STEFANUB ge aogu xa gere mâǃoahe. ǁÎgu ge Israelǁaes ǃnâ ǀgapi ǂhārode ge ūhâ i, ǁnās ge ǀapeǀhao ǃnans ǁanigu ase tsî 71 ǀgoraǃgâ-aogu tsîn ge ǁîgu ǁaegu ge hâ i. ǁÎgu ge ǀgapipristeri, Kajafab di ra ǂgaiheb aiǃgâ ge ǀhao hîna ge ǁaeroba ǃkharu tsî Jesub nî ǃgamhesa a mā-am ma. (Mat. 26:57, 59; ǃNaeǃkhaidi 6:8-12) ǁÎgu sao gu rase Stefanuba ra ǂgā-am hîna gu ge xū-e ge mû, ǁîb di ais ge “ǀhomǃgā-i” ais khami ge ī-i.​—ǃNaeǃkhaidi 6:13-15.

Tae-i ǃaromab ge Stefanuba nēti i mâsib ǃnâ ǃnomsa ī? ǀApeǀhaos ǃnans aiǃâb nî sīs aiǃâb ge Stefanuba kaise aoǁnâ sîsenni ǃnâ ge māǁnâsen hâ i, Elob di ǃanu gagab daoǁgaus ǃnāga. (ǃNaeǃkhaidi 6:3-7) ǁNās ǀkhab ge ǃgomsiba a hōǃâ o, ob ge ǁnā ǃanu gagaba ǁîba ǁkhaeǂgao tsî ge hui. (Johaneb 14:16) ǃNaeǃkhaidi 7ǁî danaǃâsa da ga ra khomai o, ob ge Stefanuba ǁkhoaǂgaose ge ǃeream tsîb ge ǃanu gagab tsîna ge huibi 20 Hebrexoade ǂâihōs ǀkha. (Johaneb 14:26) Xawe Stefanub ǂgoms tsîn ge ge ǀgaiǀgaihe, Jesub Elob di amǀkhāb ǁôab ai māsab ge mû o ǁhapos ǃnâ.​—ǃNaeǃkhaidi 7:54-56, 59, 60.

Sida tsîn ge ǀnîsi nēti i ǃgom mâsib ǃnâ a hōsen ǁkhā. (Johaneb 15:20) Hoaǁae da ge Elobmîsa nî khomai tsî ǀoasase aoǁnâ sîsenni ǃnâ nî ǁhao ǁnās ǃnâ-ū da ge Jehovab gagaba ra mā-am îb daoǁgauda. Tsîs ge nēs tsîna nî hui da î da mâǃoadi ǃnâ mâǀgai ǁkhā tsî nēs ǀkhas tsîna ǃgâiaǂgaoba ūhâ.​—1Pet. 4:12-14.