Salm 86:1-17
Talba taʼ David.
86 Ġeħova, ismagħni* u wiġibni,Għax jien batut u fqir.
2 Ipproteġili ħajti,* għax jien leali.
Alla tiegħi, salvani għax jien nafda fik.
3 Ġeħova, ħenn għalija,Għax jien ngħajjatlek għall-għajnuna minn filgħodu sa filgħaxija.
4 Ferraħni* Ġeħova,Għax jien lejk indur.*
5 Għax int, Ġeħova, tajjeb u lest li taħfer;Int turi ħafna mħabba u lealtà* maʼ dawk kollha li jgħajtulek għall-għajnuna.
6 Ismaʼ t-talba tiegħi, Ġeħova;U agħti kasi meta nitolbok bil-ħniena biex tgħinni.
7 Meta nkun qed inbati, lilek ngħajjat għall-għajnuna,Għax int twiġibni.
8 M’hemmx alla ieħor bħalek, Ġeħova,U ħadd m’għamel dak li għamilt int.
9 Il-popli kollha li int għamiltSe jiġu u jmilu quddiemek, Ġeħova,U huma se jagħtu glorja lil ismek.
10 Għax int kbir u qed tagħmel affarijiet tal-għaġeb;Int l-uniku Alla.
11 Ġeħova, għallimni dwar it-triq tiegħek,Ħalli b’hekk nimxi fit-triq it-tajba.
Għinni nirrispetta lil* ismek b’qalbi kollha.
12 Ġeħova Alla tiegħi, jien se nfaħħrek b’qalbi kollha,U se nigglorifika lil ismek għal dejjem,
13 Għax int turini mħabba u lealtà kbira,U salvajtni* mill-Qabar.*
14 Għax nies prużuntużi qamu kontrija;Grupp taʼ nies bla qalb qed jipprovaw joqtluni,*U huma ma jinteressahomx minnek.*
15 Imma int, Ġeħova, Alla ħanin u qalbek tajba,*Ma tirrabjax malajr u turi ħafna mħabba* u lealtà.*
16 Agħti kasi u ħenn għalija.
Saħħaħni u salvani,Għax jien naqdik bħalma għamlet ommi.
17 Ġiegħel lil dawk li jobogħduni jaraw kemm tħobbni,U umiljahom.
Għax int, Ġeħova, il-wieħed li tgħinni u tfarraġni.
Noti taʼ taħt
^ Letteralment “mejjel widintek lejja.”
^ Jew “ruħi.”
^ Jew “Ferraħ ir-ruħ tal-qaddej tiegħek.”
^ Jew “nerfaʼ ruħi.”
^ Jew “imħabba leali.” Ara Termini tal-Bibbja Spjegati.
^ Letteralment “nibżaʼ minn.”
^ Jew “salvajt lil ruħi.”
^ Jew “minn Xeol,” jiġifieri l-qabar komuni tan-nies. Ara Termini tal-Bibbja Spjegati.
^ Jew “joqtlu lil ruħi.”
^ Jew “ma ġabux lilek quddiemhom.”
^ Letteralment “turi mogħdrija.”
^ Jew “imħabba leali.” Ara Termini tal-Bibbja Spjegati.
^ Jew “u verità.”
