Salm 75:1-10
-
Alla jiġġudika b’mod ġust
-
Il-ħżiena se jixorbu mit-tazza taʼ Ġeħova (8)
-
Lid-direttur. Fuq l-għanja taʼ “Teqridnix.” Għanja t’Asaf.
75 Aħna se nirringrazzjawk Alla tagħna, iva se nirringrazzjawk;Int qrib tagħna,U n-nies se jxandru x-xogħlijiet tal-għaġeb tiegħek.
2 Int tgħid: “Meta nagħżel żmien biex niġġudika,Se niġġudika b’mod ġust.
3 Meta l-art u n-nies taʼ ġo fiha bdew jitriegħdu,*Kont jien li żammejt il-pedament tagħha sod.” (Sela)
4 Jien ngħid lil min jiftaħar: “Tiftaħarx,”U lill-ħażin: “Tiftaħarx bis-saħħa* tiegħek.
5 Tiftaħarx li int tant b’saħħtek*U titkellimx b’arroganza.
6 Għax l-unur tal-bniedem la jiġiMil-Lvant, la mill-Punent, u lanqas min-Nofsinhar.
7 Għax Alla hu Mħallef.
Hu jbaxxi lil bniedem u jgħolli lil ieħor.
8 Ġeħova għandu tazza f’idu.
Fiha hemm inbid qawwi u bir-ragħwa.
Hu żgur li jferrgħu,U n-nies ħżiena kollha tal-art se jixorbuh sal-inqas qatra.”
9 Imma min-naħa tiegħi, jien se nxandar għal dejjem dak li għamel Alla;Jien se nfaħħar bil-kant* lill-Alla taʼ Ġakobb.
10 Għax hu jgħid: “Jien se nneħħi s-saħħa* kollha tal-ħżiena.”Imma s-saħħa* tat-tajbin se tiżdied.
Noti taʼ taħt
^ Letteralment “idubu.”
^ Letteralment “bil-qarn.”
^ Letteralment “Tgħollix il-qarn tiegħek.”
^ Jew “indoqq il-mużika.”
^ Letteralment “il-qrun.”
^ Letteralment “il-qrun.”
