বাইবলগী ইরোয় লোইবা লাইরিক অদু ফোংদোকপীবা কৌই। লাইরিক অসিনা মীওইবা জাতিদা আশা পী। লাইরিক অসিদা যোহানগী পুক্নিংগী মীৎনা উবা থৌদোক কয়াগী মরমদা মহাক্না ইরম্মী। যেহোবাগী পান্দম মপুং ফারকপগী থৌদোকশিং অদুগী অরোইবা তাঙ্ককশু লাইরিক অসিদা য়াওই।

অহান্বা পুক্নিংগী মীৎনা উবা থৌদোকশিং অদুদা হিঙ্গৎহন্বিখ্রবা যীশুনা শীংলুপ ময়াম অমবু থাগৎপিরম্মী লোইননা চুমথোকপিরম্মী। মথংগী পুক্নিংগী মীৎনা উবা থৌদোক অদুদা আত্মাগী জীব ময়াম অমনা স্বর্গদা লৈবা ঈশ্বরগী সিংহাসনগী মমাংদা ঈশ্বরবু থাগৎত্তুনা লৈরম্বা থেংনৈ।

ঈশ্বরগী পান্দম্না খুমাং চাওশিল্লকপগা লোইননা য়াউ মচা যীশু খৃষ্টনা চাজুম তরেৎ নম্লবা চেগোন অমা ফংলম্মী। অহান্বা চাজুম মরি অদু হাংলুবা মতমদা খুদমগী ওইবা শগোল থৌবশিং তাইবংপানগী দৃশ্যদা থোক্লকখি। অহান্বগীদু অঙৌবা শগোল ওইরম্মী অদুগা মদুগী মথক্তা যীশুনা লুহুপ উপ্তুনা নিংথৌ ওইনা তোংলম্মী। মসিগী মতুংদা তোংঙান তোংঙান্বা মচুগী শগোল থৌবা কয়াশু লাক্লম্মী। মাংজৌননা তাকথোক্লম্বা ৱারোলশিংগী মতুং ইন্না মখোয়শিং অসি লান, চাকতাংবা, অমসুং তোঙান তোঙান্বা মখলগী লায়নাবু তাকই। পুম্নমক অসি হৌজিক চৎনরিবা নিয়ম-নিতিশিং অসিগী অরোইবা নুমিত্তা থোক্লরগনি। তরেৎশুবা চাজুম অদু হাংলুবা মতমদা খুদমগী ওইবা পেরেশিঙ্গা তরেৎ খোংলক্লম্মী। মসিনা ঈশ্বরগী লাক্কদৌরিবা ৱায়েল বিচারবু খংহল্লম্মী। মসিগী তুংদা খুদমগী ওইবা লায়না তরেৎ লাক্লম্মী। মখোয়শিং অসি ঈশ্বরগী অশাওবা ফোংদোকপদুনি।

ন্না পোকপদা ঙাইরিবা অঙাং নুপামচা অমগুম্না উহল্লম্বা ঈশ্বরগী নিংথৌ লৈবাক্তু স্বর্গদা লীংখৎলি। তুংদা লান থোক্লকই অদুদগী সৈতান অমসুং মহাক্কা লোইনবা ফত্তবা স্বর্গ দুতশিংদু পৃথিবী তম্না লংথরকই। অহৌবা খোঞ্জেল অমনা লাওরক্লম্মী: ‘মালেম . . . লৈবা নখোয় অৱাবনিদা!’ দিয়াবোল অদু মহাক্কী মতমদু য়াম্না তেল্লে খংবদগী শাওরম্মী।—ফোংদোকপিবা ১২:১২.

যোহান্না যীশুবু য়াউ মচা অমগুম্না স্বর্গদা উরম্মী অমসুং মহাক্কা লোইননা মীওইবা জাতিদগী খনগৎপিখ্রবা ১,৪৪,০০০ অদু উরম্মী। মখোয়শিংদু যীশুগা ‘লোইননা নিংথৌ ওইনা পানমিন্নগনি।’ মতৌ অসুম্না ফোংদোকপীবা লাইরিক্না খংহল্লি মদুদি ধারা অদুগী অনিশুবা শরুক অদুগী মশিং ১,৪৪,০০০ ওইগনি।—ফোংদোকপিবা ১৪:১, ২০:৬.

তাইবংপান্বগী শাসন মপু খুদিংমক আর্মাগেদ্দোন হায়দুনা কোবা “ইঙম ঙম্বা ঈশ্বরগী অচৌবা নুমিৎকী লান্দা” খোমজিনগনি। মখোয়না শগোল অঙৌবা মথক্তা তোংলিবা যীশুগা লান তৌনগনি। মহাক্না স্বর্গগী লান্মীশিং অদু লুচিংগনি। শাসন মপু লোইনা মাংহনখ্রগনি। সৈতান পুনশিল্লগনি। যীশুগা ১,৪৪,০০০গা লোইননা পৃথিবীগী মথক্তা “চহি লিশিং অমা” শাসন তৌগনি। চহি লিশিং অমদু লোইশিল্লকপদা সৈতান মাংহল্লগনি।—ফোংদোকপিবা ১৬:১৪; ২০:৪.

হায়বা ইঞ্জবা মীওইবশিংগীদমক্তদি যীশু অমদি মহাক্কা লোইনবশিংগী চহি লিশিং অমগী শাসন মখাদা করি ওইররনি? যোহান্না ইরম্মী: “ঈশ্বরনা মখোয়গী মিওগী পিরাং খুদিং তৈথোকপিগনি, অমুক হন্না শিবা, ৱাবা, তেংথাবা, কপ্পা অমসুং নাবা লৈররোই। মরমদি অরিবা পোৎ পূম্নমক লোইখ্রে।” (ফোংদোকপিবা ২১:৪) পৃথিবী পারাদাইস অমা ওইরকই!

মতৌ অশুম তৌদুনা ফোংদোকপিবা লাইরিক্না বাইবলদা য়াওরিবা পাউজেল পুম্নমক্কী অরোইবা অদু পুরকখি। মশীহগী নিংথৌ লৈবাক্কী মপালদগী যেহোবাগী মীংবু শেংহনগনি অমসুং মহাক্কী পুঙম ঙমজবা অদু মতম চুপ্পগী ওইনা ময়েক শেংনা খংহনগনি।

​—ফোংদোকপিবা লাইরিক্তা য়ুম্ফম ওইবা।