“Xiuala, xitlanauatiki nikaj”: Tlauel miakej kiijtojtokej ni tlajtoli
¿Ipa titlajtlantok ma peua tekichiua toTeotsij iTlanauatijkayo? Tlauel miakej maseualmej kiampa kichijtokej ipan miak xiuitl tlen panotok. ¿Kenke tlajtlanij nopa tlamantli? Pampa Jesús kiniljuik itokilijkauaj ma tlajtlanikaj ni: “Xiuala, xitlanauatiki nikaj”.
Kema itokilijkauaj kikajkej nochi tlen Jesús kinixtomiliyaya tlen nopa tlanauatijkayotl, amo kikuamachilijkej. Se tonali kitlatsintokijkej: “ToueyiTeko, [...] ¿sampa tijchiuas ma tijpiakaj toisraelitatlanauatijka para technauatis ipan nochi ni totlal keja tijpixkej uejkajkia?”. Uelis san mosentlachilijkej kema Jesús kinnankilik (Hechos 1:6, 7). Uajka, ¿uelis tijmatisej tlake nopa toTeotsij iTlanauatijkayo uan kema peuas tekichiuas?
Ipan ni pilamochtsi tijnankilisej ni tlajtlanili:
¿Kenke tlauel moneki ma tekichiua toTeotsij iTlanauatijkayo?
¿Ajkia tlanauatia ipan nopa Tlanauatijkayotl?
¿Kema tekichiuas ipan Tlaltipaktli?
¿Kenijkatsa toTeotsij iTlanauatijkayo kinpaleuis maseualmej?
¿Kenke nama moneki tijpaleuisej toTeotsij iTlanauatijkayo?
¿Tlake nopa toTeotsij iTlanauatijkayo?
Tlen nojkia mitspaktis tikitas
TLAMACHTILI TLEN TLAUEL IPATI
¿Tlake nopa toTeotsij iTlanauatijkayo?
Kema Jesús itstoya ipan Tlaltipaktli, nelia tlauel tlamachtik tlen ToTeotsij iTlanauatijkayo. Uejkajtok miak xiuitl maseualmej momaijtojtokej pampa kinekij ma asi nopa Tlanauatijkayotl.
TLEN BIBLIA KINANKILIA
¿Kenijkatsa moneki nimomaijtos? ¿Moneki nikompauis nopa padrenuestro?
¿San nopa tlamaijtoli tlen padrenuestro kitlakakilia toTeotsij?
