IZaga 19:1-29
19 Kungcono ukuba ngumyanga kodwa uhamba ngobuqotho+Kulokuba yisithutha njalo uqamba amanga.+
2 Akukuhle ukuthi umuntu angabi lolwazi,+Njalo umuntu olamawala uyona.
3 Ubuphukuphuku bomuntu yibo obuphambanisa indlela yakhe,Inhliziyo yakhe ibisithukuthelela uJehova.
4 Inotho ibiza abangane abanengi,Kodwa umyanga uzatshiywa langumngane wakhe.+
5 Ufakazi wamanga uzajeziswa loba sekutheni,+Lalowo ohlala ehutshuza amanga kasoze aphunyuke.+
6 Abantu abanengi bafuna umhlonitshwa* abe lomusa kubo,Njalo umuntu wonke ungumngane womuntu onika izipho.
7 Umyanga uzondwa yibo bonke abafowabo,+Labangane bakhe bamninela khatshana.+
Uyabalandela ebancenga kodwa abamnanzi.
8 Loba ngubani oba lengqondo uthanda impilo yakhe.+
Loba ngubani oqakathekisa ukuqedisisa uzaphumelela.*+
9 Ufakazi wamanga uzajeziswa loba sekutheni,Lalowo ohlala ehutshuza amanga uzatshabalala.+
10 Nxa impilo emnandi ingasifanelanga isiphukuphukuInceku layo ngeke ibuse izikhulu.+
11 Ukuzwisisa komuntu kuyalwehlisa sibili ulaka lwakhe,+Njalo kuyinto enhle kuye ukungabi lendaba lokuqalwa.+
12 Ulaka lwenkosi lunjengokubhonga kwesilwane,+Kodwa umusa wayo unjengamazolo phezu kotshani.
13 Indodana eyisiphukuphuku ilethela uyise uhlupho,+Lomfazi othanda ingxabano* unjengophahla oluhlala lunethela.+
14 Indlu lenotho lilifa elivela kubobaba,Kodwa umfazi ohlakaniphileyo uvela kuJehova.+
15 Ubuvila bubangela ubuthongo obukhulu,Njalo ivilavoxo lizalamba.+
16 Ogcina umlayo ugcina impilo yakhe;+Ongelandaba lesiphetho sezindlela zakhe uzakufa.+
17 Owenzela umuntukazana umusa ukweledisa uJehova,+UNkulunkulu uzambhadala* ngenxa yalokho akwenzayo.+
18 Laya indodana yakho ithemba lisesekhona,+Akungabi nguwe obangela ukufa kwayo.+
19 Umuntu ozonda masinyane uzakubhadalela lokho,Nxa ungazama ukumlamulela uzahlala ukwenza njalonje.+
20 Lalela nxa uselulekwa njalo uvume ukulaywa,+Ukuze uhlakaniphe kusasa.+
21 Manengi amacebo asenhliziyweni yomuntu,Kodwa intando* kaJehova yiyo ezaphumelela.+
22 Ubuhle bomuntu luthando lwakhe oluqotho,+Njalo kungcono ukuba ngumyanga kulokuba ngusomangase.
23 Ukwesaba uJehova kuletha ukuphila;+Lowo omesabayo uzaphumula kamnandi angehlelwa yingozi.+
24 Ivila liyafaka isandla salo emganwini,Kodwa alizihluphi ngokusibuyisela emlonyeni walo.+
25 Tshaya umuntu othanda ukweyisa*+ ukuze ongelalwazi akhaliphe,+Ukhuze ozwisisayo ukuze angezelele ulwazi.+
26 Ohlukuluza uyise axotshe loninaUyindodana ethelela inhloni lehlazo.+
27 Ndodana yami ungayekela ukulalela nxa ulaywa,Uzaphambuka emazwini olwazi.
28 Ufakazi ongelancedo weyisa ukwahlulela kuhle,+Lomlomo womuntu oxhwalileyo uginya okubi.+
29 Isahlulelo sigcinelwe abantu abathanda ukweyisa,+Lokutshaywa ngokwemihlane yabayizithutha.+
Amabala angaphansi
^ Kumbe, “umuntu ophanayo.”
^ NgesiHebheru, “uzathola okuhle.”
^ Kumbe, “Lomfazi ohluphayo.”
^ Kumbe, “uzamupha umvuzo.”
^ Kumbe, “injongo; iseluleko.”
^ Kumbe, “ukukloloda.”
