SOKR A 5
Koe-bʋg la Biiblã taasd tõndo?
“Mam na n ninga beem foo ne pagã sʋka, la fo yagengã ne yẽ yagengã sʋka. A yagengã na n bedsa fo zugu, la fo na n pogla yẽ nao-kãsenkãare.”
“Fo yagensã maasem yĩnga, dũniyã buud fãa neb na n paama barka, bala fo kelga mam koɛɛgã.”
“Bɩ yãmb Rĩungã wa. Bɩ y raabã maan tẽngã zugu, wa sẽn maand saasẽ wã.”
“La ka la bilfu, Wẽnnaam sẽn kõt laafɩ wã na n bedsa a Sʋɩtãan yãmb naoã tẽngre.”
“B sã n wa kɩt t’a soog bũmb fãa, Biigã na n saka sẽn kɩt-a t’a soog bũmb fãa wã, sẽn na yɩl tɩ Wẽnnaam lebg bũmb fãa nebã fãa yĩnga.”
“La pʋlemsã yɩɩ a Abrahaam ne a yagengã la b pʋlm-yã . . . , rat n yeel tɩ Kiristã. Sẽn paase, yãmb sã n yaa Kirist rẽnda, yãmb sɩd yaa a Abrahaam yagense.”
“Dũniyã rĩungã lebga tõnd Zu-soabã ne a Kiristã Rĩungu, la a na n yɩɩ rĩm n dɩ naam wakat sẽn kõn sa yĩnga.”
“Rẽ n so tɩ b lob wag-bedrã tẽngã zugu. Yẽ n yaa wag-kʋdrã b sẽn boond tɩ Munaafɩɩk la Sʋɩtãanã, soab ning sẽn kẽesd dũniyã fãa moogã. B lob-a-la tẽngã zugu, la b naaga a malɛgsã me n lobe.”
“A yõka wag-bedrã sẽn yaa wag-kʋdrã, soab ning sẽn yaa Munaafɩɩk la Sʋɩtãanã, n sẽb-a yʋʋm tusr yĩnga.”
