TLASELIANIJ. Katli tlaseliaj kinekij mitspaleuisej. Xijchiua nochi tlen mitsiljuisej, kej kema mitsiljuiaj kanke tijketsas mocarro, kanke moneki tinejnemis, kanke uelis timoseuis uan sekinok tlamantli tlen mitsiljuisej.

ATSONPOLIUILISTLI. Iixpa kampa tlamachtiaj kiiyokatlalisej kampa uelis moseuisej katli moatsonpoliuiltisej. Moneki moseuijtosej nopaya nochi katli moatsonpoliuiltisej kema ayamo pejtos nopa tlamachtili tlen kiixtomaj kema moatsonpoliuiltiaj ipan tonali sábado ika ijnalok. Nochi moneki kiuikasej se toalla uan ininyoyo tlen kinamiki.

TOMIJ. Motekiuijtok miak tomij pampa tijnekij tijpiasej kuajkuali sillas, tepostli tlen kichiua kuali ma kakisti se tlamachtili o ma nesi se video, uan sekinok tlamantli tlen kichiua kuali ma tijtlakakilikaj tlamachtili tlen techpaleuia nojua ma tijnechkauikaj Jehová. Ika nopa tomij tlen titemaka ika nochi moyolo uelis titlapaleuis ma moixtlaua tlen motekiuijtok, uan nojkia nojua ma momoyajto nopa kuali tlamachtili ipan nochi Tlaltipaktli. Ipan ni kali onka kampa uelis tijtlalis o titemakas tomij. Tlaj tiueli, xitemaka tomij ipan donate.mr1310.com. Tlauel timitstlaskamatiliaj pampa titemaka tlen tiueli. Toikniuaj Katli kinyakanaj Jehová itlajtoltemakauaj nojkia tlauel mitstlaskamatiliaj pampa tijchiua kampeka titlapaleuis ika motomij ika nochi moyolo.

KAMPA KINPALEUIAJ KOKOYANIJ. Xikilnamiki nopaya uelis tiasej san kema nelia moneki ma techpaleuikaj.

TLEN TIJPOLOJTOK. Tlaj tijpantia se tlamantli, xijuika Kampa kiajokuij nochi tlen kipolojtokej. Tlaj tijpolok se tlenijki, uelis tijtemoti nopaya. Nojkia moneki nopaya kinuikasej konemej katli mokuapolojtokej. Amo tijnekij ta o sekinok ma motekipachokaj, yeka timitstlajtlaniaj kuali xikinmokuitlaui mokoneuaj uan amo xikinkaua ininseltsitsij.

KAMPA TIMOSEUIS. Ximoiljui kenijkatsa tikinpaleuis sekinok. Xikilnamiki san uelis tiiyokatlalis kampa moseuisej mochampoyouaj, katli ininuaya tiualajki o katli tikinmachtia ika Biblia. Amo tleno xijtlali ipan nopa sillas tlaj amo tijtekiuis.

KATLI KINEKIJ TLAPALEUISEJ. Tlaj tijneki titlapaleuis ipan ni ueyi tlanechikolistli, xia Kampa tematiltiaj se keski tlamantli uan Kampa kinyakanaj katli kinekij tlapaleuisej.