Lucas 3:1-38
3 Ijkuak Tiberio César yokipiaya 15 xiuitl otlanauatijtoka, Poncio Pilato otlanauatiaya Judea. Herodes Antipas otlanauatiaya Galilea. Filipo ikni Herodes otlanauatiaya itech altepemej Iturea uan Traconítide. Lisanias otlanauatiaya altepetl Abilene.
2 Ijkuak Anás uan Caifás okatkaj teopixkej tlen otlayekanayaj, toTajtsin Dios itlaj okimatilti Juan ikone Zacarías kanin tlauaki.
3 Satepan Juan okintlapouito akinmej ochantiayaj itempa aueyatl Jordán. Ye okinmiluiaya mamoapolaktikan. Ijkon kiteititiskiaj omoyolkopayaj para toTajtsin Dios makintlapojpoluili intlajtlakol.
4 Omochi ijkon ken okijkuilo profeta Isaías: “Kanin tlauaki mokaki ikaj chikauak kijtoua: ‘¡Xikchipauakan iojui Jehová uan xikmelauakan!
5 Kitlaltemitiskej ixtlauak uan kixmanaskej* tepeyo. Kinmelauaskej ojmej chijkoltikej uan kinmixmanaskej* ojmej tejtekochtikej.
6 Nochtin kitaskej ken techmakixtis toTajtsin Dios’”.
7 Miakej oyayaj kitatiuij Juan para makinapolakti uan ye okinmiluiaya: “Namejuan nankouamej, ¿akin onamechilui amo namechtlajyouiltis toTajtsin Dios?
8 Achto xikteititikan melauak nanmoyolkopaj. Amo ximokuayejyekokan* nankijtoskej Abrahán namopapa. Porque toTajtsin Dios uelis kichiuas ninmej temej* mamochiuakan ikoneuan Abrahán.
9 Yokiyektlalijkej hacha para kitsontekiskej ineluayo kouitl. Kouitl tlen amo kuajkuali itlakilo, kitsontekiskej uan kitlamotlaskej ijtik tlitl”.
10 Miakej okitlajtlaniayaj Juan: “¿Tlen moneki tikchiuaskej?”.
11 Ye okinmiluiaya: “Akin kipia ome itlaken makitliokoli se akin amo kipia. Noijki akin kipia tlen kikuas makimaka akin amo kipia tlen kikuas”.
12 Hasta tominololojkej okiluitoj Juan makinapolakti uan okitlajtlanijkej: “Tlamachti, ¿tlen moneki tikchiuaskej?”.
13 Ye okinnankili: “Amo xiktlajtlanikan okachi tomin ijkuak oksekimej tlatlaxtlauaj”.
14 Soldados noijki okitlajtlanijkej: “¿Tlen moneki tikchiuaskej?”. Ye okinnankili: “Amikaj xiktlachtekikan nion amikaj xikteneuakan.* Xikselikan san tlen namechtlaxtlauiaj”.
15 Nochtin okichiayaj Cristo ikinon omotlajtlaniayaj kox ye Juan okatka Cristo.
16 Pero ye okinmilui: “Ne namechapolaktia ijtik atl, pero uits akin okachi chikauak amo ken ne, uan amo nechnamiki nikintotomilis ikakuan.* Ye namechapolaktis ika espíritu santo uan ika tlitl.*
17 Ye kikitskijtok tlen ika kejekanis* trigo uan tlachipauas kanin tlaejekanis.* Kololos trigo tlen yichipauak uan kitlatis, pero tlajsoli kitlamotlati ijtik tlitl tlen amo keman seuis”.
18 Juan noijki okinyolchika ijkuak okinmilui miak tlamantli uan okinmatilti kuali tlajtoli.
19 Juan okajuak tekiua Herodes porque omonamikti iuan Herodías tlen okatka isiua ikni. Noijki okajuak porque okichi miak tlamantli amo kuali, ikinon Herodes
20 okichi okse tlamantli amo kuali porque otlanauati makitsakuakan Juan.
21 Ijkuak nochtin omoapolaktijkej, Jesús noijki omoapolakti. Omotlapo iluikak ijkuak omotlatlaujtijtoka
22 uan omotak ipan oualtemok espíritu santo ken se paloma. Noijki omokak ikaj oualtlajto iluikak uan okijto: “Te tinoKone nimitstlasojtla uan tikchiua manipaki”.
23 Jesús okipiaya 30 xiuitl ijkuak opejki tetlapouia iTlajtol toTajtsin Dios. Miakej okineltokayaj ye okatkaikone José,ikone Helí,
24 ikone Matat,ikone Leví,ikone Melquí,ikone Janaí,ikone José,
25 ikone Matatías,ikone Amós,ikone Nahúm,ikone Eslí,ikone Nagái,
26 ikone Maat,ikone Matatías,ikone Semeín,ikone Josec,ikone Jodá,
27 ikone Joanán,ikone Resá,ikone Zorobabel,ikone Sealtiel,ikone Nerí,
28 ikone Melquí,ikone Adí,ikone Cosam,ikone Elmadam,ikone Er,
29 ikone Jesús,ikone Eliezer,ikone Jorim,ikone Matat,ikone Leví,
30 ikone Simeón,ikone Judas,ikone José,ikone Jonam,ikone Eliaquim,
31 ikone Meleá,ikone Mená,ikone Matatá,ikone Natán,ikone David,
32 ikone Jesé,ikone Obed,ikone Boaz,ikone Salmón,ikone Nahsón,
33 ikone Aminadab,ikone Arní,ikone Hezrón,ikone Pérez,ikone Judá,
34 ikone Jacob,ikone Isaac,ikone Abrahán,ikone Taré,ikone Nacor,
35 ikone Serug,ikone Reú,ikone Péleg,ikone Éber,ikone Selá,
36 ikone Cainán,ikone Arpaksad,ikone Sem,ikone Noé,ikone Lamec,
37 ikone Matusalén,ikone Enoc,ikone Jared,ikone Mahalaleel,ikone Cainán,
38 ikone Enós,ikone Set,ikone Adán,ikone Dios.
Notas
^ Noso “kipatlauaskej”.
^ Noso “kinpatlauaskej”.
^ Noso “ximonejneuilikan”.
^ Noso “tepejximej”.
^ Noso “xikijtokan”, “xikpojpouakan”.
^ Noso “ihuaraches”.
^ Nin kijtosneki sekimej kinpejpenas ika espíritu santo uan sekimej kinmixpolos ika tlitl.
^ Noso “kipipitsas”, “kitsetselos”.
^ Noso “tlapipitsas”, “tlatsetselos”.
