ്ങ​ളെ​ക്കു​റിച്ച്‌ ചിന്തി​ക്കാൻ നമുക്ക്‌ ശ്രമി​ക്കാം. അത്‌ അൽപ്പം ബുദ്ധി​മു​ട്ടാ​ണെ​ങ്കിൽകൂ​ടി. b ബൈബിൾവാ​യ​ന​യും പ്രാർഥ​ന​യും അങ്ങനെ ചെയ്യാൻ അനേകരെ സഹായി​ച്ചി​ട്ടുണ്ട്‌. (മത്തായി 5:3; ഫിലി​പ്പി​യർ 4:6, 7) വാസ്‌തവത്തിൽ ‘സന്തോഷം’ ‘ആനന്ദം’ എന്നീ പദങ്ങളും അവയുടെ വ്യത്യ​സ്‌ത​രൂ​പ​ങ്ങ​ളും നൂറു​ക​ണ​ക്കി​നു പ്രാവ​ശ്യം ബൈബി​ളിൽ കാണുന്നു. അതിലെ ഒന്നോ രണ്ടോ താളുകൾ ദിവസ​വും വായി​ക്കാൻ നിങ്ങൾക്ക്‌ ലക്ഷ്യം വെക്കാ​വു​ന്ന​താണ്‌. അത്‌ നിങ്ങ​ളെ​യും കൂടെ​ക്കൂ​ടെ പുഞ്ചി​രി​ക്കുന്ന ഒരു വ്യക്തി​യാ​ക്കും. തീർച്ച.

മറ്റുള്ളവർ നിങ്ങളെ നോക്കി ആദ്യം ചിരി​ക്കട്ടെ എന്നു കരുത​രുത്‌. അതിനാ​യി മുൻ​കൈ​യെ​ടു​ക്കുക. അവരുടെ ജീവി​ത​ത്തിൽ അൽപ്പം സന്തോഷം പകരുക. പുഞ്ചി​രി​യു​ടെ വശ്യത​യും സൗന്ദര്യ​വും അറിയാൻ കണ്ണാടി​യു​ടെ മുന്നിൽനിന്ന്‌ ഒന്നു പുഞ്ചി​രി​ച്ചു​നോ​ക്കൂ! അത്‌ നിങ്ങളെ മാത്രമല്ല കാണു​ന്ന​വ​രെ​യും ഉന്മേഷ​ഭ​രി​ത​രാ​ക്കുന്ന ഒരു ദിവ്യ സമ്മാന​മാ​ണെന്നു നിങ്ങൾ മനസ്സി​ലാ​ക്കും.