¿Kipia tlatlamantli itoka toTajtsin Dios?
Biblia kijtoua
ToTajtsin Dios kipia san se itoka. Ika hebreo moijkuiloua ika naui letras uan ika español nonmej letras ijkin moijkuiloua: YHWH uan moijtoua “Jehová”. a Ika profeta Isaías, toTajtsin Dios okijto: “Ne niJehová. Ijkon notoka” (Isaías 42:8). Ijkuak yikin okijkuilojkej Biblia, itoka toTajtsin Dios onesiaya kanaj 7,000 veces, okachi miak uelta nesi amo ken okseki tlajtolmej tlen ika kinotsa noso ok ikaj itoka. b
¿Kipia okseki itoka Jehová?
Maski Biblia kiteititia toTajtsin Dios kipia san se itoka, noijki okse tlamantli kinotsaj. Ma tikitakan ken kinotsaj. Ninmej tlajtolmej tikteititiaj tlen kichiua Jehová.
Ken kinotsaj |
Kanin ijkuilitok itech Biblia |
Tlen kijtosneki |
|---|---|---|
Akin kipia sapanoua miak chikaualistli |
Génesis 17:1 |
San ye melauak chikauak. Tlajtoli hebreo’El Schaddái kijtosneki: “Dios akin sapanoua chikauak”, nesi chikome uelta itech Biblia. |
Akin Kuali Tlamachtia |
Isaías 30:20, 21 |
Ye techyekana uan techmachtia porque kineki kuali ma tiyetokan (Isaías 48:17, 18). |
Akin nochipa kajki |
Daniel 7:9, 13 uan 22 |
Amo opejki iyolilis Jehová, ijkuak omochi nochi tlen onka ye yokatka (Salmo 90:2). |
Akin otechchijchi |
Isaías 40:28 |
Ye tinochtin otechchijchi. |
Akin otlachijchi |
Salmo 149:2 |
Ye akin okichijchi nochi tlen onka (Apocalipsis 4:11). |
Akin techkaki |
Salmo 65:2 |
Ye kinkaki nochtin akinmej kitlatlaujtiaj ika nochi inyolo. |
Akin temakixtia |
Isaías 41:14 |
Ika imikilis Jesús, Jehová otechmakixti, ik non, ayakmo tiyetoskej titlajtlakolejkej nion tiixpoliuiskej (Juan 3:16). |
Akin tlachijchiua ika tlali |
Isaías 64:8 |
Uelis technauatis, ijkon ken akin tlachijchiua ika tlali kimati tlen kichiuas ika tlali (Romanos 9:20, 21). |
Alá |
(Amo nesi) |
Tlajtoli Alá kajki ika árabe. Pero amo ijkon itoka, nin tlajtoli kijtosneki “Dios”. Itech seki Biblias ika árabe uan okseki tlajtolmej, Alá kijtosneki Dios. |
Alfa uan Omega |
Apocalipsis 1:8, TNM; 21:6; 22:13 |
Alfabeto griego peua ika Alfa uan tlami ika omega. Kijtosneki Jehová “ye achto uan iksemi” noso “akin tlapeualtia iuan akin tlayekatlamia” achto amo okatka se Dios chikauak ken ye uan satepan amo yetos okse (Isaías 43:10). |
Amo kineki okse ma kiueyichiuakan |
Éxodo 34:14 |
Amo kipaktia ma kinueyichiuakan oksekimej dioses, “kineki san ye ma kiueyichiuakan”. (Traducción del Nuevo Mundo [con referencias], nota). |
Dios |
Génesis 1:1 |
Kijtosneki ikaj noso itlaj tlen kiueyichiua noijki kijtosneki akin chikauak. Tlajtoli hebreo ʼElohím kiteititia Jehová ueyititok uan yolkuali. |
Dios akin ueyititok |
Deuteronomio 10:17 |
Kijtosneki san ye ueyititok uan oksekimej dioses amitlaj inpati (Isaías 2:8). |
Dios akin yolpaki |
Ijkon kiluiaj porque ye nochipa yolpaktok (Salmo 104:31). |
|
Ne niyetos san tlen ne nikpejpenas niyetos |
Éxodo 3:14 |
Ye kichiua tlen moneki para ma mochiua tlen kineki, nin techpaleuia ma tikajsikamatikan tlen kijtosneki itoka toTajtsin Dios, Jehová, tlen nesi itech okse versículo (Éxodo 3:15). |
Nochipa ye ueyi tekiua |
Apocalipsis 15:3, TNM |
San ye kinamiki tlanauatis uan amikaj kipatkayotis. |
Santísimo |
Proverbios 9:10 |
San ye akin okachi santo. |
Sapanoua ueyititok |
Salmo 47:2 |
San ye akin okachi ueyititok. |
Techmakixtia |
Isaías 45:21 |
Techpaleuia para amo ma techpano tlen amo kuali uan techmakixtia. |
Tepexitl |
Salmo 18:2, 46 |
Ye nochipa techmaluis uan techmakixtis. |
Tlajpixki |
Salmo 23:1 |
Kinmaluia akinmej kiueyichiuaj. |
ToTajtsin |
Mateo 6:9, TNM |
Ye akin techmaka toyolilis. |
Toteko |
Salmo 135:5 |
Kijtosneki nochi iaxka uan ika hebreo moijtoua ʼAdhóhn uan ʼAdhoním. |
Toteko akin ueyititok |
Génesis 15:2 |
San ye kinamiki tlanauatis, ika hebreo moijtoua ’Adhonái. |
Ueyititok |
Daniel 7:18, 27 |
Ye okachi ueyititok uan amikaj okse ken Ye. |
Yahvé Sebaot, Señor de los ejércitos |
Isaías 1:9, Romanos 9:29, Biblia de Jerusalén, 1998 |
Kijtosneki akin kinyekana miakej ángeles tlen sapanoua chikauakej. Noijki uelis moijtos “Jehová akin kinyekana soldados” (Romanos 9:29, TNM). |
Seki altepemej tlen moijtoua itech Escrituras Hebreas
Seki altepemej tlen moijtoua itech Biblia kipia itoka toTajtsin Dios pero amo kijtosneki ijkon itoka.
Altepetl |
Kanin nesi itech Biblia |
Tlen kijtosneki |
|---|---|---|
Jehová-nisí |
Éxodo 17:15 |
Itekipanojkauan uelis motokiskej itech uan ye kinmaluis uan kinpaleuis (Éxodo 17:13-16). |
Jehová-salom |
Jueces 6:23, 24 |
“Jehová yolseuilistli”. |
Jehová-sama |
Ezequiel 48:35, Reina-Valera |
“Jehová ompa kajki”. |
Jehová-yiré |
Génesis 22:13, 14 |
“Jehová techmakas tlen moneki”. |
¿Tleka moneki tikmatiskej ken itoka toTajtsin Dios uan ijkon tiknotsaskej?
ToTajtsin Dios, kipatioita itoka: “Jehová”, ik non, otlanauati ma kijkuilokan miak uelta itech Biblia (Malaquías 1:11).
Jesucristo, iKone toTajtsin Dios, okiteititi itoka iTajtsin miak ipati, se tonal ijkuak omotlatlaujti okijto: “Ma mochipaua motoka” (Mateo 6:9, TNM; Juan 17:6).
Akinmej kimatij ken itoka toTajtsin Dios, kinotsaj ika itoka uan mochijchikajtokej para iuan mouikaskej (Salmo 9:10; Malaquías 3:16). Biblia kijtoua: “Ye nechtlasojtla, ik non, nikmakixtis. Nikmaluis porque kimati tlen notoka”, ijkon kinmiluia Jehová akinmej kixmatij (Salmo 91:14).
Biblia kijtoua katej “miakeh diosmeh iwa tekowajkeh kan ilwikak noso itech tlaltíkpaktli” (1 Corintios 8:5, 6). Pero tokayotl Jehová kiteititia san ye akin melauak toTajtsin Dios (Salmo 83:18).
a Sekimej ixtlamatkej tlen tlajtouaj hebreo kitlajtolkopaj ken “Yahweh” noso “Yahvé”.
b Itoka toTajtsin Dios noijki moijkuiloua Jah uan nesi kanaj cincuenta veces itech Biblia. Noijki kajki itech tlajtoli Aleluya, kijtosneki “xikueyichiuakan Jah” (Apocalipsis 19:1; Reina-Valera).
Xamo noijki mitspaktis
TLEN OKACHI IPATI TLAMACHTIA BIBLIA
¿Kipia itoka toTajtsin Dios?
Tlatlamantli kitokayotiaj toTajtsin Dios ken Akin oTlachijchi uan toTeko. Itech nin video moteititia tlen itoka toTajtsin Dios uan ken itech Biblia motekitiltia kanaj 7,000 veces.
ITECH TEJUAN
Xiktlajtlani ikaj ma mitstlajpaloti
Xikita tlen technankilia Biblia noso xikita ken titlamachtiaj Biblia.