ബൈബിളിന്റെ വീക്ഷണം
ദൈവത്തെക്കുറിച്ചുള്ള സത്യം
ദൈവത്തിന്‌ എങ്ങനെയുള്ള ഒരു ശരീരമാണുള്ളത്‌?
“ദൈവം ആത്മാവ്‌ ആകുന്നു.” —യോഹന്നാൻ 4:24.
ബൈബിൾ പറയുന്നത്‌ ദൈവം ഒരു ആത്മവ്യക്തിയാണെന്നു ബൈബിൾ പറയുന്നു. (2 കൊരിന്ത്യർ 3:17)
അവൻ നമ്മെക്കാൾ വളരെ ഉന്നതനാണ്‌. നമ്മുടെ ഇന്ദ്രിയങ്ങളാൽ ഗ്രഹിക്കാൻ കഴിയാത്തവനാണ്‌ അവൻ. അവൻ “നിത്യരാജാവും അക്ഷയനും അദൃശ്യനു”മാണെന്നു 1 തിമൊഥെയൊസ്‌ 1:17 പറയുന്നു. “ദൈവത്തെ ആരും ഒരിക്കലും കണ്ടിട്ടില്ല” എന്നും ബൈബിൾ പറയുന്നു.—1 യോഹന്നാൻ 4:12.
കാഴ്‌ചയ്‌ക്ക്‌ എങ്ങനെയുള്ളവനാണെന്നു സങ്കൽപ്പിക്കാൻപോലും കഴിയാത്തത്ര ഉന്നതനാണു നമ്മുടെ സ്രഷ്ടാവ്‌. യെശയ്യാവു 40:18 പറയുന്നു: “നിങ്ങൾ ദൈവത്തെ ആരോടു ഉപമിക്കും? ഏതു പ്രതിമയെ നിങ്ങൾ അവനോടു സദൃശമാക്കും?” സർവശക്തനായ ദൈവത്തോടുള്ള താരതമ്യത്തിൽ പ്രശാന്തഗംഭീരമായ ആകാശംപോലും ഏതുമില്ല.—യെശയ്യാവു 40:22, 26.
എന്നിരുന്നാലും, ദൈവത്തെ കാണാനും അവനോടു മുഖാമുഖം സംസാരിക്കാനും കഴിയുന്ന ബുദ്ധിശക്തിയുള്ള സൃഷ്ടികളുണ്ട്‌. ആരാണ്‌ അവർ? സ്വർഗത്തിൽ ജീവിക്കുന്ന ആത്മവ്യക്തികൾ. (1 രാജാക്കന്മാർ 22:21; എബ്രായർ 1:7) ദൂതന്മാരെന്നു വിളിക്കപ്പെടുന്ന ഈ അമാനുഷവ്യക്തികളെക്കുറിച്ച്‌ യേശുക്രിസ്‌തു പറഞ്ഞു: “സ്വർഗത്തിൽ അവരുടെ ദൂതന്മാർ സ്വർഗസ്ഥനായ എന്റെ പിതാവിന്റെ മുഖം എപ്പോഴും കാണുന്നു.”—മത്തായി 18:10.
ദൈവം സർവവ്യാപിയാണോ?
‘നിങ്ങൾ ഇപ്രകാരം പ്രാർഥിക്കുവിൻ: “‘സ്വർഗസ്ഥനായ ഞങ്ങളുടെ പിതാവേ.’”’—മത്തായി 6:9.
ബൈബിൾ പറയുന്നത്‌ ദൈവം സർവവ്യാപിയാണെന്നു ബൈബിൾ പഠിപ്പിക്കുന്നില്ല.
അതായത്‌, അവൻ വ്യക്തിത്വമില്ലാത്ത ശക്തിപോലെ എല്ലാ സമയത്തും എല്ലാ സ്ഥലത്തും സാന്നിധ്യവാനാണെന്നും പറയുന്നില്ല. പകരം മത്തായി 6:9; 18:10-ലെ യേശുവിന്റെ “പിതാവേ” എന്ന അഭിസംബോധന അവൻ ഒരു വ്യക്തിയാണെന്നു കാണിക്കുന്നു. കൂടാതെ അവൻ “വാസസ്ഥലമായ സ്വർഗ്ഗത്തിൽ” വസിക്കുന്നു എന്നും ബൈബിൾ പഠിപ്പിക്കുന്നു.—1 രാജാക്കന്മാർ 8:43.
“ഇതാ, ഞാൻ ലോകം വിട്ട്‌ പിതാവിന്റെ അടുക്കലേക്കു മടങ്ങിപ്പോകുന്നു” എന്നു തന്റെ ഭൗമികജിവിതത്തിന്റെ അവസാനത്തോടടുത്ത്‌ യേശു പറഞ്ഞു. (യോഹന്നാൻ 16:28) അവൻ ജഡത്തിൽ മരിക്കുകയും ആത്മാവായി പുനരുത്ഥാനം പ്രാപിച്ച്‌ “ദൈവമുമ്പാകെ സന്നിഹിതനാകാൻ സ്വർഗത്തിലേക്കുതന്നെയാണു പ്രവേശിച്ചത്‌.”—എബ്രായർ 9:24.
ദൈവത്തെക്കുറിച്ചുള്ള ഈ വസ്‌തുതകൾ പ്രാധാന്യം അർഹിക്കുന്നത്‌ എന്തുകൊണ്ട്‌? ഒന്നാമതായി, ദൈവം ഒരു വ്യക്തിയായതിനാൽ നമുക്ക്‌ അവനെക്കുറിച്ചു പഠിക്കാനും അവനോട്‌ അടുത്തുചെല്ലാനും കഴിയും. (യാക്കോബ്‌ 4:8) രണ്ടാമതായി, പ്രതിമകളും വസ്‌തുക്കളും പോലുള്ളവയെ ആരാധിക്കുന്നതിൽനിന്ന്‌—വ്യാജാരാധനയിൽനിന്ന്‌—ദൈവത്തെക്കുറിച്ചുള്ള സത്യം നമ്മെ സംരക്ഷിക്കും. “കുഞ്ഞുങ്ങളേ, വിഗ്രഹങ്ങളിൽനിന്ന്‌ അകന്നുസൂക്ഷിച്ചുകൊള്ളുവിൻ” എന്ന്‌ 1 യോഹന്നാൻ 5:21 പറയുന്നു.
എങ്ങനെയാണു ദൈവത്തിന്റെ സാദൃശ്യത്തിൽ മനുഷ്യനെ സൃഷ്ടിച്ചത്‌?
“ദൈവം തന്റെ സ്വരൂപത്തിൽ മനുഷ്യനെ സൃഷ്ടിച്ചു, ദൈവത്തിന്റെ സ്വരൂപത്തിൽ അവനെ സൃഷ്ടിച്ചു, ആണും പെണ്ണുമായി അവരെ സൃഷ്ടിച്ചു.”—ഉല്‌പത്തി 1:27.
ബൈബിൾ പറയുന്നത്‌ മനുഷ്യരെന്ന നിലയിൽ ദൈവത്തിന്റെ വ്യക്തിത്വഗുണങ്ങളായ സനേഹം, നീതി, ജ്ഞാനം എന്നിവ പ്രതിഫലിപ്പിക്കാനുള്ള കഴിവു നമുക്കുണ്ട്‌.
ബൈബിൾ പറയുന്നു: “പ്രിയമക്കളായി ദൈവത്തെ അനുകരിക്കുവിൻ. . . . നിങ്ങളും സ്‌നേഹത്തിൽ ജീവിക്കുവിൻ.”—എഫെസ്യർ 5:1, 2.
സ്വതന്ത്രയിച്ഛാശക്തിയെന്ന ദിവ്യദാനവും നമുക്കു നൽകിയിരിക്കുന്നു. ഈ കഴിവുള്ളതിനാൽ ശരിയേത്‌ തെറ്റേത്‌ എന്നു തിരിച്ചറിയാനും ശരിയായതു തിരഞ്ഞെടുക്കാനും വ്യത്യസ്‌തവിധങ്ങളിൽ മറ്റുള്ളവരോടു സ്‌നേഹം പ്രകടമാക്കാനും നമുക്കു സാധിക്കുന്നു. (1 കൊരിന്ത്യർ 13:4-7) ചുറ്റുമുള്ള ലോകം കണ്ട്‌ അത്ഭുതംകൂറാനും അവയിലെ സൗന്ദര്യം ആസ്വദിക്കാനും പുതിയപുതിയ കാര്യങ്ങൾ കണ്ടുപിടിക്കാനും ആവിഷ്‌കരിക്കാനും ഉള്ള കഴിവു നമുക്കുണ്ട്‌. സർവോപരി, നമ്മുടെ ആത്മീയാവശ്യത്തെക്കുറിച്ചു നാം ബോധവാന്മാരാണ്‌. സ്രഷ്ടാവിനെയും അവന്റെ ഇഷ്ടത്തെയും കുറിച്ചു പഠിക്കുന്നതിനുള്ള ആഗ്രഹം ജന്മനാ നമുക്കു ലഭിച്ചിരിക്കുന്നു.—മത്തായി 5:3.
ബൈബിൾസത്യത്തിനു നിങ്ങളെ എങ്ങനെ സഹായിക്കാൻ കഴിയും? ദൈവത്തെക്കുറിച്ച്‌ നാം എത്രയധികം പഠിക്കുകയും അവനെ അനുകരിക്കുകയും ചെയ്യുന്നുവോ അത്രയധികം അവൻ ആഗ്രഹിക്കുന്ന വിധത്തിൽ നമുക്കു ജീവിക്കാൻ കഴിയും. അതിന്റെ ഫലമായി നമുക്കു വളരെ സന്തുഷ്ടിയും അതോടൊപ്പം യഥാർഥസംതൃപ്‌തിയും ആന്തരികസമാധാനവും ലഭിക്കും. (യെശയ്യാവു 48:17, 18) അതെ, മനുഷ്യഹൃദയത്തിൽ ദൈവത്തിന്റെ വിശിഷ്ടഗുണങ്ങളുള്ളതുകൊണ്ട്‌ ആത്മാർഥഹൃദയരായ ആളുകൾ അവനിലേക്ക്‌ ആകർഷിക്കപ്പെടുകയും അത്‌ അവരെ നിത്യജീവന്റെ പാതയിലേക്കു നയിക്കുകയും ചെയ്യുമെന്നു ദൈവം അറിയുന്നു.—യോഹന്നാൻ 6:44; 17:3.
ഇതും ഇഷ്ടപ്പെട്ടേക്കാം
ബൈബിൾചോദ്യങ്ങൾക്കുള്ള ഉത്തരങ്ങൾ
ദൈവം രൂപമില്ലാത്ത ഒരു ശക്തി മാത്രമാണോ?
എല്ലാം സൃഷ്ടിച്ചത്‌ ദൈവമാണെന്ന് ബൈബിൾ പറയുന്നു. എന്നാൽ ദൈവം നമ്മളെക്കുറിച്ച് കരുതലുള്ളവനാണോ?
ബൈബിൾചോദ്യങ്ങൾക്കുള്ള ഉത്തരങ്ങൾ
തൂണിലും തുരുമ്പിലും ദൈവമുണ്ടോ?
ദൈവം സർവവ്യാപിയാണെന്ന് ബൈബിൾ പഠിപ്പിക്കുന്നുണ്ടോ? ദൈവത്തിന്‌ ഒരു പ്രത്യേക വാസസ്ഥലമുണ്ടെന്നും നിങ്ങളെ വ്യക്തിപരമായി ദൈവത്തിന്‌ അറിയാമെന്നും നിങ്ങൾക്ക്‌ ഉറപ്പുണ്ടായിരിക്കാവുന്നത് എന്തുകൊണ്ടാണ്?
ബൈബിൾചോദ്യങ്ങൾക്കുള്ള ഉത്തരങ്ങൾ
ദൈവത്തെ ആരെങ്കിലും എപ്പോഴെങ്കിലും കണ്ടിട്ടുണ്ടോ?
ബൈബിളിൽ ഒരിടത്ത്‌ “ആരും ഒരിക്കലും ദൈവത്തെ കണ്ടിട്ടില്ല” എന്നും മറ്റൊരിടത്ത് മോശ “ഇസ്രായേലിന്റെ ദൈവത്തെ കണ്ടു” എന്നും പറഞ്ഞിരിക്കുന്നത് ഒരു വൈരുദ്ധ്യമാണോ?
