အစီအစဉ်က ဘယ်လောက် ကြာသလဲ။

တစ်နာရီလောက် ကြာပါမယ်။

ဘယ်မှာ ကျင်းပမလဲ။

အသေးစိတ် သိနိုင်ဖို့ ကိုယ့်ဒေသမှာရှိတဲ့ ယေဟောဝါသက်သေတွေနဲ့ ဆက်သွယ်ပါ။

ဝင်ကြေးပေးဖို့ လိုသလား။

မလိုပါ။

အလှူငွေ ကောက်ခံသလား။

မကောက်ခံပါ။

ဘယ်လို ဝတ်စားရမလဲ။

အတိအကျ သတ်မှတ်ထားတာ မရှိပေမဲ့ ယေဟောဝါသက်သေတွေက ကျမ်းစာ အကြံပြုချက်ကို လိုက်နာပြီး ဣန္ဒြေရှိရှိ၊ လေးစားမှုရှိရှိ ဝတ်စားဆင်ယင်ကြတယ်။ (၁ တိမောသေ ၂:၉) ဈေးကြီးတဲ့အဝတ်အစားဖြစ်ဖို့၊ ပွဲတက်ဝတ်စုံဖြစ်ဖို့ မလိုပါ။

အောက်မေ့ရာနေ့ အစီအစဉ်ကို ဘယ်လို ကျင်းပသလဲ။

အစီအစဉ် အစနဲ့ အဆုံးမှာ သီချင်းဆိုပြီး ယေဟောဝါသက်သေ ဓမ္မအမှုဆောင်တစ်ဦးက ဆုတောင်းပါမယ်။ ယေရှုရဲ့ သေခြင်း အရေးကြီးပုံ၊ ကျွန်တော်တို့အတွက် ဘုရားသခင်နဲ့ ခရစ်တော် လုပ်ပေးခဲ့ရာတွေကနေ အကျိုးရရှိနိုင်ပုံကို အဓိက တင်ဆက်ပါလိမ့်မယ်။

အသေးစိတ် သိချင်ရင် “ယေဟောဝါသက်သေတွေ သခင့်ညစာစားပွဲ ကျင်းပပုံက တခြားဘာသာရေးအဖွဲ့တွေ ကျင်းပပုံနဲ့ ဘာကြောင့် မတူတာလဲ” ဆောင်းပါးကို ဖတ်ပါ။

နောက်နှစ်တွေအတွက် အောက်မေ့ရာနေ့ ရက်စွဲများ

၂၀၂၅ ခုနှစ်– စနေနေ့၊ ဧပြီ ၁၂ ရက်

၂၀၂၆ ခုနှစ်– ကြာသပတေးနေ့၊ ဧပြီ ၂ ရက်