HEBREǁÎN ge kuriba, ǃgaos tsî ǃhana ǂgās ǀkha mîmâisa ǃhūb ǃnâ gere tsoatsoa. Nētsē da ge ǁnā ǁkhâga Septemberi tsî Oktoberi ase a ǂan.

Khoen ge ǁkhâgu di kaxusiba. ǁKhâb mâ ǀgaub ǃnâ ra dawasens ǃoagu gere ǃgôa. Tsî ǁnās ge ǃnāsase 29 sa xu 30 tsēdi kōse a kaxu. Tsîn ge kurib di kaxusiba sores ai gere kō. Xawe kurib hîna ǁkhâb ai ra kō-eb ge a ǃnuburo, sores ai ra kōhe kurib xa. Tsî ǁnās ǃaroman ge ǀgau-e gere ôa. Î-i nē ǀgam ǁkhâgu ra ǃgôahe ǀgauga ǀguiti ī. Nēs ge a dī-e ǁkhā ǃnāsa tsēde ǀaros. Tamas ka io ǁkhâga ǀaros ǃnâ. Aiǁgause nau kurib nî tsoatsoas aiǃâ. Nē ǀgaub ǃnâ i ge kalendersa ǃhana ǂgās tsî ǃgaos ǁaeb ǀkha nî ǀgui.

Moseb di ǁaeb ǃnâb ge Eloba ǁîb khoena ge mîba. Kurib Abib tamas ka io Nisanni ǀkha nî tsoatsoasa. Nē ǁkhâkha da ge nētsē Maarti tsî Aprili ase a ǂan. (Eks. 12:2; 13:4) Nē ǁkhâb ǃnâ gere dīhe ǁaxasib. Tamas ka io ǁâudīb ge, ǃgaosa ge ǃkhōǂgā hâ i.—Eks. 23:15, 16.

Emil Schüreri ge ra mî, “supu-i ge a, mâ ǁaets ǁkhâba a ǀaro ǁkhāsa ǂansa.” ǁÎb ǂkhanis: The History of the Jewish People in the Age of Jesus Christ, di ǀon hâs ǃnâb ge ra mî. (175 B.C.–A.D. 135). “Pasxab ge ǀoasa ǁkhâba Nissan 14 i ǃnâ nî tsēdī. Tsî hoaǁae (spring-i) ǂnapon ra ǁnā ǁkhâb khaoǃgâ nēsa nî dī . . . Spring-i nî ǀam tsēs aiǃân ge. Jodeǁîna ǁkhâba Nissani ais ai gere ǀaro.”

Jehovab ǃoaba-aon ge nē ǂâi ǀgauba ra sîsenū. ǃKhūb ǃui ǂûs di tsēsan ga mîǁgui o. Nēs ge spring-i ǃnâ hâ. Tsî Nissan 14 nî hîna Hebreǁî kalenders ai hâb ǀkha ra ǃgûǀhao. ǃHūbaib ǂhabase hâ ǀhoahâgu ge, nēs xa ǀnai ais ai ra ǂanǂanhe.

Xawe Hebreǁîna mati ge ǂan i mâ ǁaeb, ǀasa ǁkhâba tsoatsoa tsî ra ǀamsa? Nētsē da ge selfoni, tamas ka io sida omdi ǃnâ kalender-e ūhâ. Xawe Elobmîs ǁaeb ǃnâ i ge supu tama ge hâ i.

ǁGammi dâus ǁaeb ǃnâ i ge ǁkhâga 30 tsēde ge kaixu i. (Gen. 7:11, 24; 8:3, 4) Ega i ge Hebreǁîn di kalendersa 30 tsēde ge ūhâ tama hâ i. Hebreǁîn kalenders ge ǀasa ǁkhâban gere mû, o gere tsoatsoa. ǁNās ge ǃkharugo ǁkhâb khaoǃgâ 29 tamas ka io 30 tsēdi khaos ai ra tsoatsoa.

Davib tsî Jonatanni tsîn ge, ǀasa ǁkhâb tsoatsoas xa saora-e ge mî: ‘ǁAri i ge ǀasa ǁkhâba’ ra tsoatsoa. (1Sam. 20:5, 18) ǁÎn di ǁkhâgu ge ǀnai ais ai gere ǃgôahe, khami i ge ra mûsen. Israelǁîna mati ge ǂan i, mâ ǁaeb ge ǀasa ǁkhâba gere tsoatsoasa? Mishna ǂhanub ge ǃnāsa ǃgāsasiba ra mā. Jodeǁîn ge ams ǀkha gere mî ǂhanub. Tsî ǃhaoǃnâsi ǂhanub xa. Nēs ge Jodeǁîn ge Babilons ǃkhōsisa xu gere oaǀkhī ǁaeba ra ǁgau. Hû ǁkhâgu, ǁâudīgu tamas ka io ǁaxasigu. Hîna gere dīhe gu ǃnâ i ge ǀgapi prister ga 30ǁî tsēs ai gere ǀhao. Nē aogu ge gere mîǁgui mâ tsēb ǀasa ǁkhâba nî tsoatsosa. Mati gu ge nēsa gere mîǁgui?

Aogu ge ǀgapi ǂkhâs tamas ka io ǃhommi Jerusalems dib ai mâ. Tsî ǃoe ǁaeb ai gere kō ǀasa ǁkhâb ra ǂoaxasa. Tsî gu ge ǃhaese ǀapemāǃnansa gere mîba. ǀGapi prister gu ga ǂâusa tamas ka io ǃgâi ǃnuriba hō o. O gu ge ǀasa ǁkhâb tsoatsoasa gere ǂanǂan. Xawe i ga ǃâude ǃkhē-aoga ǁkhae. Tsî gu ga ǀasa ǁkhâba mû tama ios? ǁNā ǁkhâb hînan hâǃnâb ge 30 tsēdeb ūhâse nî ǂanǃgâhe. Tsîb ge ǁnāpaxu ǀasa ǁkhâba nî tsoatsoa.

 Mishnab ge ra ǁguiǃā ǀasa ǁkhâba ǂanǂans ǃaromab ge. ǀGapi pristera ǀaeba ǀkheraǃhommi ai gere khau, Jerusalems ǀgūse. Xawe nau ǃkhain ai i ge ǀaeba gere sîsenūhe ǂhôana sîǂuis ǃaroma. Xawe ega i ge ǃkhē-aona ge sîsenūhe tsoatsoa ǂhôana sîǂuisa. ǁNās ǀkha i ge Jerusalems tsî ǁîs ǂnamipe hâ khoen tsîna. ǀAsa ǁkhâb gere tsoatsoa, o di gere ǂanǂanhe. Nēs ǀkhan ge hoana ǀgui ǁaeb ai. ǁAxasigu tamas ka io ǁâudība gere ūhâ.

ǃNaga hâ kalenders ge nî hui du i du Hebreǁî ǁkhâgu, ǁâudīgu. Tsî kurib kamagu (Season) Israelǁîn gere sîsenū ga ǁnâuǃā.