NETAJTANIL 3
¿Keniuj uelis nitajtos iniuan notatuan?
¿TEJUA TONI TIKCHIUASKIA?
Xiknemili nejin: miércoles tiotakya, Geoffrey, akin kipia 17 xiujmej, kitamichiuakya tekit tein kikauilijkej itatuan uan axkan kinamiki maj moseuiya. Kixotaltia televisión uan motalia kampa ipa kiuelita motalis.
Ompa, ipopaj kalaki ixkualantiuitse.
“¡Geoffrey! ¿Keyej titonalpolojtok tikitstok televisión? ¿Amo monekiskia tikpaleuijtos mokniuj ika tein kikauilijkej tamachtiloyan? ¡Amo keman tikchiua tein se mitsnauatia!”.
“Tipeujkejya”, ichtakatsin kijtoua Geoffrey.
Ipopaj kiajsiti uan kitajtania: “¿Toni tikijtoj?”.
“Amo teyi, paj”, kikualankaijtoua Geoffrey.
Ipopaj tel kualantok uan kiluia: “¡Nejua amo ijkon xinechnankili!”.
Komo tejua tiyeskia tiGeoffrey, ¿toni tikchiuaskia tein tapaleuiskia maj amo pano nejon?
XIMOTSAKUILI UAN XITANEMILI
Komo tiknejnemiltijtok se tepos uan tiajsiti kampa taxitinik, tiktemoua okse ojti. No ijkon, uelis tiktemos okseki taman kemej titajtos iniuan motatuan.
KEMEJ NESKAYOT:
Leah kijtoua: “Semi nechouijmaka nitajtos iuan nopopaj. Kemansa, satepan ke uejkauak nikiluijtoya teisa, nechiluia: ‘Xinechtapojpolui, ¿toni tinechiluijtoya?ʼ”.
LEAH UELIS KICHIUAS EYI TAMAN
-
Kitsajtsilis ipopaj.
Leah kitsajtsilia: “¡Xinechkaki! ¡Nejin motelneki!”
-
Amo kitapouisok.
Leah kiixtalia amo kitapouisok ipopaj kuejmol tein kipia.
-
Kitapouis satepan.
Leah iuan tajtoua ipopaj okachi satepan.
¿Toni tikiluiskia Leah maj kichiua?
XITANEMILI ITECH NEJIN: Ipopaj Leah tanemilijtok itech okseki taman uan amo kiita tein panoua. Komo Leah kichiuaskia tein kijtoua yekinika taman uan kitsajtsiliskia, ipopaj xa amo kiajsikamatiskia keyej ijkon kichiua. Xa ipopaj amo kikakiskia. Uan no, Leah kinextijtoskia ke amo kipoujkaita ipopaj (Efesios 6:2). Nejin amo kipaleuis Leah nion ipopaj.
Maski onkas teisa tein mitstsakuilis, uelis tiktemos okseki taman tein tapaleuis xitajto iniuan motatuan
Maski tein kijtoua ojpatika taman okachi amo ouij, amo yejua tein okachi kuali. ¿Keyej? Porin komo kineki kiyektalis ikuejmoluan, Leah moneki tajtos iuan ipopaj. Uan ipopaj moneki kimatis tein kipanoua porin ijkon uelis kipaleuis. Komo amo teyi se kijtoua, amo teyi se kimelaua.
Sayoj ke komo kichiua tein kijtoua expatika taman, Leah amo kikaua maj nion teyi kitsakuili maj tajto iuan ipopaj. Okachi kuali, kitemoua tajtos iuan satepan. Hasta uelis kijkuilouilis ipopaj se amat uan ijkon xa okachi kuali momachilis.
Komo kijkuiloua se amat uelis kipaleuis Leah maj kuali kimelauili ipopaj tein kineki kijtos. Keman ipopaj kiixtajtoltis, okachi kuali kiajsikamatis tein kipanoua. Tein kijtoua expatika taman kipaleuia Leah uan ipopaj. Yeski tajtoskej oso kijkuilouilis se amat, ijkon kitemojtok kichiuas nochi “ten kualkui yolseuilis” (Romanos 14:19).
¿Toni no uelis kichiuas Leah?
Komo tiknemilia okse taman, xikijkuilo nikan. No xikijkuilo tein ueliskia mochiuas.
KUALI XIKMELAUA TEIN TIKMACHILIA
Xikelnamiki: tein tikijtoua amo nochipa yejua tein kiajsikamatij motatuan.
KEMEJ NESKAYOT:
Motatuan mitstajtaniaj keyej tikualantok. Tejua tikinnankilia: “Amo nikneki ika nitajtos nejon”.
Sayoj ke yejuan xa kiajsikamatiskej: “Amo semi nitakuaujtamatiok iniuan notatuan. Nikintapouis nokuejmoluan sayoj akin kuali iniuan nimouika”.
Xiknemili ke tikpia se ueyi kuejmol uan semej motatuan kineki mitspaleuis, sayoj ke tejua tikijtoua: “Amo ximotekipacho, noselti ueli nikyektalia”.
-
Motatuan xa kiajsikamatiskej:
-
Se okachi kuali tanankilil yeskia:
Xa no tikonuelitas
PIZARRA ANIMADA
Keniuj titajtos iniuan motatuan
¿Mitsouijmaka titajtos iniuan motatuan? ¿Keniuj uelis tikiniluis tein tikmachilia?
