നിങ്ങൾക്ക് ഒരു കാര്യ​ത്തോട്‌ ആകർഷണം തോന്നു​ന്നു. പ്രത്യേ​കിച്ച് തെറ്റായ ഒരു കാര്യ​ത്തോട്‌. ഇതി​നെ​യാ​ണു പ്രലോ​ഭനം എന്നു പറയു​ന്നത്‌. ഇങ്ങനെ ഉദാഹ​രി​ക്കാം. കടയിൽ സാധനങ്ങൾ വാങ്ങു​ന്ന​തി​നി​ടെ നിങ്ങൾക്കു വളരെ ഇഷ്ടമുള്ള ഒരു സാധനം കാണുന്നു. ഇപ്പോൾ നിങ്ങൾ ഇങ്ങനെ ചിന്തി​ക്കു​ന്നു. ഈ സാധനം മോഷ്ടി​ച്ചാൽ ആരും അറിയാൻപോ​കു​ന്നില്ല. പക്ഷേ നിങ്ങളു​ടെ മനസ്സാക്ഷി അതിനു നിങ്ങളെ സമ്മതി​ക്കു​ന്നില്ല. അങ്ങനെ നിങ്ങൾ ആ ചിന്ത ഉപേക്ഷി​ച്ചു കടന്നു പോകു​ന്നു. ഇവിടെ നിങ്ങളു​ടെ പ്രലോ​ഭനം തോറ്റു. നിങ്ങൾ വിജയി​ച്ചു.

ബൈബിൾ പറയു​ന്നത്‌

നിങ്ങൾക്കു പ്രലോ​ഭനം തോന്നി​യാൽ നിങ്ങൾ മോശ​ക്കാ​ര​നാ​ണെന്നല്ല അതിനർഥം. നമു​ക്കെ​ല്ലാ​വർക്കും പ്രലോ​ഭനം ഉണ്ടാകു​മെന്നു ബൈബിൾ പറയുന്നു. (1 കൊരി​ന്ത്യർ 10:13) നമ്മൾ അതി​നോട്‌ എങ്ങനെ പ്രതി​ക​രി​ക്കു​ന്നു എന്നതാണു പ്രധാനം. ചിലർ മോശ​മായ ആഗ്രഹങ്ങൾ മനസ്സി​ലി​ട്ടു താലോ​ലി​ക്കു​ന്നു. അപ്പോൾ അല്ലെങ്കിൽ പിന്നീട്‌ അതിനു വഴി​പ്പെ​ടു​ന്നു. മറ്റു ചിലർ അങ്ങനെ ചെയ്യു​ന്നതു തെറ്റാ​ണെന്നു മനസ്സി​ലാ​ക്കി പെട്ടെ​ന്നു​തന്നെ അത്‌ തള്ളിക്ക​ള​യു​ന്നു.

“സ്വന്തം മോഹ​ങ്ങ​ളാണ്‌ ഓരോ​രു​ത്ത​രെ​യും ആകർഷിച്ച് മയക്കി പരീക്ഷ​ണ​ങ്ങ​ളിൽ അകപ്പെ​ടു​ത്തു​ന്നത്‌.”—യാക്കോബ്‌ 1:14.

തെറ്റായ വഴിക​ളിൽ ചെന്നെ​ത്തു​ന്നത്‌ എങ്ങനെ​യെന്നു ബൈബിൾ വിശദീ​ക​രി​ക്കു​ന്നു. “(തെറ്റായ) മോഹം ഗർഭം ധരിച്ച് പാപത്തെ പ്രസവി​ക്കു​ന്നു” എന്നു യാക്കോബ്‌ 1:15 പറയുന്നു. ലളിത​മാ​യി പറഞ്ഞാൽ, ഒരു സ്‌ത്രീ ഗർഭി​ണി​യാ​യാൽ പ്രസവി​ക്കും. ഇതു​പോ​ലെ തെറ്റായ ഒരു ആഗ്രഹം താലോ​ലി​ച്ചു​കൊ​ണ്ടി​രു​ന്നാൽ ഏതെങ്കി​ലും ഒരു അവസര​ത്തിൽ നമ്മൾ അതനു​സ​രി​ച്ചു പ്രവർത്തി​ക്കും. എന്നാൽ മോശ​മായ ആഗ്രഹ​ങ്ങ​ളു​ടെ അടിമ​ക​ളാ​യി​രി​ക്കു​ന്നത്‌ ഒഴിവാ​ക്കാൻ നമുക്കു കഴിയും. അവയെ വരുതി​യിൽ നിറു​ത്താ​നും ആകും.

ബൈബി​ളി​നു നിങ്ങളെ സഹായി​ക്കാ​നാ​കും

നമ്മുടെ മനസ്സിനു മോശ​മായ ആഗ്രഹങ്ങൾ താലോ​ലി​ക്കാ​നാ​കും. മനസ്സു​വെ​ച്ചാൽ അവയെ പടിയി​റ​ക്കാ​നും ആകും. എങ്ങനെ? എന്തെങ്കി​ലും പ്രവൃ​ത്തി​ക​ളിൽ ഏർപ്പെ​ട്ടു​കൊ​ണ്ടോ ഒരു സുഹൃ​ത്തി​നോ​ടു സംസാ​രി​ച്ചു​കൊ​ണ്ടോ നല്ല കാര്യങ്ങൾ ചിന്തി​ച്ചു​കൊ​ണ്ടോ നമുക്കു ശ്രദ്ധ തിരി​ച്ചു​വി​ടാം. (ഫിലി​പ്പി​യർ 4:8) ഒരു പ്രലോ​ഭ​ന​ത്തി​നു വഴങ്ങി​യാൽ ഉണ്ടാകുന്ന വൈകാ​രി​ക​വും ശാരീ​രി​ക​വും ആത്മീയ​വും ആയ ഹാനി​യെ​ക്കു​റി​ച്ചു ചിന്തി​ക്കു​ന്നത്‌ നല്ലതാണ്‌. (ആവർത്തനം 32:29) പ്രാർഥന മറ്റൊരു വലിയ സഹായ​മാണ്‌. “പ്രലോ​ഭ​ന​ത്തിൽ അകപ്പെ​ടാ​തി​രി​ക്കാൻ എപ്പോ​ഴും ഉണർന്നി​രുന്ന് പ്രാർഥി​ക്കണം” എന്നു യേശു ക്രിസ്‌തു പറഞ്ഞു.—മത്തായി 26:41.

“വഴി​തെ​റ്റി​ക്ക​പ്പെ​ട​രുത്‌: ദൈവത്തെ പറ്റിക്കാ​നാ​കില്ല. ഒരാൾ വിതയ്‌ക്കു​ന്ന​തു​തന്നെ കൊയ്യും.”—ഗലാത്യർ 6:7.

യാഥാർഥ്യം

പ്രലോ​ഭനം ചിന്തയി​ല്ലാ​ത്ത​വ​രോ അനുഭ​വ​പ​രി​ച​യ​മി​ല്ലാ​ത്ത​വ​രോ അശ്രദ്ധ​രോ ആയ ആളുകളെ അപകട​ത്തിൽ കൊ​ണ്ടെ​ത്തി​ക്കു​ന്നു. വാസ്‌ത​വ​ത്തിൽ അവ അവരെ വീഴ്‌ത്താ​നുള്ള കുരു​ക്കു​ക​ളും കെണി​ക​ളും മാത്ര​മാണ്‌. (യാക്കോബ്‌ 1:14, അടിക്കു​റിപ്പ്) ലൈം​ഗിക അധാർമി​കത എന്ന പ്രലോ​ഭ​ന​ത്തി​ന്‍റെ കാര്യ​ത്തിൽ അതു വളരെ സത്യമാണ്‌. ഗുരു​ത​ര​മായ പ്രത്യാ​ഘാ​ത​ങ്ങ​ളാണ്‌ അതിനു​ള്ളത്‌.—സുഭാ​ഷി​തങ്ങൾ 7:22, 23.

ബൈബി​ളി​നു നിങ്ങളെ സഹായി​ക്കാ​നാ​കും

“അതു​കൊണ്ട് നീ ഇടറി​വീ​ഴാൻ നിന്‍റെ വലതു​കണ്ണ് ഇടയാ​ക്കു​ന്നെ​ങ്കിൽ അതു ചൂഴ്‌ന്നെ​ടുത്ത്‌ എറിഞ്ഞു​ക​ള​യുക” എന്ന് യേശു​ക്രി​സ്‌തു പറഞ്ഞു. (മത്തായി 5:29) യേശു​വി​ന്‍റെ ഈ വാക്കുകൾ അക്ഷരം​പ്രതി എടുക്കാ​നു​ള്ളതല്ല. ദൈവത്തെ സന്തോ​ഷി​പ്പി​ക്കാ​നും നിത്യ​ജീ​വൻ നേടാ​നും ആഗ്രഹി​ക്കു​ന്നെ​ങ്കിൽ പാപം ചെയ്യാ​നുള്ള നമ്മുടെ ശരീര​ത്തി​ന്‍റെ ചായ്‌വി​നെ കൊന്നു​ക​ള​യണം എന്നാണു യേശു ഉദ്ദേശി​ച്ചത്‌. (കൊ​ലോ​സ്യർ 3:5) എന്നു പറഞ്ഞാൽ പ്രലോ​ഭനം ഉണ്ടാകു​മ്പോൾ ദൃഢനി​ശ്ച​യ​ത്തോ​ടെ അതിൽനി​ന്നു മാറി നിൽക്കുക എന്നാണ്‌. ദൈവ​ത്തോ​ടു വിശ്വ​സ്‌ത​നായ ഒരു വ്യക്തി പ്രാർഥി​ച്ചത്‌ ഇങ്ങനെ​യാണ്‌: “ഒരു ഗുണവു​മി​ല്ലാത്ത കാര്യങ്ങൾ കാണാ​തി​രി​ക്കാൻ എന്‍റെ നോട്ടം തിരി​ച്ചു​വി​ടേ​ണമേ.”—സങ്കീർത്തനം 119:37.

ആത്മനി​യ​ന്ത്ര​ണം പാലി​ക്കുക എന്നത്‌ ബുദ്ധി​മു​ട്ടാ​യി​രി​ക്കാം എന്നത്‌ ഒരു വസ്‌തു​ത​യാണ്‌. “ശരീരം ബലഹീ​ന​മാണ്‌.” (മത്തായി 26:41) അതു​കൊ​ണ്ടു നമുക്ക് തെറ്റുകൾ പറ്റും. നമ്മൾ യഥാർഥ​ത്തിൽ അനുത​പി​ക്കു​ക​യും ജീവി​ത​ത്തിൽ തെറ്റു ചെയ്യു​ന്നത്‌ ഒരു ശീലമാ​ക്കാ​തി​രി​ക്കാൻ കഠിന​മാ​യി പരി​ശ്ര​മി​ക്കു​ക​യും ചെയ്യുക. ദൈവ​മായ യഹോവ “കരുണാ​മ​യ​നും അനുക​മ്പ​യു​ള്ള​വ​നും” ആണെന്ന കാര്യം മറക്കരുത്‌. (സങ്കീർത്തനം 103:8) എത്ര ആശ്വാ​സ​പ്രദം!

“യഹോവേ, തെറ്റു​ക​ളി​ലാണ്‌ അങ്ങ് ശ്രദ്ധ വെക്കു​ന്ന​തെ​ങ്കിൽ യാഹേ, ആർക്കു പിടി​ച്ചു​നിൽക്കാ​നാ​കും?”—സങ്കീർത്തനം 130:3.