Ipan viernes febrero 24, 2023, kiaxitia se xiuitl moteuijtokej Ucrania uan Rusia. Sekij kiijtouaj ya mijkej o mokokojkej se 300 mil soldados tlen nopa altepemej, uan moiljuiaj ya miktokej se 30 mil maseualmej katli amo eliyayaj soldados. Pero uelis nojua tlauel miakej maseualmej miktokej.

 Tlauel techtekipachoua pampa uelis nopa altepemej nojua uejkauas moteuijtosej.

•   “Maske ya panotok nechka se xiuitl Rusia pejki kiteuia Ucrania, amo tleno kinextia tlaj nechka tlamis nopa tlauilankayotl. Nojkia amo nesi tlaj se tlen nopa altepemej tlatlantia o kiijtos tlaj ayokmo moteuisej” (NPR [radio pública nacional de Estados Unidos] febrero 19, 2023).

 Miakej maseualmej motekipachouaj pampa ni tlauilankayotl uan sekinok tlamantli kichijtok miakej tlauel ma tlaijiyouikaj ipan nochi Tlaltipaktli. ¿Biblia kiijtoua tlaj se tonali ayokmo onkas tlauilankayotl?

 Biblia kiijtoua onkas se tlauilankayotl tlen kinmanauis maseualmej uan amo kintsontlamiltis. Nopa tlauilankayotl itoka Armagedón, uan amochtli Apocalipsis kiijtoua eli “nopa ueyi tlateuijkayotl [tlen] Toteko Tlen Kipia Nochi Chikaualistli” (Apocalipsis 16:14, 16). Ika nopa tlauilankayotl, toTeotsij kintsontlamiltis nochi tlanauatianij katli kichijtokej ma onka uejueyi tlauilankayotl. Tlaj tijneki tijmatis kenijkatsa Armagedón kichiuas ma tiitstokaj ika tlaseuilistli, xijpoua ni tlamachtili:

•   “¿Tlake eli nopa Armagedón?”

•   “¡Tijchixtokej Armagedón ika miak pakilistli!”