ဂါဘွန်းမှာရှိတဲ့ တစ်ခါတလေမှ အမှုဆောင်တဲ့ ရပ်ကွက်တွေမှာ ဟောပြောဖို့ ကင်မရွန်း ဌာနခွဲက ၂၀၁၉၊ ဇွန် ၁ ရက်ကနေ ဩဂုတ် ၃၁ ရက်နေ့အထိ ဟောပြောခြင်း အထူးကင်ပိန်း လုပ်ဆောင်ဖို့ စီစဉ်ခဲ့ပါတယ်။ လူဦးရေ အထူထပ်ဆုံး မြို့ ၁၀ မြို့ဖြစ်တဲ့ ဖရန်စဗေး၊ ကူလမ်မူတူ၊ လမ်ဘာရီနီ၊ လီဘာဗေး၊ မာကိုးကူ၊ မိုအန်ဒါ၊ မူအီလာ၊ အိုယမ်၊ ပေါ့ ရှန်တီး၊ ချီဘန်ဂါတို့မှာ ဟောပြောဖို့ အထူးအာရုံစိုက်ခဲ့တယ်။ ဒီအပြည်ပြည်ဆိုင်ရာ ကင်ပိန်းမှာ ဘယ်လ်ဂျီယမ်၊ ကနေဒါ၊ ပြင်သစ်နဲ့ အမေရိကန်က စေတနာ့ဝန်ထမ်း ၄၀၀ ပါဝင်ခဲ့ကြတယ်။

ဂါဘွန်းမှာ လူဦးရေ နှစ်သန်းကျော် နေထိုင်တယ်။ ၈၀ ရာခိုင်နှုန်းလောက်က ရုံးသုံး ပြင်သစ်စကား ပြောကြတယ်။ ၃၀ ရာခိုင်နှုန်းလောက်က မိခင်ဘာသာစကားဖြစ်တဲ့ ဖန်းစကား ပြောကြတယ်။ ဒါကြောင့် ကင်ပိန်းကို ဘာသာစကား နှစ်မျိုးနဲ့ လုပ်ခဲ့တယ်။

လီဘာဗေးမြို့၊ ဘီစီဂေးရပ်ကွက်မှာ နေထိုင်တဲ့ ကျမ်းစာ စိတ်ဝင်စားသူ ဖန်းဘာသာစကားပြော ပုဂ္ဂိုလ်တစ်ယောက် ဒီလို ပြောတယ်– “ဘုရားဆီက သတင်းစကားကို ကျွန်တော့်ရဲ့ ဘာသာစကားနဲ့ ကြားရတာ ဒါ ပထမဆုံးပဲ။”

ကင်ပိန်းမှာ ပါဝင်ခဲ့တဲ့ ညီအစ်မတစ်ယောက် ဒီလို ပြောတယ်– “ဒီကင်ပိန်းက ယေဟောဝါအဖွဲ့အစည်းရဲ့ မေတ္တာနဲ့ စည်းလုံးမှုကို အမှန်အကန် ဖော်ပြနေတာပဲ။ ညီအစ်ကို၊ ညီအစ်မတွေက ခင်ခင်မင်မင်ရှိတယ်၊ ဧည့်ဝတ်ကျေတယ်၊ ရက်ရောတယ်။ တကယ် ချစ်စရာကောင်းပြီး အားပေးမှုဖြစ်စေတယ်။ အဲဒါက ဖိလိပ္ပိအသင်းတော်အကြောင်း ပေါလု ပြောခဲ့တဲ့ စကားကို ပြန်သတိရစေတယ်။ ကျွန်မတို့ဟာ ‘တစ်စိတ်တစ်သဘောတည်း ရှိကြတယ်။ အပြန်အလှန် ချစ်ကြတယ်။ တစ်စည်းတစ်လုံးတည်း ရှိကြတယ်။ စိတ်သဘော တညီတညွတ်တည်း ရှိကြတယ်။’—ဖိလိပ္ပိ ၂:၂။