TLAMACHTIL 53
¿Kipaktia Jehová tlen ika timoyolpaktia?
Jehová “toTajtsin Dios tlen paki” (1 Timoteo 1:11). Ye kineki noijki tejuan matiyolpakikan, matimoseuikan uan matikchiuakan tlen techpaktia. Itech nin tlamachtil tikitaskej ken uelis timoyolpaktiskej ken Jehová kipaktia.
1. ¿Tlen moneki tikilnamiktoskej ijkuak tikpejpenaj tlen ika timoyolpaktiskej?
¿Tlen mitspaktia tikchiuas para timoseuis? Sekimej kinpaktia yetoskej inkalijtik uan itlaj kitlajtoltiaj, kikakij música, kitaj se película noso tlatemouaj itech internet. Oksekimej kinpaktia yetoskej inuan akinmej mouikaj uan kanaj nemitiuij, ajkuij noso mauiltiaj. Maski san tlen tikchiuaskej matikilnamiktokan tlen tikchiuaj makipakti “n Toteko” (Efesios 5:10). Moneki kuali tikpejpenaskej tlen tikchiuaskej. Porque seki tlamantli amo kipaktia Jehová. Ye amo kineki matimoyolpaktikan ika seki tlamantli kanin mota ken moteuiaj, auilnemij noso tlen poui itech naualotl (xiktlajtolti Salmo 11:5). ¿Tlen techpaleuis kuali matikpejpenakan tlen ika timoyolpaktiskej?
Tla timouikaj iunan akinmej kitlasojtlaj Jehová, yejuan techyolchikauaskej uan noijki techpaleuiskej kuali matikpejpenakan tlen ika timoyolpaktiskej. Ken otimomachtijkej itech tlamachtil 48, tla timouikaskej inuan akinmej ixtlamatkej, tejuan noijki tiyetoskej tiixtlamatkej. Pero tla ikaj mouikas inuan akinmej amo kitekichiuiliaj Jehová “kipanos tlen amo kuali” (Proverbios 13:20).
2. ¿Tleka moneki tikitaskej kox tiuejkauaj ijkuak timoyolpaktiaj?
Maski kuali kajki tlen ika timoyolpaktiaj amo sapanoua matiuejkauakan. Porque tla tiuejkauaj, xamo ayakmo timajxiliskej tikchiuaskej tlen okachi ipati. Biblia kijtoua: “Amo ximotonalpolokan” (xiktlajtolti Efesios 5:15, 16).
MATIMOMACHTIKAN
Matikitakan tlen mitspaleuis kuali xikpejpena tlen ika timoyolpaktis.
3. Amo ximoyolpakti ika tlen amo mitspaleuis
¿Tleka moneki kuali tikpejpenaskej tlen ika timoyolpaktiaj? Xikitakan VIDEO uan satepan xikitakan tlen namechmachtia.
-
¿Tleka uelis tikijtoskej sekimej kichiuaj ken akinmej omoteuiayaj yiuejkika?
-
Ijkon ken otikitakej itech video, ¿kuali tlen ika omoyolpaktiaya Danny?
Xiktlajtoltikan Romanos 12:9 uan satepan xikitakan tlen namechmachtia.
-
¿Ken techpaleuia nin texto kuali ma tikpejpenakan tlen ika timoyolpaktiaj?
¿Tlen amo kipaktia Jehová? Xiktlajtoltikan Proverbios 6:16, 17 uan Gálatas 5:19-21. Ijkuak yonankitlajtoltijkej textos xikitakan tlen namechmachtia.
-
Tlen axkan ika moyolpaktiaj, ¿kipia tlen kijtouaj ninmej textos?
Nin mitspaleuis kuali xikpejpena tlen ika timoyolpaktis
Ximotlajtlani:
-
¿Tlen ika nimoyolpaktis? ¿Kipia tlen Jehová kikokolia?
-
¿Keman nimoyolpaktis? ¿Ayakmo timajxilis tikchiuas tlen okachi moneki?
-
¿Akinmej inuan nimoyolpaktis? ¿Uejkika niyetos inuan akinmej amo kitlakamatij Jehová?
Para amitlaj techpanos moneki matimomaluikan. Ikinon amo matimoyolpaktikan ika tlen uelis kichiuas ayakmo kuali matimouikakan iuan Jehová.
4. Amo ximotonalpolo
Xikitakan VIDEO uan satepan xikitakan tlen namechmachtia.
-
Maski tokni amo okitaya tlen amo kuali, ¿tleka uelis tikijtoskej san omotonalpolojtoka?
Xiktlajtoltikan Filipenses 1:10 uan satepan xikitakan tlen namechmachtia.
-
¿Ken techpaleuia nin texto para tikmatiskej kox uejkika tikchijtoskej tlen techpaktia?
5. Xikpejpena tlen mitspaleuis
Yotikitakej seki tlamantli tlen Jehová amo kipaktia, pero uelis timoyolpaktiskej ika okseki tlamantli. Xiktlajtoltikan Eclesiastés 8:15 uan Filipenses 4:8 uan satepan xikitakan tlen namechmachtia.
-
¿Tlen mitspaktia ika timoyolpaktis uan tikmati mitspaleuis?
Uelis timoyolpaktiskej ika miak tlamantli.
SEKIMEJ KIJTOUAJ: “Amo tlajtlakoli timoyolpaktiskej ika seki tlamantli kanin mota naualotl, moteuiaj noso auilnemij. ¡Tlajtlakoli tla tikchiuaskej non tlamantli!”.
-
¿Tlen tikijtoskia tla ikaj ijkon mitsiluis?
XIKILNAMIKTO
Jehová kineki matimoyolpaktikan ika tlen techpaleuis.
Matikojpauikan
-
¿Akinmej tikchiuaj ken Cristo ika tlen amo timoyolpaktiaj?
-
¿Tleka amo moneki san matimotonalpolokan ika tlen techpaktia?
-
¿Tikneki timoyolpaktis ika tlen Jehová kipaktia? ¿Tleka?
NIN NOIJKI MITSPAKTIS
Xikita akin moneki kipejpenas tlen ika timoyolpaktiaj.
Xikita tlen mitspaleuis kuali xikpejpena tlen ika timoyolpaktis.
“¿Techpaleuia tlen ika timoyolpaktiaj?” (Akin Tetlapouijtok, 15 de octubre 2011)
Xikita tleka se tlakatl okika tlen ika omoyolpaktiaya. Tlamachtil itoka “Onikka seki tlamantli”.
“Biblia okinpatili innemilis” (Akin Tetlapouijtok, 1 de febrero 2010)
Xikita tlen okichi se siuatl ijkuak okitak tlen ika omoyolpaktiaya okipiaya naualotl.
Xamo noijki mitspaktis
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
