अनुवाद ३२:१-५२
३२ “अहो आकाशांनो, मी बोलीन ते कान लावून ऐका.
आणि पृथ्वी माझ्या तोंडून निघणारे शब्द ऐको.
२ माझ्या सूचना पावसासारख्या पडतील;माझे शब्द गवतावर पडणाऱ्या रिमझिम पावसासारखे,हिरवळीवर कोसळणाऱ्या सरींसारखे,आणि झिरपणाऱ्या दवासारखे असतील.
३ कारण मी यहोवाचं नाव घोषित करीन.+
लोकांनो, तुम्ही आपल्या देवाच्या महानतेबद्दल सांगा!+
४ तो खडक आहे; त्याची कार्यं परिपूर्ण+आणि त्याचे सर्व मार्ग न्यायाचे आहेत.+
तो विश्वासू देव आहे,+ तो कधीच अन्याय करत नाही,+तो नीतिमान आणि प्रामाणिक आहे.+
५ हे लोकच दुष्टपणे वागले आहेत.+
ती त्याची मुलं नाहीत, दोष त्यांच्यातच आहे.+
ही दुष्ट आणि कपटी पिढी आहे!+
६ अरे मूर्ख आणि अविचारी लोकांनो,+तुम्ही यहोवाशी असं वागावं का?+
तोच तुम्हाला जीवन देणारा, तुमचा पिता नाही का?+
त्यानेच तुम्हाला घडवून, स्थिर केलं नाही का?
७ जरा जुने दिवस आठवा;मागच्या पिढ्यांबद्दल विचार करा.
आपल्या पित्याला विचारा, म्हणजे तो तुम्हाला सांगेल;+आपल्या वडीलधाऱ्यांना विचारा, म्हणजे ते तुम्हाला सांगतील.
८ सर्वोच्च देवाने जेव्हा राष्ट्रांना त्यांचा वारसा दिला,+जेव्हा त्याने आदामच्या मुलांना* एकमेकांपासून वेगळं केलं,+तेव्हा त्याने इस्राएलच्या मुलांच्या संख्येप्रमाणे+राष्ट्रांच्या सीमा ठरवल्या.+
९ कारण यहोवाचे लोक त्याचा वाटा आहेत;+याकोब त्याचा वारसा आहे.+
१० तो त्याला एका ओसाड रानात,+एका निर्जन वाळवंटात सापडला; तिथे जंगली प्राण्यांचे आवाज ऐकू यायचे.+
त्याचं संरक्षण करण्यासाठी त्याने त्याला घेरा घातला, त्याचा सांभाळ केला,+त्याने आपल्या डोळ्यातल्या बाहुलीसारखं* त्याला जपलं.+
११ गरुड जसा आपलं घरटं हलवतो,आपल्या पिल्लांवर तरंगत राहतो,आणि आपले पंख पसरूनत्यांना त्यांवर उचलून घेतो,+
१२ तसाच यहोवा स्वतः याकोबला मार्ग दाखवत राहिला;+त्याच्यासोबत कोणी परका देव नव्हता.+
१३ देवाने त्याला पृथ्वीच्या उच्च स्थानांवर स्वारी करू दिली.+
त्याने शेतांचा उपज खाल्ला.+
देवाने खडकातल्या मधाने त्याचं पोषण केलं.
गारगोटी खडकांतलं तेल,
१४ गायींचं लोणी आणि मेंढ्यांचं दूध,तसंच धष्टपुष्ट मेंढेआणि बाशानचे एडके व बकरे,यांसोबत सगळ्यात उत्तम गहू त्याने खाल्ला;+आणि तो रसाळ द्राक्षांची मदिरा* प्यायला.
१५ पण यशुरून* लठ्ठ झाला, तेव्हा धीटपणे लाथा मारू लागला.
(तू धष्टपुष्ट झाला आहेस, फुगला आहेस.)+
म्हणून त्याने आपल्या निर्माणकर्त्या देवाला सोडून दिलं,+आणि आपल्या तारणाच्या खडकाला तुच्छ लेखलं.
१६ परक्या देवांना नमन करून त्यांनी त्याला भडकवलं;+घृणास्पद गोष्टींनी ते त्याला चीड आणत राहिले.+
१७ ते देवाला नाही, तर दुष्ट स्वर्गदूतांना बलिदानं देत होते,+त्यांना ज्यांची ओळख नव्हती अशा देवांना,अलीकडेच आलेल्या नवीन देवांना,तुमच्या वाडवडिलांनाही माहीत नसलेल्या देवांना ते बलिदानं देत होते.
१८ तुला जन्म देणाऱ्या खडकाला तू विसरलास,+आणि तुला जीवन देणाऱ्या देवाची तू आठवण ठेवली नाहीस.+
१९ यहोवाने हे पाहिलं, तेव्हा त्याने त्यांच्याकडे पाठ फिरवली+कारण त्याच्या मुलांनी व मुलींनी त्याला चीड आणली होती.
२० तो म्हणाला, ‘त्यांच्यापासून मी माझं तोंड फिरवीन;+त्यांचं काय होतं ते मी पाहीन.
कारण ही एक विकृत* पिढी आहे,+अजिबात विश्वासू नसलेली ही मुलं आहेत.+
२१ जो मुळात देवच नाही, त्याला नमन करून त्यांनी मला भडकवलं;*+निरुपयोगी देवांची उपासना करून त्यांनी मला चीड आणली;+आता मीही अशा राष्ट्राकडून त्यांना ईर्ष्येला पेटवीन, जे मुळात राष्ट्रच नाही;+एका मूर्ख राष्ट्राद्वारे मी त्यांना चीड आणीन.+
२२ कारण माझ्या रागाने एक अग्नी पेटला आहे;+तो कबरेच्या* तळापर्यंत जळत जाईल,+तो पृथ्वी आणि तिचं उत्पन्न भस्म करेलआणि पर्वतांचे पायथे जाळून टाकेल.
२३ मी त्यांची संकटं वाढवीन;माझे सगळे बाण त्यांच्यावर चालवीन.
२४ ते भुकेने कासावीस होतील+आणि तीव्र तापाने ग्रस्त होतील. त्यांच्यावर भयंकर नाश ओढवेल.+
मी त्यांच्यामध्ये फाडून खाणारे हिंस्र पशू,+आणि जमिनीवर सरपटणारे विषारी प्राणी पाठवीन.
२५ बाहेर, तलवार त्यांच्या मुलांचा घात करेल+आणि घरात त्यांच्या मनात दहशत बसेल.+
तरुण मुलं आणि मुली* काय,तान्हं बाळ आणि पिकल्या केसांचा माणूस काय, सर्वांची अशीच दशा होईल.+
२६ मी असं म्हणालो असतो: “मी यांची पांगापांग करतो;लोकांना यांची आठवणही राहणार नाही असं करतो,”
२७ पण शत्रू काय म्हणतील याची मला भीती होती,+कारण विरोधकांनी याचा चुकीचा अर्थ काढला असता.+
ते म्हणाले असते: “हे सगळं यहोवाने केलं नाही,तर आम्ही आमच्याच बळाने विजयी झालो.”+
२८ कारण या राष्ट्राच्या लोकांना अजिबात बुद्धी नाही,*त्यांच्यात जराही शहाणपण नाही.+
२९ ते समंजस* असते तर किती बरं झालं असतं!+ त्यांनी यावर मनन केलं असतं.+
आपलं काय होईल याचा त्यांनी विचार केला असता.+
३० फक्त एक माणूस हजारांचा पाठलाग कसा करू शकतो?
आणि फक्त दोघं, दहा हजारांना कसे पळवून लावू शकतात?+
त्यांच्या खडकाने त्यांना विकल्याशिवाय,+आणि यहोवाने त्यांना शत्रूंच्या हाती दिल्याशिवाय हे शक्य नाही.
३१ कारण त्यांचा खडक आपल्या खडकासारखा नाही,+आपल्या शत्रूंनाही हे कळून चुकलंय.+
३२ त्यांचा द्राक्षवेल सदोमच्या द्राक्षवेलापासूनआणि गमोराच्या द्राक्षमळ्यांतून निघालाय.+
त्यांची द्राक्षं विषारी आहेत,त्यांचे द्राक्षांचे घड कडू आहेत.+
३३ त्यांचा द्राक्षारस सापांच्या विषासारखा,नागांच्या जीवघेण्या विषासारखा आहे.
३४ त्यांची सगळी कृत्यं माझ्याजवळ साठवलेली आहेत,ती माझ्या कोठारात बंद आहेत.+
३५ सूड घेणं माझं काम आहे, मी परतफेड करीन,+ठरलेल्या वेळी त्यांचा पाय घसरेल,+त्यांच्या संकटांचा दिवस जवळ आहे,आणि त्यांच्यावर ओढवणारे प्रसंग वेगाने येत आहेत.’
३६ कारण यहोवा आपल्या लोकांचा न्याय करेल,+आपल्या सेवकांमध्ये जराही शक्ती राहिली नाही हे पाहून;
त्यांच्यात फक्त लाचार आणि कमजोर उरले आहेत हे पाहून,त्याला आपल्या सेवकांचा कळवळा येईल.*+
३७ तेव्हा तो म्हणेल, ‘त्यांचे देव कुठे आहेत?+
त्यांनी ज्याचा आश्रय घेतला होता, तो त्यांचा खडक कुठे आहे?
३८ त्यांच्या बलिदानांची चरबी खाणारे,*त्यांच्या पेयार्पणाचा द्राक्षारस पिणारे कुठे आहेत?+
आता त्यांनीच उठून तुम्हाला मदत करावीआणि त्यांनीच तुम्हाला आश्रय द्यावा.
३९ तेव्हा आता तरी ओळखा की मी, मीच देव आहे,+आणि माझ्याशिवाय इतर कोणतेही देव नाहीत.+
मारणारा मीच आणि जिवंत करणाराही मीच आहे.+
मीच घायाळ करतो+ आणि मीच बरं करतो,+माझ्या हातून सोडवू शकेल असा कोण आहे?+
४० मी माझा हात आकाशाकडे उचलून म्हणतो,“माझ्या सर्वकाळाच्या जीवनाची शपथ,”+
४१ जेव्हा मी माझ्या चकाकणाऱ्या तलवारीला धार लावीनआणि न्याय करण्यासाठी माझा हात उचलीन,+तेव्हा मी माझ्या शत्रूंचा सूड घेऊन त्यांची परतफेड करीन,+आणि माझा द्वेष करणाऱ्यांना शिक्षा देईन.
४२ माझे बाण रक्त पिऊन धुंद होतील,ते घात झालेल्यांचं आणि बंदिवानांचं रक्त पितील;मी शत्रूंच्या पुढाऱ्यांची डोकी कापून टाकीन,माझी तलवार त्यांचं मांस खाईल.’
४३ राष्ट्रांनो, त्याच्या लोकांसोबत आनंदी व्हा,+कारण तो आपल्या सेवकांच्या रक्ताचा सूड घेईल,+तो आपल्या शत्रूंचा सूड घेऊन त्यांची परतफेड करेल+आणि आपल्या लोकांच्या देशासाठी प्रायश्चित्त करेल.”*
४४ अशा रितीने मोशेने, नूनचा मुलगा होशा*+ याच्यासोबत मिळून, या गीताचे सर्व शब्द इस्राएली लोकांना ऐकवले.+
४५ सर्व लोकांना हे गीत ऐकवल्यावर,
४६ मोशे त्यांना म्हणाला: “आज मी तुम्हाला जो इशारा दिला आहे, त्याप्रमाणे या सर्व गोष्टींकडे मन लावा,+ म्हणजे तुम्ही आपल्या मुलाबाळांना या नियमशास्त्रातल्या सर्व आज्ञा काळजीपूर्वक पाळायला शिकवू शकाल.+
४७ कारण हे फक्त पोकळ शब्द नाहीत, तर हे तुमचं जीवन आहे,+ आणि या गोष्टी पाळल्या तर तुम्ही यार्देन पार करून ज्या देशात जात आहात, तिथे तुम्हाला मोठं आयुष्य लाभेल.”
४८ त्याच दिवशी यहोवा मोशेला म्हणाला:
४९ “यरीहोसमोर मवाब देशातल्या, अबारीम डोंगरांतल्या+ नबो पर्वतावर+ जा आणि मी इस्राएली लोकांना जो कनान देश वारसा म्हणून देत आहे, तो देश पाहा.+
५० मग, जसा तुझा भाऊ अहरोन याचा होर पर्वतावर मृत्यू झाला+ आणि तो आपल्या पूर्वजांना जाऊन मिळाला,* तसाच या पर्वतावर गेल्यावर तुझाही मृत्यू होईल आणि तूही आपल्या पूर्वजांना जाऊन मिळशील,
५१ कारण झिनच्या ओसाड रानात, कादेशमध्ये मरीबा इथे वाहणाऱ्या पाण्याजवळ,+ तुम्ही दोघंही इस्राएली लोकांसमोर माझ्याशी अविश्वासूपणे वागलात आणि तुम्ही इस्राएली लोकांसमोर मला पवित्र ठरवलं नाही.+
५२ म्हणून, मी इस्राएली लोकांना देत असलेल्या देशात तू जाऊ शकणार नाहीस. तो देश तू दुरूनच पाहशील.”+
तळटीपा
^ किंवा कदाचित, “मानवजातीला.”
^ किंवा “बुबुळासारखं.”
^ किंवा “द्राक्षारस;” शब्दशः “रक्त.”
^ म्हणजे, “सरळ माणूस,” इस्राएलसाठी वापरलेली एक आदराची पदवी.
^ किंवा “दुष्ट.”
^ किंवा “ईर्ष्येला पेटवलं.”
^ हिब्रू भाषेत “शिओल.” शब्दार्थसूची पाहा.
^ किंवा “कुमारी.”
^ किंवा कदाचित, “सल्ल्याकडे दुर्लक्ष करतं.”
^ किंवा “बुद्धिमान.”
^ किंवा “सेवकांबद्दल पस्तावा होईल.”
^ किंवा “त्यांची सगळ्यात उत्तम बलिदानं खाणारे.”
^ किंवा “शुद्ध करेल.”
^ यहोशवाचं मूळ नाव. होशा हे होशाया या नावाचं संक्षिप्त रूप असून त्याचा अर्थ, “याहने वाचवलेला; याहने वाचवलं” असा होतो.
^ काव्यात मरणाला सूचित करणारा वाक्यांश.