Salm 45:1-17
Lid-direttur; fuq l-għanja taʼ* “Il-Ġilji.” Maskil* ta’ dawk li jiġu minn Koraħ. Għanja tal-imħabba.
45 Qalbi ġiet immotivata minn xi ħaġa tajba.
Jien ngħid: “L-għanja tiegħi hi* dwar re.”
Jalla kliemi jkun bħall-pinna taʼ wieħed li jikkopja* bis-sengħa.
2 Re, int l-isbaħ wieħed mill-bnedmin.
Int titkellem bil-ħlewwa.
Hu għalhekk li Alla jbierkek għal dejjem.
3 Orbot ix-xabla tiegħek maʼ qaddek, gwerrier kuraġġuż;Int għandek dinjità u glorja.
4 Uri kemm għandek glorja u oħroġ irbaħ;*Irkeb fuq iż-żiemel tiegħek u ġġieled għal dawk umli, għall-verità, u għall-ġustizzja.
B’idek il-leminija se tagħmel* affarijiet tal-għaġeb.
5 Re, il-vleġeġ li jaqtgħu tiegħek se jidħlu f’qalb l-għedewwa tiegħek;Il-popli se jibqgħu jaqgħu taħtek.
6 Alla jagħtik awtorità bħala re* għal dejjem;Int għandek xettru taʼ re u se tmexxi bil-ġustizzja.
7 Int tħobb il-ġustizzja u tobgħod il-ħażen.
Għalhekk, Alla inkarigak* u għamlek iktar ferħan minn sħabek ir-rejiet l-oħra.
8 Il-ħwejjeġ kollha tiegħek għandhom riħa tfuħ taʼ mirra, sabbara, u kassja;Il-ħoss tal-istrumenti tal-korda jferrħek mill-palazz kbir tal-avorju.
9 Il-bniet tar-rejiet huma fost in-nisa li int tonora.
Ir-reġina qagħdet fuq il-lemin tiegħek imżejna bid-deheb fin.*
10 Binti, ismaʼ dan li se ngħidlek;Insa n-nies tiegħek u l-familja taʼ missierek.
11 Ir-re se jkun jixtieq jarak minħabba s-sbuħija tiegħek,Għax hu sidek.
Għalhekk mil quddiemu.
12 In-nies taʼ* Tir se jġibulek rigal;L-iktar irġiel sinjuri se jfittxu li jiġu approvati minnek.
13 It-tifla tar-re hi sabiħa ħafna fil-palazz;*Il-ħwejjeġ tagħha huma mżejnin* bid-deheb.
14 Hi se tittieħed għand ir-re bi ħwejjeġ fini minsuġin.
Sħabha l-verġni li mexjin warajha wkoll ittieħdu quddiemu.
15 Huma se jittieħdu għandu bil-ferħ;Huma se jidħlu fil-palazz tar-re.
16 Re, it-tfal tiegħek se jieħdu post missirijietek.
Int tagħtihom pożizzjoni għolja* fl-art kollha.
17 Se ngħallem ismek lill-ġenerazzjonijiet kollha li ġejjin.
Għalhekk in-nies se jfaħħruk għal dejjem taʼ dejjem.
Noti taʼ taħt
^ Jew forsi “fl-istil mużikali taʼ.”
^ Letteralment “Xogħlijieti huma.”
^ Jew “skriba.” Ara Termini tal-Bibbja Spjegati.
^ Jew “irnexxi.”
^ Letteralment “U idek il-leminija se tgħallmek.”
^ Letteralment “Alla hu t-tron tiegħek.”
^ Letteralment “dilkek biż-żejt.” Ara Termini tal-Bibbja Spjegati.
^ Jew “bid-deheb taʼ Ofir.”
^ Letteralment “It-tifla taʼ.”
^ Letteralment “ġewwa.”
^ Jew “irrakkmati.”
^ Jew “tagħmilhom prinċpijiet.”