Noyampa taltikpak semi momachilia totonik kemej amo keman panotoya, uan yejua ika mochiujtok seki ouijkayomej kemej nejin:

•   “Nejin metsti junio okachi momachilij totonik kemej amo keman panotoya desde 174 xiujmej” (National Oceanic and Atmospheric Administration, U.S. Department of Commerce, 13 de julio de 2023).

•   “Ompa Italia, España, Francia, Alemania uan Polonia semi chikauak momachilijtok totonik tein uelis ajsis hasta 48 grados ompa isla de Sicilia uan Cerdeña. Nejin amo keman ijkon panotoya” (European Space Agency, 13 de julio de 2023).

•   “Kemej tel chikauak tona, uelis kichiuas maj miakpa chikaujkakioui uan no maj motaateka oso maj moskaltikan amej uan maj tauejuelokan” (Stefan Uhlenbrook, director of hydrology, water and cryosphere at the World Meteorological Organization, 17 de julio de 2023).

 ¿Mitsontekipachoua maj semi momachili totonik kemej amo keman panotoya? Xikonita toni kijtoua Biblia.

 Kemaj. Nejin totonik tein semi chikauak momachilia noyampa, yejua seki taman tein Biblia kijtojka ke panoskia. Jesús kijtojka ke mochiuaskia seki taman tein miakej “kintetsaujkamoujtis” (Lucas 21:11). Miakej kinemiliaj ke nejin kichiuas maj amo akin ueli nemiok nikan taltikpak.

 Amo. Dios kichijchiuak taltikpak para ompa tinemiskej uan amo kikauas maj nion akin kiixpolo (Salmo 115:16; Eclesiastés 1:4). Dios kijtoua ke kinixpolos “akin kiixpolojtokej taltikpak” (Apocalipsis 11:18).

 Biblia kinextia ke Dios uelis kichiuas maj amo ixpoliui taltikpak uan ijkon kichiuas.

•   “[Dios] kitamatilia ejekat; at tein moajkotamota itech ueyiat seui” (Salmo 107:29). Dios kipia chikaualis para kitsakuilis ejekat uan okseki taman. Uelis kichiuas maj amo tel chikauak tona uan ijkon amo akin tajyouis.

•   “Tejua tikyekpia taltikpak uan tikchiua maj moteltachiua uan maj tel taonka” (Salmo 65:9). Dios tatiochiuas uan ijkon nikan taltikpak yeski takualtsinkan.

 Para tikonmatis okachi keniuj kijtoua Biblia ke motayektalis, xikonlero tamachtilis “¿Quién salvará el planeta?”.