7ǁÎ ǁKHĀǁKHĀǃÂS
Elob gaosiba a tae?
1. Elob Gaosiba a tae?
Tae-e Jesuba ra ǂhunumâ Gao-ao kai?—MARKUB 1:40-42.
Elob Gaosib ge ǀhomsi gaosiba. Hoa gaosigu nēsi hâ ga nî ǃkhōǃkhuni tsî Elob ǂâisa nî ī kai ǀhommi tsî ǃhūbaib ai. ǂHôas Elob Gaosib tis ge kaise a ǃgâi. ǀĀǁaeb ge Elob Gaosiba khoen ǂhâsigu ǃgâi ǂhanub ti ga nî dīǀoaǀoa. ǃHūbaib ai hâ khoen hoana nî ǀhaoǀhaoba.—Khomai re Danieli 2:44; Mateub 6:9, 10; 24:14.
Mâ Gaosib hoab ge gao-e nî ūhâ. Jehovab ge ǁîb Ôab Jesub Xristuba nē Gaosib ti Gao-aose ge ǁgaumâi.—Khomai re ǂHaiǂhais 11:15.
Vidioba kō re Elob Gaosiba a tae?
2. Tae-i ǃaromab Jesuba a ǂhunumâ Gao-ao?
Elob ǀGôab ge ǂhunumâ Gao-ao, khoexaǃnâ tsîb ta amab ǃnâ mâǀgai xui-ao. (Mateub 11:28-30) ǁÎb ge ǀgaiba ūhâ khoena huisa, ǁîb nî ǀhomma xu ǃhūbaiba ǂgaeǂgui amaga. Khâisab ge māhes khaoǃgâb ge ge ǀhomǃawa tsî sī ge ǂnû tsî ǃâu Jehovab amǀkhāb ǁôab ai. (Hebreǁîn 10:12, 13) ǀAms aib ge Eloba ǀgaiba ge mābi ib ǂgaeǂgui tsoatsoa.—Khomai re Danieli 7:13, 14.
3. Hamna Jesub ǀkha nî ǂgaeǂgui?
ǃGubis khoen ‘ǃanun’ ti ra ǂgaihen ge Jesub ǀkha nî ǂgaeǂgui ǀhommi ǃnâ. (Danieli 7:27) ǂGuro ǃanun hîna ge ǁhûihen ge Jesub di ǂgomǂgomsa ǁkhāǁkhāsabega. Jehovab ge noxoba ǂgomǂgomsa ǃanuna ra ǁhûi aogu tsî taradi tsîna nētsēs kōse. Jesub khamin ge ǁîn tsîna gāgāsi sorodi ǀkha khâisa ra hō.—Khomai re Johaneb 14:1-3; 1 Korinteǁîn 15:42-44.
Matiko khoena ǀhommi ǃoa ra ī? Jesub ge ǂkhari gūrose ti ra ǂgai nî. (Lukab 12:32) ǁÎn ge ǀams ai nî 144 000. ǁÎn ge Jesub ǀkha ǃhūbaiba nî ǂgaeǂgui.—Khomai re ǂHaiǂhais 14:1.
4. Tae-e ge i Jesub ge ǂgaeǂgui tsoatsoa o?
Elob gaosib ge 1914ǁî kuri ge ǂgaeǂgui tsoatsoa. * ǂGurob ge Jesuba dī i Gaoseb ge ǂnû o, ob ge ǁGâuab tsî ǁîb demonga ǃhūbaib ǃoa aoǁnâsa. ǁGâuab ge kaise ge ǁaixa tsî ǃgomsina ǃhūbaib ai ge ǃaroma tsoatsoa. (ǂHaiǂhais 12:7-10, 12) ǁNāpaxūn ge khoesib ti ǃgomsina ǂguis ǀguisa ge dī. Torogu, ǃâtsūkēǃgâgu, ǂhīraǁōgu tsî ǃhūǂguwigu ge a ǃâb saos tiba Gaosib nî ǀāǁae hoa xūn ǃhūbaib ai ra ī na ǀamǀamsa.—Khomai re Lukab 21:7, 10, 11, 31.
5. Elob Gaosiba tae-e nî dī?
ǃHūbaib ǂhawa aoǁnâ sîsengu ǃnâ-ūb ge Elob Gaosiba ǀnai kai ǂnuwis ti khoena hoa ǃhaode xu ra ǀhaoǀhao. Miliundi tsamtsi ǂâixa khoen ge ra Jesub ti gaosib ti ǁanǂgāsabe kai. Elob Gaosib ge ǁîna nî sâu, nēsi hâ ǁgai ǃhūbaib xūn ga dīkākāhe o. Hoa khoen hîna nē Gaosiba xu ra ǃgâiǃō ǂgaon ge nî ǁkhāǁkhāsen Jesuba ǁnâuǀnam tsî ǃgamǃgamsensa.—Khomai re ǂHaiǂhais 7:9, 14, 16, 17.
1 000 Kurigu ti ǁaeb ǃnâb ge Gaosiba Elob ti ǂhunumâ ǂâibasens khoenab ge tsoatsoas ǃnâ ūba hâ-i sa nî dīǀoaǀoa. ǃHūbaib hoab ge nî paradais kai. ǀAms aib ge Jesuba Gaosiba ǁîb Îba nî mā-oa. (1 Korinteǁîn 15:24-26) Khoe-e ǂan du a Elob Gaosib xa du ra ǁgamba ǂgao-e?—Khomai re Psalm 37:10, 11, 29.
^ par. 6 ǃNāsa ǃgāsasib ǃaroma matis ge Elobmîs kēbōte 1914ǁî kurib ai sī sa ǂkhanis Elobmîsa tae-e a ǁkhāǁkhā da ǁkhā? ti ǀon hâsa 211-212ǁî ǂhaweb kōse kē re.
