आज लोक सहसा इतरांचा आदर करत नाहीत. त्यामुळे एखादी व्यक्‍ती जेव्हा दुसऱ्‍याला आदर दाखवते, तेव्हा लोकांना आश्‍चर्य वाटतं.

उदाहरणार्थ, आज बरेच लोक एकमेकांचा, त्यांच्या आईवडिलांचा आणि वृद्धांचा आदर करत नाहीत. तसंच, ते पोलिसांचा, कामावरच्या अधिकाऱ्‍यांचा आणि शिक्षकांचाही आदर करत नाहीत. सोशल मिडियावरही लोक इतरांबद्दल वाईट-साईट लिहितात किंवा कमेंट करतात. एका मासिकात सांगितलंय, की “आज लोकांच्या मनात इतरांबद्दल अनादर वाढत चाललाय.” त्यात असंही म्हटलंय, की “काही काळापासून लोक या वाढत्या अनादराबद्दल बोलू लागलेत.”