AKIN TETLAPOUIJTOK Núm. 1, 2018 | ¿Ok techpaleuia tlen kijtoa Biblia?
¿OK TECHPALEUIA BIBLIA?
Axkan onka miak tlamantli yankuik. Ik non, ¿ok techpaleuia Biblia maski yiuejkika omoijkuilo? Biblia technankilia:
“Nochi tiotlajkuíloli Dios otlanawati makijkuilokah, kuali matechmachtikah” (2 Timoteo 3:16).
Nin revista Akin Tetlapouijtok techtlapouia Biblia uelis kiyekanas tonemilis.
¿Ok techpaleuia tlen kijtoa Biblia?
Ken nochi mopatlati, xamo sekimej kijtoskej amo itlaj ipati ma kitlajtoltikan Biblia porque yikipia kanaj dos mil xiuitl omoijkuilo.
Biblia nochipa kipia ixtlamatilistli
Maski axkan onka miak tlamantli yankuik, non amo kijtosneki Biblia ayakmo techpaleuia. Axkan okachi techpaleuia tlen kijtoa Biblia.
¿Ayakmo techpaleuia noso yokijtoaya tlen yikin tikmatij?
Biblia amo se amochtli tlen tlajtoa itech ciencia pero tlen kijtoa itech non tlamantli uelis mitstlajtlachialtis.
1. Biblia techpaleuia amo ma tikpiakan ouijkayotl
Ma tikitakan ken Biblia yokinpaleui miakej amo okachi ma moouijtilikan.
2. Biblia techpaleuia ma tikyektlalikan ouijkayotl
Biblia techpaleuia ma tikyektlalikan ouijkayotl tlen uejkaua uan techyolkokoa. Biblia kipaleuia akin sapanoa motekipachoa, akin kijtoa satepan kichiuas seki tlamantli uan akin iselti momachilia.
3. Biblia techpaleuia ma tikixnamikikan ouijkayotl
Axkan amo uelis tikchiuaskej amo ma yeto ouijkayotl nion uelis tikyektlaliskej tlen onka. San moneki timoyolchikauas tla timokokoa noso omikik akin sapanoa otiktlasojtlaya. Pero ¿techpaleuis Biblia ma tikixnamikikan nochi nin ouijkayotl?
Biblia kijtoa uelis tikchiaskej tlen kuali
ITlajtol toTajtsin Dios techpaleuia ma tikixnamikikan ouijkayotl tlen mojmostla tikixnamikij. Pero Biblia techiluia tlen tikpiaskej satepan uan techpaleuia ma tiakan itech ojtli tlen kichiuas nochipa ma tiyolpakikan.
¿Tlen timokuayejyekoa?
Ma tikitakan tlen sekimej kineltokaj uan tlen Biblia kijtoa itech nin tlamantli.
