ǂGom da ras ge nē Elobmîs ǁkhāǁkhāde ôaǃnâs go sa ǀnama Jehovab ǃoa-ai ǀgaiǀgaisa. Nē ǀnami ge hoaǁae ǂûmāhesa ǂhâbahâ. (1 Petrub 2:2) Sa mûǂuib ǀamo ûib ǃâubasens dib ge nēsa xu hâ, sa aiǃgûs Elobmîsa ǁkhāǁkhāsen tsî Jehovab ǃoa ai ǀgūs ǃnâ-ū.​—Khomai re Johaneb 17:3; Judab 21.

Sa ǂans Elob tis ra kai khamis, ge sa ǂgomsa nî ǀgai. ǂGoms ge nî huitsi Eloba ǂkhîǂkhîs ǀkha. (Hebreǁîn 11:1, 6) ǁNās ge nî huitsi its ǃhobasen tsî ǃgâi ǀkharaǀkharana sa ûib ǃnâ ǀkhī-ū.​—Khomai re Ap. ǃNaeǃkhaidi 3:19.

Sats ge nau khoen ǀkha sats Elobmîsa xu ra ǁkhāǁkhāsen xūna nî ǀgoragu ǂgao. Hoada ge ǁnās xa a ǁkhoaxabahe ǃgâiǂhôasa khoena ǁgambasa. Sats ra aiǃgû sa Elobmîs ǁkhāǁkhāsens ǀkha, khamits ge nî ǁkhāǁkhāsen matits ǁîsa nî sîsenū ǃkhaisa tsî sa ǂgomsa nau khoena mîǃābasa Jehovab tsî ǁîb ǃgâiǂhôas tsîn xa.​—Khomai re Romeǁîn 10:13-15.

ǃNāsa khoen ge ǃgâiǂhôas xa ǁîn ǀhōsan tsî ǀaokhoen ǀkha ra ǃhoa tsoatsoa. ǃGâiǀgaub ai ǃhoa re. ǁÎn ǂgoms ǂhanu tama di mîs xa, Elob di mîǁguidi xa mîba nî re. ǂÂis ǃnâs tsîna ūhâ re, khoen ǃnāsa ǁaeba sa tanisens xa ra ǂgaehesa mîts ta xūn ǃgâ-ai.​—Khomai re 2 Timoteub 2:24, 25.

Elobmîsa ǁkhāǁkhāsens ge nî huitsi gāgāsise ǀgaisa. Sats ge kaise ǀō-aisa sîsenǁaesa Jehovab ǀkha nî ūhâ. Sats ge ǁÎb omaris di khoe kai ǁkhā.​—Khomai re 2 Korinteǁîn 6:18.

Sats ge gāgāsise a ǀgai ǁkhā, aiǃgûts ga o Elobmîsa ǁkhāǁkhāsens ǀkha. (Hebreǁîn 5:13, 14) ǂGan re Jehovab di ǀHûǀguitimî-aon ǀgui-e its Elobmîsa ǁkhāǁkhāsen What Does the Bible Really Teach? ti ǀon hâ ǂkhanis ǀkha. Matiko ǃnāsasets ta Elobmîsa ǁkhāǁkhāsens ge sa ǃgâiǃgâba ûib ǃnâ nî kaikai.​—Khomai re Psalmti 1:1-3; 73:27, 28.

ǃGâiǂhôas ge Jehovaba xu ra hā, ǂkhîxa Eloba. Sats ge ǁÎb tawa a ǀgū ǁkhā ǁÎb ǀgoreǀî-aon dawats ga ǀgū o. (Hebreǁîn 10:24, 25) Sa ǁguiǂgāsens ǃnâts ga ǁgoe-oa tama io Jehovaba ǂkhîǂkhîs ǃnâ, ots ge ama ûiba a hōǁkhā ǀnî mîdi ǃnâ ǀamo ûiba. Elob ǃoa ǀgūs ge ǃgâi xū-i hînats a dī ǁkhā-e.​—Khomai re 1 Timoteub 1:11; 6:19.