IHubo 94:1-23
94 Awu Jehova Nkulunkulu ophindiselayo,+Khazimula Nkulunkulu wempindiselo!
2 Phakama awu Mahluleli womhlaba,+Phindisela kulabo abazikhukhumezayo ubaphe okubafaneleyo.+
3 Kuzaze kube nini Jehova?
Kuzaze kube nini ababi beqhubeka bethokoza?+
4 Bakhuluma bengacabanganga bezigqaja.
Bonke abenza okubi bazitshaya isifuba.
5 Bachoboza abantu bakho Jehova,+Bacindezela abantu abalilifa lakho.
6 Babulala abafelokazi labantu bezizweni,Babulale lezintandane.
7 Bathi: “UJah kaboni,+UNkulunkulu kaJakhobe kaboni okwenzakalayo.”+
8 Zwisisani lokhu lina elingelangqondo.
Kanti lizazwisisa nini lina ziphukuphuku?+
9 Kambe lowo owadala indlebe angehluleka ukuzwa?
Lowo owadala ilihlo angehluleka yini ukubona?+
10 Kambe lowo oqondisa izizwe angehluleka ukulikhuza?+
Phela nguye onika abantu ulwazi!+
11 UJehova uyayazi imicabango yabantu,Uyakwazi ukuthi injengomoya ophuma emakhaleni.+
12 Awu Jah, uyathokoza umuntu omkhuzayo,+Lowo omfundisa usebenzisa umthetho wakho,+
13 Ukuze umenze ahlaliseke ngesikhathi sobunzima,Umuntu owenza okubi aze agejelwe igodi.+
14 UJehova kasoze abatshiye abantu bakhe,+Kumbe alahle labo abalilifa lakhe.+
15 Abahluleli bazaphinda bahlulele ngendlela eqondileyo,Bonke abaqotho enhliziyweni bazavumelana lakho.
16 Ngubani ozangivikela ebantwini ababi?
Ngubani ozangisekela nxa ngisilwa labantu abenza okubi?
17 Aluba uJehova ubengayisuye msizi wami,Ngabe kudala ngatshabalala.+
18 Ngesikhathi ngisithi: “Unyawo lwami selutshelela,”
Wena Jehova wangisekela ngothando lwakho oluqotho.+
19 Lapho ukukhathazeka sekungikhulela,*Wena wangiduduza, wangenza ngathokoza.+
20 Kambe ababusi* abangamaqili bangamanyana lawe,Bona besebenzisa umthetho ukuthi benze okubi?+
21 Bahlasela umuntu olungileyo bamenze ulunya,+Ongelacala bamgwebele ukufa.+
22 Kodwa uJehova uzakuba yindawo yami yokucatsha evikelekileyo.*UNkulunkulu wami ulidwala lami engicatsha kulo.+
23 Uzakwenza ukuthi okubi abakwenzayo kulimaze bona.+
Uzabatshabalalisa* ngezinto ezimbi abazenzayo.
UJehova uNkulunkulu wethu uzabaqeda* bonke.+
Amabala angaphansi
^ Kumbe, “imicabango engincitsha ukuthula isingikhulela.”
^ Kumbe, “abahluleli.”
^ Kumbe, “ephakemeyo.”
^ NgesiHebheru, “Uzabathulisa.”
^ NgesiHebheru, “uzabathulisa.”
