Amo. Biblia kiyekijtoua toTajtsin Dios otechchijchi uan nochi tlen onka, nin kijtosneki nochi tlen molinia, yolkamej, xiuitl uan kuajmej (Génesis 1:12, 21, 25, 27; Apocalipsis 4:11). a Biblia noijki kijtoua nochtin familias ualeuaj itech achto totatajuan Adán uan Eva (Génesis 3:20; 4:1). Amo otineskej ika evolución, nin kijtosneki toTajtsin Dios amo okichi ika evolución nochi tlen onka. Pero Biblia amo kinmixnamiki ijkuak ixtlamatkej kijtouaj yolkamej tlatlamantli. b

•  ¿Tlen kineltokaj sekimej?

•  ¿Evolución mouika ika tlen kijtoua Biblia?

•  ¿Ijkuak se tlamantli kajki oksekan uan mopatla kijtosneki evolución?

 Miakej kineltokaj toTajtsin Dios okichijchi nochi tlen onka ika evolución. Tlajtoli evolución teística miak tlamantli kijtosneki, Encyclopædia Britannica kijtoua: “ToTajtsin Dios mopaleuia ika evolución para kichijchiuas nochi tlen onka”.

 Akinmej tlaneltokaj itech evolución, kineltokaj seki tlamantli:

•   Nochi tlen axkan yolitok yokatka yiuejkika pero omotaya okse tlamantli.

•   Se tlamantli tlen yoltok uelis mopatlas uan mokopas okse tlamantli. Ijkuak ijkon panoua moixmati ken macroevolución.

•   ToTajtsin Dios kichiua ijkon ma pano.

 Tla nochi tlen onka mochiuaskiaj ika evolución, tlen kijtoua amochtli Génesis ken otlachijchi toTajtsin Dios amo yetoskia melauak. Pero Jesús okijto tlen ijkuilitok ompa ijkon opanok (Génesis 1:26, 27; 2:18-24; Mateo 19:4-6). Biblia kijtoua Jesús okatka iuan itajtsin ompa iluikak, achto ualaskia ipan tlaltikpak uan okipaleui ijkuak toTajtsin Dios otlachijchi (Juan 1:3). Ik non, ijkuak miakej kijtouaj toTajtsin Dios otlachijchi ika evolución, amo mouika ika tlen kijtoua Biblia.

 Biblia amo kijtoua ken mopatla seki tlamantli. Noijki amo kiyekijtoua ken yolkamej, kuajmej noso xiuitl uelis mopatlaskej ijkuak moskaltiaj noso katej oksekan. Sekimej ijkuak ijkon kitaj mokuayejyekouaj non evolución, pero non amo melauak porque amo mochiua itlaj yankuik.