Wa tiʼ kʼati tiʼ kiʼkunte u yool a Jehovah, tzaj tiʼ wuyik juntuul mak a kʼabʼeet. Uchi, antes u bʼetik a Adʼan, a Jehovah u bʼetaj a espiritu a yaabʼ u mukʼ tiʼ kaʼan.

Tiʼ mas bʼini a tiempojo a Jehovah u täkaaʼta ti kaʼ yanak ich Bʼethlehem tiʼi ixchuʼ u kʼabʼaʼ ix Maria. Jesus u kʼabʼaʼ a tzʼubʼ ti tzʼabʼi.​—Juan 6:38.

Leʼek tiʼ winikaji a Jesus yokʼolkabʼa, u yeʼa u kichʼpan modʼojil a yan tiʼi a Dʼioso. Alaʼa u yeʼa u kiʼil naʼat, yakunaj y kʼuʼun u chiitbʼil. Maʼ yan u saakil kaʼ u kaʼanse a yanal tiʼ u jajil u pektzil a Jehovah.

Jesus u chʼanesaj a kʼojaʼan y u likʼsa ti kuxtal tuyaam mak a kimooʼ.

Aj chʼaʼbʼejooʼ tiʼi u laakʼ a religion motzooʼ tiʼi a Jesus u men u yeʼa tiʼ maʼ toj a tanooʼ u kaʼansik etel u kʼasil a tanooʼ u bʼetiki.

Aj chʼaʼbʼejooʼ tiʼi u laakʼ a religion u chokʼtʼantajooʼ a Romanojooʼ tiʼ kaʼ u jätzʼä a Jesus y kaʼ u kimes.