1, 2. എബ്രാ​യ​ക്രി​സ്‌ത്യാ​നി​കൾക്ക്‌ പൗലോസ്‌ ലേഖനം എഴുതി​യത്‌ എന്തു​കൊണ്ട്‌?

 വർഷം എ.ഡി. 61. ഇസ്രാ​യേ​ലി​ലു​ട​നീ​ള​മുള്ള സഭകൾ ഒരള​വോ​ളം സമാധാ​നം ആസ്വദി​ച്ചി​രുന്ന ഒരു കാലം. അപ്പൊ​സ്‌ത​ല​നായ പൗലോസ്‌ ഇപ്പോൾ റോമിൽ തടവി​ലാണ്‌. എന്നാൽ പെട്ടെ​ന്നു​തന്നെ താൻ മോചി​ത​നാ​കു​മെന്ന്‌ അവൻ പ്രതീ​ക്ഷി​ച്ചി​രു​ന്നു. പൗലോ​സി​ന്റെ പങ്കാളി​യാ​യി​രുന്ന തിമൊ​ഥെ​യൊസ്‌ അപ്പോൾ ജയിൽമോ​ചി​ത​നാ​യതേ ഉള്ളൂ. അവർ ഇരുവ​രും​കൂ​ടി യെഹൂ​ദ്യ​യി​ലുള്ള ക്രിസ്‌തീ​യ​സ​ഹോ​ദ​ര​ങ്ങളെ സന്ദർശി​ക്കാൻ പദ്ധതി​യി​ട്ടി​രു​ന്നു. (എബ്രാ. 13:23) എന്നിരു​ന്നാ​ലും അഞ്ചു വർഷത്തി​നു​ള്ളിൽ യെഹൂ​ദ്യ​യി​ലു​ള്ളവർ, പ്രത്യേ​കി​ച്ചും യെരു​ശ​ലേ​മിൽ താമസി​ച്ചി​രുന്ന ക്രിസ്‌ത്യാ​നി​കൾ ഒരു ഉറച്ച തീരു​മാ​നം എടു​ക്കേ​ണ്ടി​വ​രു​മാ​യി​രു​ന്നു. കാരണം, സൈന്യ​ങ്ങൾ യെരു​ശ​ലേ​മി​നു ചുറ്റും പാളയ​മ​ടി​ക്കു​ന്നതു കാണു​മ്പോൾ അവർ അവിടം വിട്ട്‌ ഓടി​പ്പോ​ക​ണ​മെന്ന്‌ യേശു അവർക്ക്‌ മുന്നറി​യി​പ്പു കൊടു​ത്തി​രു​ന്നു.—ലൂക്കോ. 21:20-24.

² യേശു ആ മുന്നറി​യിപ്പ്‌ കൊടു​ത്തിട്ട്‌ അപ്പോൾ 28 വർഷം കഴിഞ്ഞി​രു​ന്നു. ഈ കാലയ​ള​വി​ലു​ട​നീ​ളം ഇസ്രാ​യേ​ലി​ലു​ണ്ടാ​യി​രുന്ന ക്രിസ്‌ത്യാ​നി​കൾ അനേകം ഉപദ്ര​വ​ങ്ങൾക്കും പരി​ശോ​ധ​ന​കൾക്കും മധ്യേ വിശ്വ​സ്‌ത​രാ​യി നില​കൊ​ണ്ടു. (എബ്രാ. 10:32-34) എന്നാൽ ഭാവി​യിൽ നടക്കാൻ പോകുന്ന സംഭവ​ങ്ങൾക്കാ​യി അവരെ ഒരുക്കാൻ പൗലോസ്‌ ആഗ്രഹി​ച്ചു. കാരണം അവർ വിശ്വാ​സ​ത്തി​ന്റെ ഒരു വലിയ പരി​ശോ​ധന നേരി​ടാൻ പോകു​ക​യാ​യി​രു​ന്നു. (മത്താ. 24:20, 21; എബ്രാ. 12:4) അവരുടെ ജീവൻ ആശ്രയി​ച്ചി​രു​ന്നത്‌  ഓടി​പ്പോ​കാ​നുള്ള യേശു​വി​ന്റെ കല്‌പന അനുസ​രി​ക്കു​ന്ന​തി​ലാ​യി​രു​ന്നു. എന്നാൽ അതിന്‌ അവർക്ക്‌ മുമ്പെ​ന്ന​ത്തെ​ക്കാ​ളു​മ​ധി​കം സഹിഷ്‌ണു​ത​യും വിശ്വാ​സ​വും ആവശ്യ​മാ​യി​രു​ന്നു. (എബ്രായർ 10:36-39 വായി​ക്കുക.) അതു​കൊ​ണ്ടാണ്‌ സംഭവി​ക്കാൻപോ​കുന്ന കാര്യ​ങ്ങൾക്കാ​യി അവരെ ഒരുക്കു​ന്ന​തി​നു​വേണ്ടി അവർക്ക്‌ ഒരു ലേഖനം എഴുതാൻ യഹോവ പൗലോ​സി​നെ നിശ്വ​സ്‌ത​നാ​ക്കി​യത്‌. അതാണ്‌ എബ്രാ​യർക്കുള്ള ലേഖനം എന്ന പേരിൽ അറിയ​പ്പെ​ടു​ന്നത്‌.

3. എബ്രാ​യർക്ക്‌ എഴുതിയ ലേഖന​ത്തിൽ നമ്മൾ താത്‌പ​ര്യ​മു​ള്ളവർ ആയിരി​ക്കേ​ണ്ട​തെ​ന്തു​കൊണ്ട്‌?

³ ദൈവ​ജ​ന​മെന്ന നിലയിൽ എബ്രാ​യർക്ക്‌ എഴുതിയ ലേഖന​ത്തിൽ നമ്മളും തത്‌പ​ര​രാ​യി​രി​ക്കണം. എന്തു​കൊണ്ട്‌? കാരണം നമ്മുടെ സാഹച​ര്യ​വും യെഹൂ​ദ്യ​യി​ലെ ക്രിസ്‌ത്യാ​നി​ക​ളു​ടേ​തി​നോട്‌ സമാന​മാണ്‌. ഈ “ദുഷ്‌ക​ര​മായ സമയങ്ങ”ളിൽ യഹോ​വ​യു​ടെ ജനം എല്ലാ തരത്തി​ലു​മുള്ള ഉപദ്ര​വ​ങ്ങ​ളും എതിർപ്പു​ക​ളും നേരി​ട്ടി​ട്ടുണ്ട്‌. (2 തിമൊ. 3:1, 12) നമ്മുടെ വിശ്വാ​സ​വും ദൈവ​ഭ​ക്തി​യും ശക്തമാ​ണെന്ന്‌ ഒരു സംശയ​ത്തി​നും ഇടയി​ല്ലാ​ത്ത​വി​ധം നമ്മൾ ഇക്കാല​ങ്ങ​ളി​ലു​ട​നീ​ളം തെളി​യി​ച്ചി​ട്ടുണ്ട്‌. നമ്മളിൽ മിക്കവ​രും ഇപ്പോൾ ദൈവത്തെ സേവി​ക്കു​ന്നത്‌ നേരി​ട്ടുള്ള എതിർപ്പു​ക​ളൊ​ന്നു​മി​ല്ലാ​തെ താരത​മ്യേന സമാധാ​ന​പ​ര​മായ അന്തരീ​ക്ഷ​ത്തി​ലാണ്‌. എങ്കിലും പൗലോ​സി​ന്റെ നാളിലെ ക്രിസ്‌ത്യാ​നി​ക​ളെ​പ്പോ​ലെ നമ്മളെ​ല്ലാ​വ​രും ജാഗ്ര​ത​യു​ള​ള​വ​രാ​യി​രി​ക്കണം. എന്തു​കൊണ്ട്‌? കാരണം വളരെ പെട്ടെ​ന്നു​തന്നെ വിശ്വാ​സ​ത്തി​ന്റെ ഏറ്റവും വലിയ പരി​ശോ​ധ​നയെ നമ്മളെ​ല്ലാം നേരി​ടാൻ പോകു​ക​യാണ്‌!—ലൂക്കോസ്‌ 21:34-36 വായി​ക്കുക.

4. 2016-ലെ വാർഷി​ക​വാ​ക്യം ഏതാണ്‌, അത്‌ അനു​യോ​ജ്യ​മാ​യി​രി​ക്കു​ന്നത്‌ എന്തു​കൊണ്ട്‌?

⁴ ഈ ഭാവി​സം​ഭ​വ​ത്തി​നാ​യി ഒരുങ്ങാൻ നമ്മളെ എന്തു സഹായി​ക്കും? എബ്രാ​യർക്കുള്ള ലേഖന​ത്തിൽ നമ്മുടെ വിശ്വാ​സം ബലപ്പെ​ടു​ത്താൻ സഹായി​ക്കുന്ന പല കാര്യ​ങ്ങ​ളും പറഞ്ഞി​ട്ടുണ്ട്‌. പ്രധാ​ന​പ്പെട്ട ഒരു ഓർമി​പ്പി​ക്കൽ എബ്രായർ 13:1-ൽ കാണാം. ആ വാക്യം നമ്മളെ ഇങ്ങനെ പ്രോ​ത്സാ​ഹി​പ്പി​ക്കു​ന്നു: “നിങ്ങളു​ടെ സഹോ​ദ​ര​സ്‌നേഹം നിലനിൽക്കട്ടെ.” ഈ വാക്യ​മാണ്‌ 2016-ലെ വാർഷി​ക​വാ​ക്യ​മാ​യി തിര​ഞ്ഞെ​ടു​ത്തി​രി​ക്കു​ന്നത്‌.

5. എന്താണ്‌ സഹോ​ദ​ര​സ്‌നേഹം?

⁵ എന്താണ്‌ സഹോ​ദ​ര​സ്‌നേഹം? ഇവിടെ പൗലോസ്‌ ഉപയോ​ഗിച്ച ഗ്രീക്ക്‌ വാക്കിന്റെ അർഥം “ഒരു സഹോ​ദ​ര​നോ​ടു തോന്നുന്ന പ്രിയം” എന്നാണ്‌. കുടും​ബാം​ഗ​ങ്ങൾക്കി​ട​യി​ലോ അടുത്ത സുഹൃ​ത്തു​ക്കൾക്കി​ട​യി​ലോ ഉള്ള ശക്തവും ഊഷ്‌മ​ള​വു​മായ ഒരു ആർദ്ര​വി​കാ​ര​മാണ്‌ സഹോ​ദ​ര​സ്‌നേഹം. (യോഹ. 11:36) അതു​കൊണ്ട്‌ നമ്മൾ സഹോ​ദ​ര​നോ സഹോ​ദ​രി​യോ ആയി നടിക്കു​കയല്ല ചെയ്യു​ന്നത്‌, നമ്മൾ എപ്പോ​ഴും സഹോ​ദ​രീ​സ​ഹോ​ദ​ര​ന്മാർ ആണ്‌. (മത്താ. 23:8) “സഹോ​ദ​ര​സ്‌നേ​ഹ​ത്തിൽ അന്യോ​ന്യം ആർദ്ര​ത​യു​ള്ള​വ​രാ​യി​രി​ക്കു​വിൻ. പരസ്‌പരം ബഹുമാ​നി​ക്കു​ന്ന​തിൽ മുന്നി​ട്ടു​നിൽക്കു​വിൻ” എന്ന്‌ പൗലോസ്‌ പറയുന്നു. (റോമ. 12:10) സഹോ​ദ​ര​ങ്ങ​ളോ​ടുള്ള നമ്മുടെ പ്രിയം എത്രമാ​ത്രം ശക്തമാ​ണെന്ന്‌ ഈ വാക്കുകൾ കാണി​ക്കു​ന്നു. ക്രിസ്‌തീ​യ​ത​ത്ത്വ​ങ്ങ​ളിൽ അടിസ്ഥാ​ന​പ്പെ​ട്ടി​രി​ക്കുന്ന സ്‌നേ​ഹ​ത്തോ​ടൊ​പ്പം ഈ സഹോ​ദ​ര​സ്‌നേ​ഹ​വും കാണി​ക്കു​ന്നത്‌, അന്യോ​ന്യം ഉറ്റ സുഹൃ​ത്തു​ക്ക​ളാ​യി​രി​ക്കാ​നും ഐക്യ​മു​ള്ള​വ​രാ​യി​രി​ക്കാ​നും ദൈവ​ജ​നത്തെ സഹായി​ക്കു​ന്നു.

6. സഹോ​ദ​ര​സ്‌നേ​ഹ​ത്തി​ന്റെ അർഥം സത്യ​ക്രി​സ്‌ത്യാ​നി​കൾ മനസ്സി​ലാ​ക്കു​ന്നത്‌ എങ്ങനെ​യാണ്‌?

⁶ സഹോ​ദ​ര​സ്‌നേഹം എന്ന പദപ്ര​യോ​ഗം കൂടു​ത​ലാ​യി കാണു​ന്നത്‌ ക്രിസ്‌തീയ പ്രസി​ദ്ധീ​ക​ര​ണ​ങ്ങ​ളി​ലാണ്‌. യഹൂദ​ന്മാർ മുൻകാ​ല​ങ്ങ​ളിൽ “സഹോ​ദരൻ” എന്ന പദം ഒരു ബന്ധുവി​നെ​യോ ചില​പ്പോൾ കുടും​ബ​ത്തി​നു പുറത്തുള്ള ഒരാ​ളെ​യോ അർഥമാ​ക്കാ​നാണ്‌ ഉപയോ​ഗി​ച്ചി​രു​ന്നത്‌. എന്നാൽ യഹൂദ​ന​ല്ലാത്ത ഒരാളെ കുറി​ക്കാൻ ആ പദം അവർ ഒരിക്ക​ലും ഉപയോ​ഗി​ച്ചി​രു​ന്നില്ല. എന്നാൽ സത്യ​ക്രി​സ്‌ത്യാ​നി​കളെ സംബന്ധിച്ച്‌ “സഹോ​ദരൻ” എന്നത്‌ ഒരു സഹവി​ശ്വാ​സി​യാണ്‌, ആ വ്യക്തി ഏതു രാജ്യ​ക്കാ​ര​നാ​യി​രു​ന്നാ​ലും ശരി. (റോമ. 10:12) പരസ്‌പരം സഹോ​ദ​ര​പ്രീ​തി കാണി​ക്കാ​നാണ്‌ യഹോവ നമ്മളെ പഠിപ്പി​ച്ചി​രി​ക്കു​ന്നത്‌. (1 തെസ്സ. 4:9) സഹോ​ദ​ര​സ്‌നേഹം കാണി​ക്കു​ന്ന​തിൽ തുട​രേ​ണ്ടത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

7. (എ) സഹോ​ദ​ര​സ്‌നേഹം കാണി​ക്കേ​ണ്ട​തി​ന്റെ ഏറ്റവും പ്രധാ​ന​കാ​രണം എന്താണ്‌? (ബി) സഹോ​ദ​ര​സ്‌നേഹം ശക്തമാ​ക്കേ​ണ്ട​തി​ന്റെ മറ്റൊരു കാരണം പറയുക.

⁷ സഹോ​ദ​ര​സ്‌നേഹം കാണി​ക്കേ​ണ്ട​തി​ന്റെ ഏറ്റവും പ്രധാന കാരണം, അങ്ങനെ ചെയ്യാൻ യഹോവ നമ്മോട്‌ ആവശ്യ​പ്പെ​ടു​ന്നു എന്നതാണ്‌. സഹോ​ദ​ര​ങ്ങളെ  സ്‌നേ​ഹി​ക്കാൻ കഴിയാത്ത ഒരാൾക്ക്‌ യഹോ​വയെ സ്‌നേ​ഹി​ക്കാൻ കഴിയില്ല. (1 യോഹ. 4:7, 20, 21) മറ്റൊരു കാരണം, നമുക്ക്‌ പരസ്‌പ​ര​സ​ഹാ​യം ആവശ്യ​മുണ്ട്‌ എന്നതാണ്‌; വിശേ​ഷാൽ പ്രശ്‌നങ്ങൾ നിറഞ്ഞ സാഹച​ര്യ​ങ്ങ​ളിൽ. എബ്രായ ക്രിസ്‌ത്യാ​നി​കൾക്ക്‌ പൗലോസ്‌ ലേഖനം എഴുതി​യ​പ്പോൾ അധികം വൈകാ​തെ​തന്നെ അവരിൽ പലർക്കും തങ്ങളുടെ വീടു​ക​ളും വസ്‌തു​വ​ക​ക​ളും ഒക്കെ ഉപേക്ഷി​ച്ചു​പോ​കേ​ണ്ടി​വ​രു​മെന്ന്‌ അവന്‌ അറിയാ​മാ​യി​രു​ന്നു. ആ കാലം എത്ര ക്ലേശക​ര​മാ​യി​രി​ക്കും എന്ന്‌ യേശു മുൻകൂ​ട്ടി പറഞ്ഞി​രു​ന്നു. (മർക്കോ. 13:14-18; ലൂക്കോ. 21:21-23) ആ കാലം വരുന്ന​തി​നു മുമ്പു​തന്നെ ക്രിസ്‌ത്യാ​നി​കൾ അവർക്കി​ട​യി​ലെ സ്‌നേഹം ശക്തമാ​ക്ക​ണ​മാ​യി​രു​ന്നു.—റോമ. 12:9.

8. മഹാകഷ്ടം തുടങ്ങു​ന്ന​തി​നു​മുമ്പ്‌, ഇപ്പോൾത്തന്നെ, നമ്മൾ എന്തു ചെയ്യണം?

⁸ മനുഷ്യ​ച​രി​ത്ര​ത്തി​ലെ ഏറ്റവും വലിയ കഷ്ടം അടു​ത്തെ​ത്തി​യി​രി​ക്കു​ന്നു. (മർക്കോ. 13:19; വെളി. 7:1-3) അതു​കൊണ്ട്‌ പിൻവ​രുന്ന ആഹ്വാനം നമ്മൾ അനുസ​രി​ക്കേ​ണ്ടത്‌ ആവശ്യ​മാ​യി​വ​രും: “എന്റെ ജനമേ, വന്നു നിന്റെ അറകളിൽ കടന്നു വാതി​ലു​കളെ അടെക്ക; ക്രോധം കടന്നു​പോ​കു​വോ​ളം അല്‌പ​നേ​ര​ത്തേക്കു ഒളിച്ചി​രിക്ക.” (യെശ. 26:20) ആ “അറകൾ” സൂചി​പ്പി​ക്കു​ന്നത്‌ സഭക​ളെ​യാ​യി​രി​ക്കാം. കാരണം സഭകളി​ലാണ്‌ സഹോ​ദ​ര​ങ്ങ​ളോ​ടൊ​പ്പം നമ്മൾ യഹോ​വയെ ആരാധി​ക്കു​ന്നത്‌. എന്നാൽ കേവലം ഹാജരാ​കു​ന്ന​തി​ല​ധി​കം നമ്മൾ ചെയ്യേ​ണ്ട​തുണ്ട്‌. അത്തരം അവസര​ങ്ങ​ളിൽ, സ്‌നേഹം കാണി​ക്കാ​നും നന്മ ചെയ്യാ​നും കഴി​യേ​ണ്ട​തിന്‌ പരസ്‌പരം പ്രോ​ത്സാ​ഹി​പ്പി​ക്കാൻ പൗലോസ്‌ എബ്രായ ക്രിസ്‌ത്യാ​നി​കളെ ഓർമി​പ്പി​ച്ചു. (എബ്രാ. 10:24, 25) അതു​കൊണ്ട്‌ ഇപ്പോൾത്തന്നെ നമ്മുടെ സഹോ​ദ​ര​സ്‌നേഹം കരുത്തു​റ്റ​താ​ക്കാം; അതു ഭാവി​യിൽ എന്തെല്ലാം പ്രതി​സ​ന്ധി​കൾ വന്നാലും സഹിച്ചു​നിൽക്കാൻ നമ്മളെ സഹായി​ക്കും.

9. (എ) സഹോ​ദ​ര​സ്‌നേഹം കാണി​ക്കാ​നുള്ള എന്തെല്ലാം അവസരങ്ങൾ ആണ്‌ ഇപ്പോൾ നമുക്കു​ള്ളത്‌? (ബി) യഹോ​വ​യു​ടെ ജനം സഹോ​ദ​ര​സ്‌നേഹം കാണി​ച്ച​തി​ന്റെ ചില ഉദാഹ​ര​ണങ്ങൾ നൽകുക.

⁹ മഹാകഷ്ടം തുടങ്ങു​ന്ന​തി​നു​മുമ്പ്‌ ഇപ്പോൾത്തന്നെ സഹോ​ദ​ര​സ്‌നേഹം കാണി​ക്കു​ന്ന​തി​നുള്ള പല അവസര​ങ്ങ​ളുണ്ട്‌. നമ്മുടെ സഹോ​ദ​ര​ങ്ങ​ളിൽ പലരും ഭൂകമ്പം, വെള്ള​പ്പൊ​ക്കം, കൊടു​ങ്കാറ്റ്‌, സുനാമി, എന്നിവ പോലുള്ള പ്രകൃ​തി​ദു​ര​ന്ത​ങ്ങ​ളാൽ കഷ്ടപ്പെ​ടു​ന്നു. ചില സഹോ​ദ​ര​ങ്ങൾക്ക്‌ എതിർപ്പു​ക​ളും ഉപദ്ര​വ​ങ്ങ​ളും സഹി​ക്കേ​ണ്ടി​വ​രു​ന്നു. (മത്താ. 24:6-9) ഈ ദുഷിച്ച ലോക​ത്തിൽ ജീവി​ക്കു​ന്ന​തു​കൊണ്ട്‌ സാമ്പത്തി​ക​ബു​ദ്ധി​മു​ട്ടു​ക​ളും നമുക്കുണ്ട്‌. (വെളി. 6:5, 6) അത്തരം പ്രശ്‌നങ്ങൾ എത്ര​ത്തോ​ളം കൂടി​ക്കൂ​ടി വരുന്നു​വോ അത്ര​ത്തോ​ളം പരസ്‌പരം സഹോ​ദ​ര​സ്‌നേഹം കാണി​ക്കു​ന്ന​തി​നുള്ള അവസര​ങ്ങ​ളും നമുക്ക്‌ ലഭിക്കു​ന്നു. ഈ ലോക​ത്തി​ലെ “മിക്കവ​രു​ടെ​യും സ്‌നേഹം തണുത്തു​പോ​കും” എങ്കിലും സഹോ​ദ​ര​സ്‌നേഹം കാണി​ക്കു​ന്ന​തിൽ നമ്മൾ തുടരണം.—മത്താ. 24:12. ^[1]

10. ഇപ്പോൾ നമ്മൾ എന്താണ്‌ പരി​ശോ​ധി​ക്കാൻ പോകു​ന്നത്‌?

¹⁰ എന്തെല്ലാം പ്രശ്‌ന​ങ്ങ​ളു​ണ്ടെ​ങ്കി​ലും നമ്മൾ സഹോ​ദ​ര​സ്‌നേ​ഹ​ത്തിൽ നിലനിൽക്കു​ന്നു എന്ന്‌ എങ്ങനെ ഉറപ്പു​വ​രു​ത്താം? നമ്മുടെ സഹോ​ദ​ര​ങ്ങ​ളോട്‌ ആർദ്ര​പ്രി​യ​മു​ണ്ടെന്ന്‌ നമുക്ക്‌ എങ്ങനെ തെളി​യി​ക്കാം? “നിങ്ങളു​ടെ സഹോ​ദ​ര​സ്‌നേഹം നിലനിൽക്കട്ടെ” എന്ന്‌ പറഞ്ഞതി​നു ശേഷം അപ്പൊ​സ്‌ത​ല​നായ പൗലോസ്‌ ഇത്‌ ചെയ്യാൻ കഴിയുന്ന വ്യത്യസ്‌ത വിധങ്ങ​ളെ​ക്കു​റിച്ച്‌ പറയുന്നു. അവയിൽ ആറെണ്ണം നമുക്ക്‌ ഇപ്പോൾ പരി​ശോ​ധി​ക്കാം.

11, 12. അതിഥി​സ​ത്‌കാ​രം കാണി​ക്കുക എന്നാൽ എന്താണ്‌ അർഥം? (ലേഖനാ​രം​ഭ​ത്തി​ലെ ചിത്രം കാണുക.)

¹¹ “അതിഥി​സ​ത്‌കാ​രം മറക്കരുത്‌.” (എബ്രായർ 13:2 വായി​ക്കുക.) “അതിഥി​സ​ത്‌കാ​രം” എന്ന വാക്കിന്റെ അർഥം എന്താണ്‌? പൗലോസ്‌ ഉപയോ​ഗിച്ച വാക്കിന്റെ അക്ഷരാർഥം “അപരി​ചി​ത​രോട്‌ കാണി​ക്കുന്ന ദയ” എന്നാണ്‌. ഒരുപക്ഷേ ഈ പദത്തെ​ക്കു​റിച്ച്‌ കേൾക്കു​മ്പോൾ അബ്രാ​ഹാ​മി​നെ​യും ലോത്തി​നെ​യും കുറി​ച്ചാ​യി​രി​ക്കാം നമ്മൾ ഓർക്കു​ന്നത്‌. ഇവർ രണ്ടു​പേ​രും അപരി​ചി​ത​രായ സന്ദർശ​ക​രോട്‌ ദയ കാണിച്ചു. ആ അപരി​ചി​തർ ദൂതന്മാ​രാ​യി​രു​ന്നു എന്ന്‌ അബ്രാ​ഹാ​മും ലോത്തും പിന്നീ​ടാണ്‌ അറിഞ്ഞത്‌. (ഉല്‌പ. 18:2-5; 19:1-3) അതിഥി​പ്രി​യ​രാ​യി​രു​ന്നു​കൊണ്ട്‌ സഹോ​ദ​ര​സ്‌നേഹം കാണി​ക്കാൻ ഈ ദൃഷ്ടാ​ന്തങ്ങൾ എബ്രാ​യ​ക്രി​സ്‌ത്യാ​നി​കളെ പ്രചോ​ദി​പ്പി​ച്ചു.

¹² നമുക്ക്‌ എങ്ങനെ അതിഥി​പ്രി​യ​രാ​യി​രി​ക്കാം? ഭക്ഷണത്തി​നും സഹവാ​സ​ത്തി​നും ആയി നമുക്ക്‌  സഹോ​ദ​ര​ങ്ങളെ വീട്ടി​ലേക്കു ക്ഷണിക്കാം. അതിന്റെ അർഥം വലിയ ചെലവ്‌ വരുത്തി​ക്കൊണ്ട്‌ വിപു​ല​മായ രീതി​യിൽ സത്‌ക​രി​ക്ക​ണ​മെന്നല്ല. ഇനി ഏതെങ്കി​ലും വിധത്തിൽ നമുക്ക്‌ പ്രത്യു​പ​കാ​രം ചെയ്യു​ന്ന​വരെ മാത്രം ക്ഷണിക്കു​ന്ന​തു​മല്ല അതിഥി​പ്രി​യ​രാ​യി​രി​ക്കു​ന്ന​തിൽ ഉൾപ്പെ​ടു​ന്നത്‌. (ലൂക്കോ. 10:42; 14:12-14) നമ്മുടെ ലക്ഷ്യം ആളുക​ളിൽ മതിപ്പ്‌ ഉളവാ​ക്കുക എന്നതല്ല, പകരം പ്രോ​ത്സാ​ഹനം പകരുക എന്നതാണ്‌. അതു​കൊണ്ട്‌ സർക്കിട്ട്‌ മേൽവി​ചാ​ര​ക​നെ​യും സഹോ​ദ​രി​യെ​യും പരിച​യ​മി​ല്ലെ​ങ്കി​ലും, നമുക്ക്‌ അവരെ വീട്ടി​ലേക്ക്‌ ക്ഷണിച്ചു​കൊണ്ട്‌ അതിഥി​പ്രി​യം കാണി​ക്കാം. (3 യോഹ. 5-8) അനുദി​ന​ജീ​വി​ത​ത്തി​ന്റെ സമ്മർദ​ങ്ങ​ളും തിരക്കു​ക​ളും ഒക്കെ ഉണ്ടെങ്കി​ലും ‘അതിഥി​സ​ത്‌കാ​രം മറക്കാ​തി​രി​ക്കു​ന്നത്‌’എത്ര പ്രധാ​ന​മാണ്‌!

13, 14. ‘തടവിൽ കിടക്കു​ന്ന​വരെ . . . അനുസ്‌മ​രി​ക്കാൻ’ നമുക്ക്‌ എങ്ങനെ കഴിയും?

¹³ “തടവിൽ കിടക്കു​ന്ന​വരെ . . . അനുസ്‌മ​രി​ക്കു​വിൻ.” (എബ്രായർ 13:3 വായി​ക്കുക.) പൗലോസ്‌ ഇത്‌ എഴുതി​യ​പ്പോൾ വിശ്വാ​സം നിമിത്തം തടവിൽ കഴിഞ്ഞി​രുന്ന സഹോ​ദ​ര​ങ്ങ​ളെ​ക്കു​റി​ച്ചാ​ണു പരാമർശി​ച്ചത്‌. (ഫിലി. 1:12-14) “തടവു​കാ​രോ​ടു . . . സഹതാപം കാണിച്ച”തുകൊ​ണ്ടാണ്‌ പൗലോസ്‌ സഭയെ അഭിന​ന്ദി​ച്ചത്‌. (എബ്രാ. 10:34) പൗലോസ്‌ റോമിൽ തടവി​ലാ​യി​രുന്ന നാലു വർഷക്കാ​ലം ചില സഹോ​ദ​രങ്ങൾ അവനെ സഹായി​ച്ചു. എന്നാൽ ദൂരെ​യാ​യി​രുന്ന സഹോ​ദ​ര​ങ്ങൾക്ക്‌ പൗലോ​സി​നെ എങ്ങനെ സഹായി​ക്കാ​നാ​കു​മാ​യി​രു​ന്നു? അവനു​വേണ്ടി ഉള്ളുരു​കി പ്രാർഥി​ച്ചു​കൊണ്ട്‌.—എബ്രാ. 13:18, 19.

¹⁴ ഇന്നും യഹോ​വ​യു​ടെ സാക്ഷി​ക​ളിൽ പലരും വിശ്വാ​സം നിമിത്തം ജയിലു​ക​ളി​ലാണ്‌. അടുത്തുള്ള സഹോ​ദ​ര​ങ്ങൾക്ക്‌ പ്രാ​യോ​ഗി​ക​സ​ഹാ​യങ്ങൾ നേരിട്ട്‌ കൊടു​ക്കാൻ കഴിയും. എന്നാൽ നമ്മളിൽ പലരും ദൂരെ​യാണ്‌ താമസി​ക്കു​ന്നത്‌. അവരെ സഹായി​ക്കാ​നും, മറക്കു​ന്നില്ല എന്നു കാണി​ക്കാ​നും നമുക്ക്‌ എന്തു ചെയ്യാ​നാ​കും? അവർക്കു​വേണ്ടി ഉള്ളുരു​കി പ്രാർഥി​ക്കാൻ സഹോ​ദ​ര​സ്‌നേഹം നമ്മളെ പ്രചോ​ദി​പ്പി​ക്കും. ഉദാഹ​ര​ണ​ത്തിന്‌, എറി​ട്രി​യ​യിൽ നമ്മുടെ സഹോ​ദ​ര​ങ്ങ​ളിൽ പലരും, കുട്ടികൾ പോലും ജയിലി​ലാണ്‌. പൗലോസ്‌ ഇയാസു, ഇസക്‌ മോ​ഗോസ്‌, നെഗെഡെ ടെക്ലമാ​രി​യാം എന്നീ സഹോ​ദ​രങ്ങൾ 20 വർഷത്തി​ല​ധി​ക​മാ​യി ജയിലി​ലാണ്‌. നമ്മുടെ പ്രാർഥ​ന​ക​ളിൽ നമുക്ക്‌ അവരെ ഓർക്കാം.

15. വിവാ​ഹ​ബ​ന്ധത്തെ ആദരി​ക്കു​ന്നെന്ന്‌ നമുക്ക്‌ എങ്ങനെ കാണി​ക്കാം?

¹⁵ “വിവാ​ഹത്തെ എല്ലാവ​രും ആദരണീ​യ​മാ​യി കരുതട്ടെ.” (എബ്രായർ 13:4 വായി​ക്കുക.) ധാർമി​ക​മാ​യി ശുദ്ധി പാലി​ച്ചു​കൊ​ണ്ടും നമുക്ക്‌ സഹോ​ദ​ര​സ്‌നേഹം കാണി​ക്കാം. (1 തിമൊ. 5:1, 2) ഉദാഹ​ര​ണ​ത്തിന്‌, ഒരു സഹോ​ദ​ര​നു​മാ​യോ സഹോ​ദ​രി​യു​മാ​യോ ലൈം​ഗി​കാ​ധാർമി​ക​ത​യിൽ ഏർപ്പെ​ടാൻ ഇടയാ​യാൽ ആ വ്യക്തി​യെ​യും കുടും​ബ​ത്തെ​യും നമ്മൾ ദ്രോ​ഹി​ക്കു​ക​യാ​യി​രി​ക്കും. സഹോ​ദ​ര​ങ്ങൾക്കി​ട​യി​ലുള്ള പരസ്‌പ​ര​വി​ശ്വാ​സം നഷ്ടപ്പെ​ടു​ക​യും ചെയ്യും. (1 തെസ്സ. 4:3-8) അതു​പോ​ലെ, ഭർത്താവ്‌ അശ്ലീലം വീക്ഷി​ച്ചു​കൊണ്ട്‌ തന്നെ വഞ്ചിക്കു​ന്ന​താ​യി ഒരു ഭാര്യ അറിയു​ന്നെ​ങ്കിൽ അത്‌ അവളെ എങ്ങനെ ബാധി​ക്കും എന്ന്‌ ഒന്നു ചിന്തി​ച്ചു​നോ​ക്കൂ! ആ ഭർത്താവ്‌ തന്നെ സ്‌നേ​ഹി​ക്കു​ന്നു​ണ്ടെ​ന്നും തങ്ങളുടെ വിവാ​ഹത്തെ ആദരി​ക്കു​ന്നു​ണ്ടെ​ന്നും അവൾക്ക്‌ തോന്നാൻ ഇടയു​ണ്ടോ?—മത്താ. 5:28.

16. ഉള്ളതു​കൊണ്ട്‌ തൃപ്‌ത​രാ​യി​രി​ക്കു​ന്നത്‌ സഹോ​ദ​ര​സ്‌നേഹം കാണി​ക്കാൻ നമ്മളെ എങ്ങനെ സഹായി​ക്കും?

¹⁶ “ഉള്ളതു​കൊണ്ട്‌ തൃപ്‌തി​പ്പെ​ടു​വിൻ.” (എബ്രായർ 13:5 വായി​ക്കുക.) യഹോ​വ​യിൽ ആശ്രയി​ക്കു​ന്നത്‌, ഉള്ളതു​കൊണ്ട്‌ തൃപ്‌ത​രാ​യി​രി​ക്കാൻ നമ്മളെ സഹായി​ക്കും. ഇത്‌ എങ്ങനെ​യാണ്‌ സഹോ​ദ​ര​സ്‌നേഹം കാണി​ക്കാൻ നമ്മളെ സഹായി​ക്കു​ന്നത്‌? ഉള്ളതു​കൊണ്ട്‌ തൃപ്‌തി​പ്പെ​ടു​മ്പോൾ, പണത്തെ​ക്കാ​ളും മറ്റു വസ്‌തു​വ​ക​ക​ളെ​ക്കാ​ളും പ്രധാ​ന​മാണ്‌ സഹോ​ദ​ര​ങ്ങ​ളു​മാ​യുള്ള ബന്ധം എന്ന്‌ നമ്മൾ എപ്പോ​ഴും ഓർക്കും. (1 തിമൊ. 6:6-8) നമ്മൾ ഒരിക്ക​ലും സഹോ​ദ​ര​ങ്ങ​ളെ​ക്കു​റി​ച്ചോ നമ്മുടെ സാഹച​ര്യ​ങ്ങ​ളെ​ക്കു​റി​ച്ചോ പരാതി​പ്പെ​ടില്ല. അതു​പോ​ലെ അസൂയ​യു​ള്ള​വ​രോ അത്യാ​ഗ്ര​ഹി​ക​ളോ ആയിരി​ക്കു​ക​യു​മില്ല. പകരം, സംതൃ​പ്‌ത​രാ​ണെ​ങ്കിൽ നമ്മൾ ഉദാര​മ​തി​ക​ളാ​യി​രി​ക്കും.—1 തിമൊ. 6:17-19.

17. സഹോ​ദ​ര​സ്‌നേഹം കാണി​ക്കാൻ ധൈര്യം നമ്മളെ എങ്ങനെ സഹായി​ക്കും?

¹⁷ ‘ധൈര്യ​മു​ള്ള​വ​രാ​യി​രി​ക്കുക.’ (എബ്രായർ 13:6 വായി​ക്കുക.) യഹോ​വ​യി​ലുള്ള ആശ്രയം കഠിന​പ​രി​ശോ​ധ​നകൾ സഹിച്ചു​നിൽക്കാ​നുള്ള ധൈര്യം തരും. ഈ ധൈര്യം നിരു​ത്സാ​ഹ​പ്പെ​ട്ടു​പോ​കാ​തി​രി​ക്കാൻ നമ്മളെ സഹായി​ക്കും. അങ്ങനെ​യാ​കു​മ്പോൾ മറ്റുള്ള​വരെ ബലപ്പെ​ടു​ത്തി​ക്കൊ​ണ്ടും ആശ്വസി​പ്പി​ച്ചു​കൊ​ണ്ടും നമ്മൾ സഹോ​ദ​ര​സ്‌നേഹം കാണി​ക്കും. (1 തെസ്സ. 5:14, 15) വിടുതൽ അടുത്തി​രി​ക്കു​ന്നു​വെന്ന്‌  അറിയാ​വു​ന്ന​തു​കൊണ്ട്‌ മഹാക​ഷ്ട​ത്തി​ന്റെ സമയത്തു​പോ​ലും നമ്മൾ ധൈര്യ​മു​ള്ള​വ​രാ​യി​രി​ക്കും.—ലൂക്കോ. 21:25-28.

18. ‘നേതൃ​ത്വം​വ​ഹി​ക്കു​ന്ന​വ​രോ​ടുള്ള’ സ്‌നേഹം നമുക്ക്‌ എങ്ങനെ ശക്തി​പ്പെ​ടു​ത്താം?

¹⁸ “നേതൃ​ത്വം​വ​ഹി​ക്കു​ന്ന​വരെ ഓർത്തു​കൊ​ള്ളു​വിൻ.” (എബ്രായർ 13:7, 17 വായി​ക്കുക.) സഭയിലെ മൂപ്പന്മാർ അവരുടെ വ്യക്തി​പ​ര​മായ സമയമാണ്‌ നമുക്കു​വേണ്ടി കഠിനാ​ധ്വാ​നം ചെയ്യാൻ ഉപയോ​ഗി​ക്കു​ന്നത്‌. അവർ നമുക്കു​വേണ്ടി ചെയ്യുന്ന സേവന​ങ്ങ​ളെ​ക്കു​റി​ച്ചെ​ല്ലാം ചിന്തി​ക്കു​മ്പോൾ അവരോ​ടുള്ള സ്‌നേ​ഹ​വും വിലമ​തി​പ്പും വർധി​ക്കും. നമ്മുടെ ഏതെങ്കി​ലും പ്രവൃത്തി നിമിത്തം അവരുടെ സന്തോഷം നഷ്ടപ്പെ​ടാ​നോ അവർ അസ്വസ്ഥ​രാ​കാ​നോ നമ്മൾ ആഗ്രഹി​ക്കു​ക​യില്ല. പകരം മനസ്സോ​ടെ അനുസ​രി​ച്ചു​കൊണ്ട്‌, “അവരുടെ വേലനി​മി​ത്തം അവരെ സ്‌നേ​ഹ​ത്തോ​ടെ അത്യന്തം ആദരിക്കു”ന്നുവെന്ന്‌ നമുക്ക്‌ തെളി​യി​ക്കാം.—1 തെസ്സ. 5:13.

19, 20. കൂടുതൽ മെച്ചമായ വിധത്തിൽ തുടർന്നും സഹോ​ദ​ര​സ്‌നേഹം കാണി​ക്കാൻ നമു​ക്കെ​ങ്ങനെ കഴിയും?

¹⁹ യഹോ​വ​യു​ടെ സാക്ഷികൾ അവരുടെ സഹോ​ദ​ര​സ്‌നേ​ഹ​ത്തിന്‌ പേരു​കേ​ട്ട​വ​രാണ്‌. പൗലോ​സി​ന്റെ നാളി​ലും അത്‌ അങ്ങനെ​ത​ന്നെ​യാ​യി​രു​ന്നു. എന്നിട്ടും, സ്‌നേഹം കാണി​ക്കു​ന്ന​തിൽ ഇനിയും മെച്ച​പ്പെ​ടാൻ പൗലോസ്‌ സഹോ​ദ​ര​ങ്ങളെ പ്രബോ​ധി​പ്പി​ച്ചു. “ഇതിൽ അധിക​മ​ധി​കം അഭിവൃ​ദ്ധി പ്രാപി​ക്ക​ണ​മെന്ന്‌” അവൻ പറഞ്ഞു. (1 തെസ്സ. 4:9, 10) അതെ, സ്‌നേഹം കാണി​ക്കു​ന്ന​തിൽ നമുക്ക്‌ തുടർന്നും വിശാ​ല​രാ​കാം.

²⁰ അതു​കൊണ്ട്‌ രാജ്യ​ഹാ​ളി​ന്റെ ചുവരിൽ ഈ വർഷത്തെ വാർഷി​ക​വാ​ക്യം കാണു​മ്പോൾ നമുക്ക്‌ പിൻവ​രുന്ന ചോദ്യ​ങ്ങൾ ചോദി​ക്കാം: അതിഥി​പ്രി​യം കാണി​ക്കുന്ന കാര്യ​ത്തിൽ എനിക്ക്‌ ഇനിയും മെച്ച​പ്പെ​ടാ​നാ​കു​മോ? തടവി​ലാ​യി​രി​ക്കുന്ന സഹോ​ദ​ര​ങ്ങളെ എനിക്ക്‌ എങ്ങനെ സഹായി​ക്കാം? ദൈവം ഏർപ്പെ​ടു​ത്തി​യി​രി​ക്കുന്ന വിവാ​ഹ​ക്ര​മീ​ക​ര​ണത്തെ ഞാൻ ആദരി​ക്കു​ന്നു​ണ്ടോ? ഉള്ളതു​കൊണ്ട്‌ തൃപ്‌ത​നാ​യി​രി​ക്കാൻ എന്നെ എന്ത്‌ സഹായി​ക്കും? യഹോ​വ​യി​ലുള്ള ആശ്രയം കൂടുതൽ ശക്തി​പ്പെ​ടു​ത്താൻ എനിക്ക്‌ എങ്ങനെ കഴിയും? നേതൃ​ത്വം എടുക്കു​ന്ന​വരെ അനുസ​രി​ക്കു​ന്ന​തിൽ എനിക്ക്‌ എങ്ങനെ പുരോ​ഗ​മി​ക്കാൻ കഴിയും? ഈ ആറു മേഖല​ക​ളി​ലും പുരോ​ഗ​മി​ക്കാൻ നമ്മൾ ശ്രമി​ക്കു​ന്നെ​ങ്കിൽ, വാർഷി​ക​വാ​ക്യം രാജ്യ​ഹാ​ളി​ലെ കേവലം ഒരു ചുവ​രെ​ഴുത്ത്‌ മാത്ര​മാ​യി അവശേ​ഷി​ക്ക​യില്ല. പകരം, “നിങ്ങളു​ടെ സഹോ​ദ​ര​സ്‌നേഹം നിലനിൽക്കട്ടെ” എന്ന ഉദ്‌ബോ​ധനം പ്രാവർത്തി​ക​മാ​ക്കാൻ അത്‌ നമ്മളെ സഹായി​ക്കും.—എബ്രാ. 13:1.