“Mapuroibasingna makhoi makhoigi masabu nungsibagumna, makhoi makhoigi nupisingbu nungsigadabani. Masamakki nupibu nungsiba mee aduna mahak masamakpu nungsijabani. Maramdi mee kana amatana keidoungeidasu masamakki hakchangbu yengthide . . . mahakki hakchangbu yokkhatchei amasung yengsinjei.”—EPHISA 5:28, 29.

Mapuroibana imung amagi makokni. (Ephisa 5:23) Adubu masi hai haiduna, mahakki nupibu tathina touba nattraga magi nupina mahakna tou hairimakhei tougadabani haibagi wakhallondi leiroidabani. Mahakna mahakki nupibu luna toubigadabani. Mahakki darkar oibasing khangbiba khakta nattana mahakki thamoida phaoribasingsu khangbigadabani. Mahakna masa mathantagi khalloidabani, mahakki nupibusu haraohannaba hotnagadabani. (Philippiya 2:4) Aphaba mapuroiba amana mahakki nupida wa lotte aduga mahakki nupina haibasingsu pukning changna tabi. Mahakna mahakki nupida “akhaba pukning” thamba nattraga mei houna saoba toude. Mahakki nupibu phubi cheibiba nattraga thamoi sokhanba haibanachingbasu toude.—Colosiya 3:19.

“Nupina mahakki mapuroibabu ikai khumnagadabani.”—EPHISA 5:33.

Nupi amana mahakki mapuroibabu ikaikhumnagadabani amasung mapuroibana louba warepsingda sougatkadabani. Adumna tourabadi imung manung ing tapna panba haibadu oigani. Mapuroibana asoiba ama tourakpa matamda madu panduna hanjin hanjin ngangloidabani. Adugumba matangdasu mahakna pukning tapthana leigadabani. (1 Peter 3:4) Karigumba nungaitaba wapham amagi matangda haininglabasu tanja chaba matang yengduna amasung ikaikhumnabaga loinana mapuroibagi maphamda phongdokkadabani.—Pao Sandokpa 3:7.

“Nipana mahakki . . . nupida napsingani, aduga makhoi ani hakchang amata oigani.”—MEIHOURON 2:24.

Nupa amaga nupi amaga luhonglaba matungdadi makhoi anigi oiba yumban punsigi achetpa mari ama semlabani. Maram asina, yum pallaba matei manao animakna makhoigi yumban punsigi maridu chetna thamnaba kanna hotnagadabani. Madugidamak makhoina phajana wari watai sannaba amasung apik apikpa hiramsingdasu thoujal utnaba darkar oi. Matei manaogi marakta khak nattana atoppaga yumbanbagi mari thamloidabani. Maramdi masi yamna thamoi kainingai oiba thouwongni. Asigumba thabaksina imung kaihalli aduga matei manaogi marakta leinaramba thajabadu manghalli. Maram asina, matei manao oibasingna amana amagi maphamda thajaba yaba meesak oigadabani.—Hibru 13:4.

“Angang amabu mahakna chatkadaba lambi tambiyu, mahakna ahan oirabada madudagi leithokloi.”—PAOROU 22:6.

Ishworna mama mapa oibasingda makhoigi machasingbu takpi tambinabagi thoudang sinnei. Aduna makhoina angangsingda karigumba ama tou  nattraga touganu haina takpa khakta nattana makhoi masanasu thabak oina touduna utlaga takpigadabani. (Anisuba Wayen 6:6, 7) Angangsingna asoiba ama tourakpa matamda hanna hekta saogatloidabani. Madugi mahutta hei singba mama mapasingna “tabada thuba, ngangbada tappa amasung saobada tappa” oigadabani. (Jacob 1:19) Karigumba angang amagi asoiba ama chumthokpa darkar oirakpa matamdasu nungsina amasung asaoba uttana phajana haibigadabani.

“Angangsa, . . . nakhoigi nama napana haiba illu . . . nama napabu ikai khumnou.”—EPHISA 6:1, 2.

Angangsingna mama mapabu yamna ikaikhumnagadabani amasung makhoina haiba injagadabani. Adu oiba taragadi imung manung yamna ing tapna amasung nungaina leigani. Aduga imunggi meeoi khudingmaksu haraogani. Angangsingna chaoraklaba matamdasu makhoigi mama mapabu ikaikhumnagadabani amasung makhoibu yengsinbigadabani. Haibadi yumgi thabak macha masusing, sel thumgi darkar oibasingda mateng panggadabani amasung makhoigi leipham chaphamsing yengsinbigadabani.—1 Timothy 5:3, 4.