Salm 101:1-8
Għanja taʼ David.
101 Jien se nkanta dwar l-imħabba, il-lealtà,* u l-ġustizzja.
Jien se nfaħħrek bil-kant,* Ġeħova.
2 Jien se naġixxi b’għaqal u b’lealtà.*
Meta se tgħinni?
Anki fid-dar tiegħi se nagħmel dak li hu tajjeb.
3 Jien mhux se nħares lejn dak li hu ħażin.*
Jien nobgħod l-affarijiet li jagħmlu dawk li jitilqu mit-triq it-tajba;Mhu se jkolli xejn x’naqsam magħhom.
4 Jien nitbiegħed minn dawk li għandhom qalb qarrieqa;Mhux se nagħmel xi ħaġa ħażina.*
5 Jien se nsikket* lil kull min jaqlaʼ qlajjaʼ fuq ħaddieħor bil-moħbi.
Jien ma nifilħux lil min hu kburi u arroganti.
6 Jien napprezza lil dawk li huma leali.
Huma se jgħixu miegħi.
Dawk li huma bla ħtija* se jaqduni.
7 Ebda persuna diżonesta mhu se tgħix fid-dar tiegħi,U ebda giddieb mhu se jibqaʼ quddiemi.
8 Kull filgħodu, jien se nsikket* lill-ħżiena kollha tal-art,Jien se neqred lil dawk li jagħmlu l-ħażen mill-belt taʼ Ġeħova.
Noti taʼ taħt
^ Jew “dwar l-imħabba leali.” Ara Termini tal-Bibbja Spjegati.
^ Jew “indoqqlok il-mużika.”
^ Jew “bla nuqqas.”
^ Jew “dak li mhu tajjeb għal xejn.”
^ Letteralment “Ma rridx naf bil-ħażen.”
^ Jew “se neqred.”
^ Jew “leali.”
^ Jew “se neqred.”
