যেহোবাবু হরাওহন্বা পাম্লবদি ঐখোয়না অতোপ্পা মরু ওইবা মীশক অমনা হায়বসু তাজগদৌবনি। আদম শেমদ্রিঙৈ শাংলবা মতমগী মমাংদা যেহোবানা স্বর্গদা য়াম্না অকন্বা আত্মাগী মীশক অমখক শেম্লম্মী।

মতম খরা লৈরগা মেরি কৌবি নুপা শমনদ্রিবি অমদা হায়রিবসিবু বেৎলেহেমদা পোক্ননবা থাবিরকখি। অঙাং অদুগী মমিং যীশু থোনখি।—যোহান ৬:৩৮.

পৃথিবীদা লৈরম্বা নুপা অমা ওইনা যীশুনা মপুংফানা ঈশ্বরগী গুনশিং উৎথোক্লম্মী। মহাক থৌজাল হৈবা, নুংশি হৈবা অমসুং চংজবা য়াবা ওইরম্মী। অকিবা লৈতনা মহাক্না অতোপ্পশিংবু যেহোবাগী মরমদা অচুম্বশিংদু তম্বীরম্মী।

যীশুনা অনাবশিংবুসু ফহল্লম্মী অমসুং শিরুরবা খরসু অমুক হন্না হিঙ্গৎহন্বিরম্মী।

মখোয়গী ফত্তবা থবকশিং অমদি চুমদবা তম্বীবশিং অদু উৎথোক্লুবগীদমক ধর্ম্মগী লুচিংবশিংদুনা যীশুবু তাথিরম্মী।

যীশুবু ফু চৈননবা অমসুং হাৎননবা ধর্ম্মগী লুচিংবশিংনা রোমগী মীশিংদা ইন্শিল্লম্মী।